კახა კალაძე

ჩვენ ხომ ვამბობთ, რომ გვინდა ევროპა, ევროპული მომავალი და გამჭვირვალობა არის ერთ-ერთი უმნიშვნელოვანესი მიმართულება. შესაბამისად, ჩვენც ვითხოვთ გამჭვირვალობას - კახა კალაძე

"ჩვენ ხომ ვამბობთ, რომ გვინდა ევროპა, ევროპული მომავალი და გამჭვირვალობა არის ერთ-ერთი უმნიშვნელოვანესი მიმართულება. შესაბამისად, ჩვენც ვითხოვთ გამჭვირვალობას" - ეს განცხადება თბილისის მერმა, კახა კალაძემ გააკეთა.ის ეხმაურება პარლამენტის თავმჯდომარის განცხადებას, რომელმაც სოციალურ ქსელში გაავრცელა და აღნიშნა: "დიდი ბრიტანეთის საელჩო ქართული საზოგადოებისთვის არ ასაჯაროებს, ვის რა თანხით აფინანსებდა 2024 წლის არჩევნების წინ და რა თანხით აფინანსებს დღეს"."ჩვენ გვინდა ერთი რამ, ხალხმა უნდა იცოდეს სიმართლე. ეს განცხადება, რომელიც რამდენიმე დღის წინ მოვისმინეთ შალვა პაპუაშვილის მხრიდან, გაესაჯაროებინათ თუნდაც გადმორიცხული თანხები ვის მოხმარდა, რომელ ორგანიზაციებს და კონკრეტულად რა პროექტებში დაიხარჯა, დღემდე არ არის გასაჯაროებული. ჩვენ ხომ ვამბობთ, რომ გვინდა ევროპა, ევროპული მომავალი და გამჭვირვალობა არის ერთ-ერთი უმნიშვნელოვანესი მიმართულება. შესაბამისად, ჩვენც ვითხოვთ გამჭვირვალობას", - აცხადებს კახა კალაძე.

პოლიტიკა • 1750335420

ზურაბ აბაშიძე: დარწმუნებული ვარ, ჩვენი ქალაქის და თანაქალაქელების საკეთილდღეოდ მომავალშიც მრავალ სასიკეთო საქმეს გავაკეთებთ

თბილისის საკრებულოს თავმჯდომარემ, ზურაბ აბაშიძემ საკრებულოს სხდომაზე დედაქალაქის მთავრობის მიერ განხორციელებულ მნიშვნელოვან პროექტებზე ისაუბრა და განაცხადა, რომ თბილისის საკრებულომ და მერიამ ერთობლივი საქმიანობით ქალაქისთვის არაერთი საკეთილდღეო პროექტი განახორციელა. მან თბილისის საკრებულოს ყოფილ თავმჯდომარეს და დედაქალაქის ვიცე-მერს გიორგი ტყემალაძეს გაწეული საქმიანობისთვის მადლობა გადაუხადა და ახალ თანამდებობაზე წარმატებები უსურვა.„მადლობას ვუხდი გიორგი ტყემალაძეს გაწეული საქმიანობისთვის. სწორედ მისი ხელმძღვანელობის დროს მრავალი მნიშვნელოვანი ინიციატივა განხორციელდა, რამაც ჩვენს ქალაქს წინსვლა და განვითარება მოუტანა. დარწმუნებული ვარ, გიორგი ტყემალაძე ახალი პოზიციიდან ჩვენი ქალაქისთვის კიდევ უფრო მეტის გაკეთებას შეძლებს. ასევე, მინდა მადლობა გადავუხადო საკრებულოს აპარატის თითოეულ თანამშრომელს, მრავალწლიანი თავდადებული შრომისა და საქმიანობისთვის“ - განაცხადა ზურაბ აბაშიძემ.თბილისის საკრებულოს თავმჯდომარემ აქტიური თანამშრომლობისთვის მადლობა დედაქალაქის მერს კახა კალაძესაც გადაუხადა და განაცხადა, რომ თბილისისა და თბილისელებისთვის მომავალშიც მრავალი სასიკეთო საქმე გაკეთდება.„მსურს მადლობა გადავუხადო ქალაქის მერს, ბატონ კახი კალაძეს და თბილისის მერიის თანამშრომლებს. ჩვენ ერთად არაერთი მნიშვნელოვანი გადაწყვეტილება მივიღეთ და დარწმუნებული ვარ, ჩვენი ქალაქის და თანაქალაქელების საკეთილდღეოდ მომავალშიც მრავალ სასიკეთო საქმეს გავაკეთებთ. განხორციელებული და მომავალში დაგეგმილი პროექტების შესახებ კახა კალაძემ მოსახლეობისთვის ანგარიშის ჩაბარება უკვე დაიწყო, რაც ასევე ძალიან მნიშვნელოვანია“, - განაცხადა თბილისის საკრებულოს თავმჯდომარემ.

პოლიტიკა • 1750333408

თბილისის მერი გლდანის მეოთხე მიკრორაიონში სკვერის მოწყობის სამუშაოებს გაეცნო

თბილისის მერი კახა კალაძე გლდანის მეოთხე მიკრორაიონის N110−112 კორპუსების მიმდებარედ სკვერის მოწყობის სამუშაოებს გაეცნო.აღნიშნულ ტერიტორიაზე, მოსახლეობასთან შეთანხმებით, განხორციელდა უკანონო შემოღობვებისა და ავტოფარეხების დემონტაჟი, რის შემდეგაც შესაბამისი სამუშაოები დაიწყო. უკვე დამონტაჟებულია გარე განათებისა და სარწყავი სისტემები, მოეწყო საფეხმავლო და ველობილიკები.„გლდანის მეოთხე მიკრორაიონში, N110−112 კორპუსებთან არსებულ ტერიტორიას უტარდება სრული რეაბილიტაცია. განხორციელდა უსახური ფარეხების დემონტაჟი, რისთვისაც მინდა, ადგილობრივ მოსახლეობას განსაკუთრებული მადლობა გადავუხადო. თავადაც ნახავენ, თუ რამდენად მნიშვნელოვანია მსგავსი საუბნო სივრცეების არსებობა, რომელიც ყველანაირად კეთილმოწყობილი იქნება. პროექტის ფარგლებში, ბავშვებისთვის გამოიყოფა შესაბამისი ზონა და განთავსდება ატრაქციონები. დაირგვება ხე-მცენარეებიც. ერთი ჰექტარი ტერიტორიაა და სამუშაოებს სექტემბრისთვის დავასრულებთ“, – განაცხადა კახა კალაძემ.გარდა ამისა, ტერიტორიაზე მოეწყობა მოსასვენებელი პავილიონი, ფიტნეს ზონა და ჩატარდება გამწვანების სამუშაოები. ასევე, განთავსდება სკვერისთვის საჭირო ინფრასტრუქტურა.თბილისის მერიის ინფორმაციით, აღნიშნულ სამუშაოებს გლდანის რაიონის გამგეობა ახორციელებს, რისთვისაც ადგილობრივი ბიუჯეტიდან 1 173 333 ლარი დაიხარჯება.დედაქალაქის მერთან ერთად, ადგილზე იმყოფებოდნენ მერის მოადგილე ირაკლი ბენდელიანი და გლდანის გამგებელი ბესიკ კალაძე.

პოლიტიკა • 1750332489

როდესაც საქართველოში ჩატარდება საპარლამენტო არჩევნები, რა თქმა უნდა, მოწვეულნი იქნებიან საერთაშორისო ორგანიზაციები - დღეს ამის აუცილებლობა არ არის - კახა კალაძე ბრიტანეთის საელჩოს განცხადებაზე

როდესაც საქართველოში იქნება საპარლამენტო არჩევნები, რა თქმა უნდა, როგორც ყველა არჩევნების დროს, მოწვეულნი და წარმოდგენილნი იქნებიან საერთაშორისო სადამკვირვებლო ორგანიზაციები - დღეს ამის აუცილებლობა არ არის, მით უმეტეს, იმ ფონზე, როდესაც აღნიშნული ორგანიზაციების დასკვნები ფეხქვეშ იყო გათელილი, - განაცხადა თბილისის მერმა კახა კალაძემ ჟურნალისტებთან საუბრისას, საქართველოში ბრიტანეთის საელჩოს განცხადების საპასუხოდ.მისი თქმით, საპარლამენტო არჩევნების შესახებ ეუთო/ოდირის დასკვნის დისკრედიტაციის კამპანია თვეების განმავლობაში მიმდინარეობდა და ამაში ევროკავშირის ზოგიერთი ქვეყანა და მაღალი თანამდებობის პირებიც იყვნენ ჩართულნი.„პრემიერ-მინისტრმა გააკეთა განმარტება და მეც მინდა კიდევ ერთხელ გავიმეორო, რომ წარმოუდგენელი დამოკიდებულებაა. პირველი, იქიდან გამომდინარე, რომ საპარლამენტო არჩევნებს აკვირდებოდა ეუთო/ოდირი, მათ წარმოადგინეს შესაბამისი დასკვნა არჩევნებთან დაკავშირებით და გვახსოვს, თვეების განმავლობაში მიმდინარეობდა მიზანმიმართული კამპანია აღნიშნულ დასკვნასთან დაკავშირებით. გვახსოვს, როგორ მოიხსენიებდნენ ეუთო/ოდირს და არაფრად აგდებდნენ მას, რაც დღესაც გრძელდება. ფაქტობრივად, მათი დასკვნა ფეხქვეშ გათელეს, უამრავი ცილისწამება, შეურაცხყოფა იყო“, - განაცხადა კახა კალაძემ.მისი თქმით, ამ ფონზე გაუგებარია საელჩოს განცხადება.„ამ ფონზე, აბსოლუტურად გაუგებარია. თანაც, ზოგადად, ასეთი პრაქტიკა მსოფლიოში, რომ თვითმმართველობის არჩევნებზე ეუთო/ოდირის მოწვევა ხდებოდეს, არ არის, იშვიათი გამონაკლისების გარდა, რაც ჩვენც გვქონდა. მაგალითად, 2021 წელი იყო იშვიათი გამონაკლისი. დღეს ამის აუცილებლობა არ არის, მითუმეტეს იმ ფონზე, როდესაც აღნიშნული ორგანიზაციების დასკვნები ფეხქვეშ იყო გათელილი.ჩვენ გამოვთქვით მზაობა, რომ აუცილებლად გავითვალისწინებთ რეკომენდაციებს და ეს მართლაც ასეა. პრობლემა არის სხვა - დასკვნა, რომელიც დადო ეუთო/ოდირმა, სადაც, რა თქმა უნდა, იყო შენიშვნები და ყველაფერს გავაკეთებთ, რომ გავაუმჯობესოთ ეს მიმართულება, თვეების განმავლობაში მიმდინარეობდა მისი დისკრედიტაციის კამპანია, რაშიც ჩართული იყო არა მხოლოდ ქართული მედიის ნაწილი, არამედ ევროკავშირის ზოგიერთი ქვეყანა, მაღალი თანამდებობის პირები და, გვახსოვს, თუ რა განცხადებებს აკეთებდნენ. ეს არის ფაქტები“, - აღნიშნა კახა კალაძემ.მისი თქმით, ყველამ უნდა გაითავისოს, რომ გადაწყვეტილებას იღებს ქართველი ხალხი.„უნდა გაისიგრძეგანოთ და გაითავისოთ, რომ ლეგიტიმაციას იძლევა ქართველი ხალხი, ქართველი ხალხი იღებს გადაწყვეტილებას, ვინ უნდა იყოს ხელისუფლებაში, ვის უნდა ანდოს ქვეყნის ბედი და იგივე გადაწყვეტილებას მიიღებს ქართველი ხალხი ადგილობრივი თვითმმართველობის არჩევნებზე და არა ვინმე, გარედან დაწერილი მესიჯებითა და გადაწყვეტილებებით, ეს არის ჩვენი დამოკიდებულება“, - განაცხადა მერმა.მან ასევე აღნიშნა, რომ როდესაც ქვეყანაში ჩატარდება საპარლამენტო არჩევნები, საერთაშორისო დამკვირვებლები მოწვეული იქნებიან.„როდესაც იქნება საპარლამენტო არჩევნები, რა თქმა უნდა, როგორც ყველა არჩევნების დროს, მოწვეული და წარმოდგენილნი იქნებიან საერთაშორისო ორგანიზაციები. ამის არანაირი პრობლემა არ არის“, - აღნიშნა კახა კალაძემ

პოლიტიკა • 1750332153

კახა კალაძე: გაზრდილი ბიუჯეტის თანხები მიმართული იქნება ინფრასტრუქტურულ პროექტებსა და სოციალურ პროგრამებზე

თბილისის მერის განცხადებით, დედაქალაქის გაზრდილი ბიუჯეტის თანხები ინფრასტრუქტურულ პროექტებსა და სოციალურ პროგრამებზე იქნება მიმართული.როგორც კახა კალაძემ ჟურნალისტებს დედაქალაქის ბიუჯეტის, დაახლოებით, 62 მილიონი ლარით გაზრდასთან დაკავშირებით დასმული კითხვის პასუხად განუცხადა, მიუხედავად იმისა, რომ თბილისში ბევრი მნიშვნელოვანი პროექტი ხორციელდება, არსებობს სერიოზული გამოწვევები, რომელთაც ღირსეული პასუხი სჭირდება.„გაზრდილი ბიუჯეტის თანხები მიმართული იქნება ინფრასტრუქტურულ პროექტებზე, სოციალურ პროგრამებზე. მიუხედავად იმისა, რომ ბევრი კარგი და მნიშვნელოვანი პროექტი ხორციელდება დედაქალაქში, არსებობს სერიოზული გამოწვევები, პრობლემები და ამ ყველაფერს სჭირდება ღირსეული პასუხი.ჩვენ მზად ვართ, გავაგრძელოთ მუშაობა ქალაქის განვითარებისთვის. მინდა, დედაქალაქის მოსახლეობას მადლობა გადავუხადო მხარდაჭერისთვის, რადგან 2017 წლიდან მოყოლებული დღემდე მოსახლეობა მხარს გვიჭერს და გვერდით გვიდგას ყველა მნიშვნელოვან წამოწყებაში, რაც მთავარია, გვენდობა და ჩვენთან ერთად გადის ქალაქის განვითარების ყველა ეტაპს.მომდევნო ოთხი წელი კიდევ უფრო მნიშვნელოვანი იქნება ქალაქისთვის. ბევრი კარგი პროექტი გვაქვს დაგეგმილი, რომლებზეც ინფორმაციას საზოგადოებას ეტაპობრივად მივაწვდით“, - განაცხადა თბილისის მერმა.

პოლიტიკა • 1750329512

ადამიანთა გარკვეული ჯგუფი ჯიუტად ებრძვის ქართულ სახელმწიფოებრიობას, არსებულ ხელისუფლებას, რადგან ვერ შეძლო თავისი აგენტურის მოყვანა - კახა კალაძე

ადამიანთა გარკვეული ჯგუფი ჯიუტად ებრძვის ქართულ სახელმწიფოებრიობას, არსებულ ხელისუფლებას, იმიტომ, რომ ისინი დამარცხდნენ არჩევნებში და ვერ შეძლეს თავიანთი აგენტურის მოყვანა, – ამის შესახებ თბილისის მერმა, კახა კალაძემ ევროპარლამენტის რეზოლუციასთან დაკავშირებით დასმული კითხვის პასუხად განაცხადა.მისი თქმით, საქართველო აგრძელებს განვითარებას, წინსვლას ევროინტეგრაციის გზაზე.„ადამიანთა გარკვეული ჯგუფი ჯიუტად ებრძვის ქართულ სახელმწიფოებრიობას, ებრძვიან არსებულ ხელისუფლებას, იმიტომ, რომ ისინი დამარცხდნენ არჩევნებში და ვერ შეძლეს თავიანთი აგენტურის მოყვანა. რეალურად რა ხდება – საქართველო აგრძელებს განვითარებას, წინსვლას ევროინტეგრაციის გზაზე, მაგრამ არის ხელის შემშლელი მომენტები, კონკრეტულად, განცხადებები, რომელსაც ვისმენთ, ქმედებები, რომელიც მხოლოდ და მხოლოდ ტყუილსა და შანტაჟზეა დაფუძნებული. თუმცა, არსებობენ ადამიანები, რომლებიც ხედავენ, რეალურად რასთან გვაქვს საქმე, ადამიანები, რომლებიც საუბრობენ სიმართლეზე, რომ ქვეყანაში არჩევნები ჩატარდა თავისუფალ გარემოში და ყველა პოლიტიკურ პარტიას ჰქონდა შესაძლებლობა, ჩაეტარებინა კამპანია, მიეღო მონაწილეობა; ჩვენ გვაქვს სიტყვის და გამოხატვის თავისუფლება, რა თქმა უნდა, არავის აქვს უფლება, ხელი ასწიოს პოლიციელზე, ვინც არ უნდა იყოს – სტატუსი დანაშაულს ვერ აღუდგება ფარად. არ აქვს მნიშვნელობა, ეს იქნება, პოლიტიკოსი, ჟურნალისტი თუ ბიზნესმენი, კანონის წინაშე ყველა ვართ თანასწორი“, – განაცხადა კახა კალაძემ.

პოლიტიკა • 1750329389

ოპოზიციას სურვილი აქვს, რომ თავისი დანაშაული რეპრესიად შეფუთოს - კახა კალაძე

რადიკალურ ოპოზიციონერებს უნდათ, რომ ყველაფრის გაკეთება შეძლონ, სხვა დააზიანონ, რაღაც დააზიანონ, კანონი დაარღვიონ, - განაცხადა დედაქალაქის მერმა მედიასთან.კახა კალაძე გამოეხმაურა ოპოზიციის ბრალდებას, რომელიც ხელისუფლებას რეპრესიებში ადანაშაულებს. მისი თქმით, პოლიტიკოსი ვალდებულია კანონი დაიცვას.„რეპრესიებზე საუბარი ჩვეულებრივი პოლიტიკური სპეკულაციაა. მათ აქვთ სურვილი, რომ თავიანთი დანაშაული რეპრესიად შეფუთონ. ანუ რა გამოდის, რომ თუ გაქვს პოლიტიკოსის სტატუსი, ყველაფრის გაკეთება შეგიძლია, რომ სხვა დააზიანო, რაღაც დააზიანო, კანონი დაარღვიო? მათი განცხადებებიდან ასე ჩანს, რომ უნდათ ამ ყველაფრის უფლება ჰქონდეთ. ეს სწორი დამოკიდებულება არ არის. ჩვენ, პოლიტიკოსებს გვაქვს ძალიან დიდი პასუხისმგებლობა საზოგადოების, ხალხის წინაშე და პირველები უნდა ვიყოთ, ვინც კანონს დაიცავს. ამ შემთხვევაში პირიქით ხდება. თუკი რაიმე სიბინძურე არსებობს, აკეთებს ეს რადიკალური დაჯგუფება“, - განაცხადა კახა კალაძემ.რაც შეეხება ოპოზიციის არჩევნებში მონაწილეობის საკითხს, თბილისის მერის თქმით, მათი გადაწყვეტილება საინტერესო არაა.„საერთოდ არაა საინტერესო, რას გადაწყვეტს რადიკალური დაჯგუფება. ვიცით მათი დღის წესრიგი - რასაც ეტყვიან, დაავალებენ, იმას გააკეთებენ. რამდენიმე თვის წინ გახსოვთ რა პოზიცია ჰქონდათ. პირდაპირ აცხადებდნენ, რომ არჩევნებში მონაწილეობის მიღებას არ აპირებდნენ. დღეს უკვე პოზიცია შეცვლილი აქვთ“, - აღნიშნა დედაქალაქის მერმა.

პოლიტიკა • 1750234377

პირადად ჩემი სიძლიერე არის ის გუნდი, ვინც ჩემთან ერთად შრომობს - კახა კალაძე

შეიძლება ყველაზე ხშირად საზოგადოებაში ვჩანვარ მე, როდესაც ამა თუ იმ პროექტზე ვსაუბრობ, თუმცა, ჩემს უკან 30 000-მდე ადამიანი დგას, ვინც ყოველდღიურად შრომობს, - განაცხადა დედაქალაქის მერმა თბილისის ურბანული და სატრანსპორტო პოლიტიკის ფარგლებში განხორციელებული პროექტების შეჯამებისას.კახა კალაძემ მადლობა გადაუხადა მუნიციპალიტეტის თანამშრომლებს, რომლებიც ყოველდღიურ რეჟიმში მუშაობენ იმისთვის, რომ თბილისი იყოს უფრო ლამაზი და მოწესრიგებული.დედაქალაქის მერმა ასევე, განსაკუთრებული მადლობა გადაუხადა პრემიერ-მინისტრ ირაკლი კიობახიძეს მხარდაჭერისთვის.„რვა წელი იწურება, რაც დედაქალაქის მერი ვარ. გულწრფელად მინდა გითხრათ, რომ ამ რვა წლის განმავლობაში, ქალაქისთვის საჭირო და მნიშვნელოვანი უამრავი პროექტი განხორციელდა. რთულია ამ ყველაფრის ჩამოთვლა. შეიძლება ყველაზე ხშირად საზოგადოებაში ვჩანვარ მე, როდესაც ამა თუ იმ პროექტზე ვსაუბრობ, თუმცა, ჩემს უკან 30 000-მდე ადამიანი დგას, ვინც ყოველდღიურად შრომობს, რომ ჩვენი ქალაქი კიდევ უფრო ლამაზი, მოწესრიგებული იყოს, კიდევ უფრო მეტი განახლებული ქუჩა, გამზირი, საზოგადოებრივი ტრანსპორტი გვქონდეს. ესენი არიან დედაქალაქის მუნიციპალიტეტის თანამშრომლები, რომლებიც შრომობენ, რომ თბილისი იყოს სუფთა, ლამაზი, პოპულარული. მინდა, ამ ადამიანებს განსაკუთრებული მადლობა გადავუხადო. რა თქმა უნდა, პირადად ჩემი სიძლიერე არის ის გუნდი, ვინც ჩემთან ერთად შრომობს.მინდა, მადლობა გადავუხადო პრემიერ-მინისტრს, ირაკლი კობახიძეს იმ მხარდაჭერისთვის, რაც დედაქალაქთან მიმართებით აქვს. პოლიტიკური მხარდაჭერისა და გუნდური თანადგომის გარეშე შეუძლებელი იქნებოდა იმ წარმატებაზე საუბარი, რაც ბოლო წლებში განხორციელდა და რაც მომდევნო წლებში გვაქვს დაგეგმილი“, - აღნიშნა კახა კალაძემ.

პოლიტიკა • 1750233624

კახა კალაძე: ეს ქალაქი ყველასია, იქნება ეს ავტომობილის მქონე თუ ქვეითი - ამისთვის წლების შემდეგ მომავალი თაობა გვეტყვის მადლობას

თბილისის მერმა კახა კალაძემ საზოგადოებას ტრანსპორტისა და ურბანული განვითარების პოლიტიკის მიმართულებით ბოლო წლებში განხორციელებული პროექტები წარუდგინა.შემაჯამებელ ღონისძიებაზე კახა კალაძემ ისაუბრა ავარიული სახლების ჩანაცვლების ინოვაციურ პროგრამაზე, რომელიც 2022 წლიდან ამოქმედდა.„დედაქალაქში ბევრი ავარიული შენობა-ნაგებობაა. ჩატარებული მოკვლევის მიხედვით, 10 000-მდე ასეთი საცხოვრებელი კორპუსია, რომელსაც სხვადასხვა კატეგორიის ავარიულობის ხარისხი აქვს მინიჭებული. ეს პროგრამა გვაძლევს საშუალებას, ეტაპობრივად ჩავანაცვლოთ ავარიული სახლები“, - განაცხადა კახა კალაძემ.მისივე თქმით, ურბანული განვითარების პოლიტიკის მეორე მიმართულება დაუმთავრებელი მშენებლობებია. მხარდამჭერი ღონისძიებების ფარგლებში კი, 12 000 ოჯახი დაკმაყოფილდა.„მეორე მიმართულებაა დაუმთავრებელი მშენებლობები. ამ მიმართულებით მუშაობა როდესაც დავიწყეთ 12 000-მდე ოჯახი დაფიქსირდა ანალოგიური პრობლემის მქონე. ესენი იყვნენ სამშენებლო კომპანია „სვეტის“, „ოლიმპიური ვარსკვლავის, „ცენტ პოინტის“ და ა.შ. მიერ დაზარალებულები. ჩვენ ხელი მოვკიდეთ ამ პრობლემას და 12 000 ოჯახი გავაბედნიერეთ. ბევრს გადაეცა საცხოვრებელი სახლები, ნაწილი სამშენებლო ეტაპზეა“, - აღნიშნა კახა კალაძემ.გარდა ამისა, თბილისის მერმა ყურადღება გაამახვილა უკანონო ავტოფარეხების დემონტაჟსა და მათ ნაცვლად, რეკრეაციული სივრცეების მოწყობაზეც.„ალბათ ყველას შეგვხვედრია ჩვენს უბნებში უსახური ავტოფარეხები, რომლებიც 90-იანი წლების გადმონაშთია. დავიწყეთ ძალიან კარგი პროგრამა - მოსახლეობის ჩართულობით, მსგავსი ავტოფარეხების აღება. ამაში მოსახლეობა არცერთ თეთრს არ იხდის და ყველაფერს მუნიციპალიტეტი იღებს თავის თავზე. ჩვენ ბევრი კარგი პროექტი განვახორციელეთ და უსახური ავტოფარეხების ნაცვლად, სტადიონები, რეკრეაციული სივრცეები, სკვერები მოვაწყვეთ. წინა ხელისუფლების დროს სპორტულ მოედნებს, პარკებს ასხვისებდნენ იმისთვის, რომ იქ მშენებლობები დაწყებულიყო. ცხადია, ჩვენ მშენებლობების წინააღმდეგი არ ვართ და ქალაქის სწორი ურბანული განვითარება პრინციპულად მნიშვნელოვანია, თუმცა, რეკრეაციული სივრცეების ხარჯზე ამას არ დავუშვებთ. დღეს, სამწუხაროდ, ძალიან ძვირი გვიჯდება მსგავსი სივრცეების გამოსყიდვა, რომელსაც შემდეგ თბილისს და თბილისელებს ვუბრუნებთ“, - აღნიშნა დედაქალაქის მერმა.კახა კალაძემ ზონალურ-საათობრივი პარკირების სისტემაზეც ისაუბრა, რომელიც დედაქალაქში ბოლო წლების განმავლობაში დაინერგა.„მნიშვნელოვანია, რომ ყველა უბანში იყოს საათობრივი პარკირება. განსაკუთრებით ცენტრალურ უბნებში, ადგილობრივი მოსახლეობისთვის პრობლემას წარმოადგენს, რომ საცხოვრებელ კორპუსთან გააჩერონ ავტომობილი. იქ მცხოვრები ადამიანებისთვის, რომლებიც არეგისტრირებენ თავიან ავტომობილებს, რა თქმა უნდა, პარკინგი უფასოა“, - განაცხადა კახა კალაძემ.ელექტროდამტენებზე საუბრისას თბილისის მერმა აღნიშნა, რომ ხელისუფლების მხრიდან არის ხელშეწყობა, რომ რაც შეიძლება მეტი ელექტრომობილი შემოვიდეს დედაქალაქში.„ჩვენ ვახალისებთ ელექტრომობილებს დედაქალაქში და გვინდა, რომ რაც შეიძლება მეტი ელექტრომობილი შემოვიდეს. ხელისუფლების გადაწყვეტილების თანახმად, განბაჟების გადასახადი ელექტრომობილებზე ნულია და პარკირებაც ქალაქში არის უფასო. არის კონკრეტული 100 ლოკაცია, სადაც უფასოა ელექტრომობილების დამუხტვა“, - განაცხადა თბილისის მერმა.თბილისის ტაქსების რეფორმაზე საუბრისას, მერმა აღნიშნა, რომ სამი ეტაპი უკვე განხორციელდა და ამ მიმართულებით მუშაობა კვლავაც გრძელდება. შესაბამისად, საზოგადოება იქნება დეტალურად ინფორმირებული. „მულტიმოდალური ქუჩებისადმი თავიდან სკეპტიკური დამოკიდებულება იყო. პირველი კითხვა, რაც როგორც დედაქალაქის მერს დამისვეს, ეს იყო ამ გადაწყვეტილებებში ხომ არ იქნებოდა პოლიტიკური მდგენელი გათვალისწინებული. ასეთი სიახლისადმი ყოველთვის ჩნდებიან უკმაყოფილო ადამიანები და პოლიტიკოსები ყოველთვის ყოყმანობენ პროექტის ბოლომდე მიყვანაზე. ჩემი პასუხი იყო: თუ ქალაქისთვის მნიშვნელოვანია, რა თქმა უნდა, სწორ პოზიციას დავიჭერდით და ეს ასეც მოხდა. ეს ქალაქი ყველასია, იქნება ეს ავტომობილის მქონე თუ ქვეითი. ამისთვის წლების შემდეგ მომავალი თაობა გვეტყვის მადლობას“, - აღნიშნა თბილისის მერმა.საუბრის დასასრულს კახა კალაძემ თბილისის ყოფილ ვიცე-მერს, ირაკლი ხმალაძეს გაწეული საქმიანობისთვის მადლობა გადაუხადა.

პოლიტიკა • 1750231752

ჩვენი სიძლიერე მდგომარეობს იმაში, რომ არასდროს გაგვიწყვეტია ურთიერთობა თბილისის მოსახლეობასთან - კახა კალაძე

თბილისის მერი კახა კალაძე საზოგადოებას ურბანული და სატრანსპორტო პოლიტიკის მიმართულებით 2017 წლიდან დღემდე მუნიციპალიტეტის მერიის მიერ განხორციელებულ პროექტებს აცნობს.როგორც კალაძემ სიტყვით გამოსვლისას აღნიშნა, ბოლო წლებში არაერთი პროექტი განხორციელდა, თუმცა გამოწვევები ჯერ კიდევ რჩება.„ჩვენი სიძლიერე მდგომარეობს იმაში, რომ არასდროს გაგვიწყვეტია ურთიერთობა თბილისის მოსახლეობასთან. ყოველთვის ვაწვდით ინფორმაციას, თუ რას ვაკეთებთ და რა პროექტები გვაქვს დაგეგმილი. ცხადია, არც იმაზე გვიჭირს საუბარი, თუ რა გამოწვევების წინაშე დგას დედაქალაქი და რა პრობლემები გააჩნია. რა თქმა უნდა, გამოწვევებს და პრობლემებს არ გავურბივართ“, – განაცხადა კახა კალაძემ.ღონისძიებას პრემიერ-მინისტრი ირაკლი კობახიძე, მინისტრთა კაბინეტის წევრები, ადგილობრივი ხელისუფლებისა და ბიზნესსექტორის წარმომადგენლები, ასევე, დარგის ექსპერტები ესწრებიან.

საზოგადოება • 1750149893

„მინდა, ვთხოვო დედაქალაქის მოსახლეობას...“ - კახა კალაძე მიმართვას ავრცელებს

თბილისის მერი კახა კალაძე მოქალაქეებს მოუწოდებს, დასამუხტი მოწყობილობებით სპეციალურად აღჭურვილი პარკირების ადგილები მხოლოდ შესაბამისი მიზნით გამოიყენონ.როგორც მან დღეს დედაქალაქის მთავრობის სხდომაზე განაცხადა, გახშირდა შემთხვევები, როდესაც საპარკინგე ადგილებს, რომლებიც ელექტრომობილების დასამუხტად არის განკუთვნილი, აღნიშნული საჭიროების არმქონე ავტომობილების მძღოლები იყენებენ, რაც კანონდარღვევაა და შესაბამისი რეაგირება მოყვება."გარემოზე, მათ შორის, ჰაერის სისუფთავეზე ზრუნვა, ჩვენთვის ერთ-ერთი მნიშვნელოვანი მიმართულება და ამ მიზნის მისაღწევად მუნიციპალიტეტმა არაერთი ნაბიჯი გადადგა, თუმცა გამოწვევები ჯერ კიდევ გვრჩება. თბილისის მერიამ დედაქალაქის მასშტაბით მოაწყო ელექტროდამტენები - დასამუხტი მოწყობილობებით სპეციალურად აღჭურვილი პარკირების 100-მდე ადგილი, რომელიც განკუთვნილია ელექტროძრავიანი ავტომობილებისთვის. აღნიშნული ადგილები წარმოადგენს მნიშვნელოვან სერვისს ელექტროტრანსპორტის მფლობელთათვის და მათი მიზნობრივი გამოყენება აუცილებელია ამ ინიციატივის წარმატებით განხორციელებისთვის, თუმცა, მიუხედავად პერმანენტული მონიტორინგისა და დაჯარიმებებისა, ხშირია შემთხვევები, როდესაც აღნიშნულ პარკირების ადგილებს, რომლებიც ასევე შესაბამისად მონიშნულია, იკავებენ ავტომობილები, რომლებიც ბენზინზე ან დიზელზე მუშაობენ, რაც დარღვევაა და პრობლემას წარმოადგენს", - განაცხადა კახა კალაძემ.მისივე თქმით, დარღვევას მოჰყვება რეაგირება კანონის ფარგლებში და შესაბამისი სამსახური ავტომობილებს საჯარიმო ავტოსადგომზე გადაიყვანს."მინდა, ვთხოვო დედაქალაქის მოსახლეობას, გამოვიჩინოთ პასუხისმგებლობა, პატივი ვცეთ ერთმანეთის უფლებებს და ერთად ვიზრუნოთ იმაზე, რომ თბილისი კიდევ უფრო სუფთა, ცოცხალი და ეკომეგობრული ქალაქი გახდეს. თქვენი მხარდაჭერა და ჩართულობა ძალიან მნიშვნელოვანია. ხელი შევუწყოთ ერთმანეთს. ჩვენ ასეთ შემთხვევებზე ვიმოქმედებთ, გვექნება ძალიან პრინციპული დამოკიდებულება", - განაცხადა კახა კალაძემ.როგორც დედაქალაქის მერმა აღნიშნა, ხელისუფლება ახალისებს ელექტრომობილების შემოყვანას ქვეყანაში. კერძოდ, აღნიშნული პოლიტიკის ფარგლებში, ელექტრომობილების განბაჟება, საპარკინგე ადგილები და დამუხტვა უფასოა.

საზოგადოება • 1750147936

ცაგარელის ქ. N5-ში მრავალსართულიანი კორპუსის ნაცვლად, რეკრეაციული სივრცე მოეწყობა

ცაგარლის ქ. N5-ში არსებული ტერიტორია, მესაკუთრესთან მოლაპარაკების შედეგად, ქალაქს დაუბრუნდა და მრავალსართულიანი კორპუსის ნაცვლად, იქ რეკრეაციული სივრცე მოეწყობა, - ამის შესახებ თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა.მისივე თქმით, იქ, სადაც არსებობს მწვანე სივრცეების შენარჩუნების შესაძლებლობა, მუნიციპალიტეტი მათ დასაბრუნებლად ყველაფერს გააკეთებს.„ერთ-ერთი ბოლო მონაცვლეობა, რომელიც რეკრეაციული სივრცის მოსაწყობად განხორციელდა, საბურთალოს რაიონში, არჩილ ცაგარელის ქ. N5-ში არსებული მიწის ნაკვეთია, სადაც, ასევე, მრავალსართულიანი კორპუსის მშენებლობა იყო დაგეგმილი. მესაკუთრესთან მოლაპარაკებების შედეგად, აღნიშნული ტერიტორიაც დაუბრუნდა ქალაქს და ახლა იქ რეკრეაციული სივრცე მოეწყობა. აქვე მინდა, დავავალო საბურთალოს რაიონის გამგებელს, ამ ტერიტორიაზე მწვანე სივრცის მოწყობის სამუშაოები დაიწყოს, სადაც ადგილობრივი მოსახლეობა ვარჯიშს და განტვირთვას შეძლებს“, - განაცხადა კახა კალაძემ.დედაქალაქის მერის თქმით, რეკრეაციული სივრცეების დაცვა-შენარჩუნება ადგილობრივი ხელისუფლების პრიორიტეტია.„არაერთხელ მითქვამს, რომ ყველაზე მეტად, რაც ჩვენს დედაქალაქს უხდება, რეკრეაციული სივრცეებია. მათი დაცვა-შენარჩუნება პრინციპულად მნიშვნელოვანია. ეს ჩვენი პოლიტიკის მთავარი მიმართულებაა. ჯერ კიდევ 2019 წელს, როცა დედაქალაქის გენერალური გეგმა დავამტკიცეთ, ათეულობით ჰექტარ სამშენებლო ტერიტორიას მიენიჭა ისეთი სტატუსი, სადაც მშენებლობა დაუშვებელია და იქ მხოლოდ მწვანე საფარი, ტყეები, პარკები, სკვერები, სპორტული მოედნები და სხვა რეკრეაციული სივრცეები უნდა მოეწყოს. ასევე, გავამკაცრეთ კანონმდებლობა ხე-ნარგავების უკანონო გაჩეხა-განადგურებისთვის, ატმოსფერული ჰაერის დაბინძურების შემსუბუქებისთვის კი გატარდა არაერთი რეფორმა“, - განაცხადა კახა კალაძემ.მანვე განმარტა, რომ მსგავსი ადგილმონაცვლეობის განხორციელება მუნიციპალიტეტისგან დიდ ძალისხმევას მოითხოვს.„ისეთი არეალების გამოსყიდვა დავიწყეთ, რომელიც წლების წინ გასხვისებული იყო სხვადასხვა ტიპის სამშენებლო სამუშაოებისთვის. ეს გარკვეულ ხარჯებთანაა დაკავშირებული - მოგვიწია ადგილმონაცვლეობები იმისთვის, რომ მუნიციპალიტეტს დაებრუნებინა ტერიტორიები და მოეწყო მწვანე სივრცეები. ასეთი ტერიტორიებია: დიღმის ტყე-პარკის ნაწილი, კუს ტბის ასასვლელთან არსებული ტერიტორია, ვაკის პარკის ტერიტორიის ნაწილი, მეტროსადგურ „ავლაბრის“ მიმდებარედ არსებული სკვერის ნაწილი და ა.შ. მომდევნო წლებში მსგავს არაერთ მნიშვნელოვან პროექტს განვახორციელებთ. თბილისს აქვს უდიდესი რესურსი იმისა, რომ მეტი მწვანე სივრცე გაჩნდეს უბნებში. გვახსოვს მავნე პრაქტიკა - რამდენი სპორტული მოედანი, პარკი, სკვერი გასხვისდა სამშენებლო სამუშაოებისთვის. 2017 წლიდან დავამთავრეთ ეს პრაქტიკა და დავიწყეთ ასეთი სივრცეების დაბრუნება“, -აღნიშნა კახა კალაძემ.