კახა კალაძე

სიახლე მგზავრებისთვის, რომელიც 27 სექტემბრიდან ამოქმედდება

დედაქალაქში MAN-ის მარკის 18-მეტრიანი ავტობუსების მორიგი ნაკადის პრეზენტაცია გაიმართა.თბილისის მერიის ინფორმაციით, ახალი ავტობუსები საზოგადოებას თბილისის მერმა, კახა კალაძემ ვიცე-მერ გიორგი ტყემალაძესთან, შპს „თბილისის სატრანსპორტო კომპანიის“ ხელმძღვანელ გიორგი შარკოვთან და თბილისის ტრანსპორტისა და ურბანული განვითარების სააგენტოს უფროს ნინო ბაგაშვილთან ერთად წარუდგინა.როგორც მერმა აღნიშნა, 18-მეტრიანი ავტობუსების მორიგი ნაკადი 27 სექტემბრიდან სხვადასხვა მარშრუტზე ეტაპობრივად გადანაწილდება.„დღეს ძალიან სასიამოვნო დღეა ჩვენი ქალაქისთვის, რადგან ჩვენი სატრანსპორტო პოლიტიკის მიმართულებით კიდევ ერთი მნიშვნელოვანი ნაბიჯი იდგმება. 200 ერთეული 18-მეტრიანი ავტობუსი, რომელიც გასულ წელს შევისყიდეთ, უკვე თბილისშია და მზადაა, დედაქალაქის მოსახლეობას მოემსახუროს. ძალიან მიხარია, რომ ბოლო წლების განმავლობაში მოვახერხეთ, სრულად ჩაგვენაცვლებინა ავტოპარკი ახალი, თანამედროვე, ევროპული ტიპის ავტობუსებითა და მიკროავტობუსებით. 27 სექტემბრიდან ახალი, 18-მეტრიანი ავტობუსები დაიწყებს ხაზებზე გასვლას და მოემსახურება ჩვენს თანაქალაქელებს, გამოთავისუფლებული 10-მეტრიანი და 12-მეტრიანი ავტობუსები კი სხვადასხვა ხაზზე გადანაწილდება.რა თქმა უნდა, ჩვენ უნდა გავაგრძელოთ საზოგადოებრივი ტრანსპორტის განვითარება, რათა თითოეულ უბანს, რაიონს ჰქონდეს შესაძლებლობა, ისარგებლოს თანამედროვბე ავტობუსებითა და მიკროავტობუსებით. ეს პროცესი ამით არ მთავრდება - ქალაქი ვითარდება, წინ მიდის, იზრდება, ახალი პროექტები ხორციელდება. შესაბამისად, ყოველთვის საჭიროა, ჩვენც თანხვედრაში ვიყოთ საზოგადოებრივი ტრანსპორტის თვალსაზრისით. დღესდღეობით ჩვენი ქალაქისთვის ერთ-ერთი მთავარი გამოწვევა საცობებია, თუმცა ყველაფერს ვაკეთებთ იმისთვის, რომ საზოგადოებრივი ტრანსპორტით გადაადგილება კომფორტული გავხადოთ. სწორედ ამიტომ, შესაბამისი კვლევების შედეგების გათვალისწინებით, სადაც შესაძლებელია, ყველგან ვაწყობთ საავტობუსო ზოლებს“, - განაცხადა კახა კალაძემ.MAN-ის მარკის 200 ერთეული 18-მეტრიანი ავტობუსების შესყიდვა „თბილისის სატრანსპორტო კომპანიასა“ და „თეგეტა ჰოლდინგს“ შორის გაფორმებული ხელშეკრულების ფარგლებში განხორციელდა.კომპრესირებულ ბუნებრივ გაზზე (CNG) მომუშავე ახალი ავტობუსები გათვლილია 162 მგზავრზე, აქედან 43 დასაჯდომი ადგილით. ავტობუსები სრულად ადაპტირებულია შშმ პირებისთვის: სალონში გამოყოფილია სპეციალური სივრცე ეტლის უსაფრთხოდ დასაყენებლად, ასევე, აქვს გადმოსაშლელი პანდუსი; დამონტაჟებულია თანამედროვე სტანდარტის, ინტეგრირებული გათბობის, კონდიცირებისა და ვენტილაციის სისტემა, რომელიც გათვლილია თბილისის კლიმატურ პირობებზე.ავტობუსები აღჭურვილია ხმოვანი საინფორმაციო სისტემით, შიდა და გარე ანტივანდალური ვიდეომონიტორინგის სისტემით, მობილურის დასატენი წერტილებით და მონიტორინგის, მართვისა და უსაფრთხოების სხვა თანამედროვე სისტემებით. ავტობუსებში მოქმედებს საინფორმაციო სისტემა, რომელიც მოიცავს მგზავრების საფასურის გადახდისა და საინფორმაციო სისტემების მართვის კომპიუტერს, საინფორმაციო დაფებს, აუდიო საინფორმაციო და ვიდეომონიტორინგის სისტემას, ასევე WIFI მოწყობილობას. ავტობუსები დაბალიატაკიანია და აქვს ოთხი ასასვლელი კარი.ამ ეტაპისთვის, 76 ერთეული 18-მეტრიანი ავტობუსი გადანაწილებულია რამდენიმე მარშრუტზე, ხოლო დარჩენილი რაოდენობა ეტაპობრივად ჩაანაცვლებს სხვადასხვა ტევადობის ავტობუსებს. პროექტის ჯამური ღირებულება 111.1 მლნ ევროს შეადგენს.კახა კალაძესთან ერთად ღონისძიებას მუნიციპალიტეტის მერიის შესაბამისი სამსახურებისა და საკრებულოს წარმომადგენლები დაესწრნენ.

პოლიტიკა • 1758564600

მზად ვარ, ვემსახურო ჩემს ულამაზეს დედაქალაქს, ვემსახურო თბილისელებს – კახა კალაძე

"მზად ვარ, ვემსახურო ჩემს ულამაზეს დედაქალაქს, ვემსახურო თბილისელებს", - ამის შესახებ პარტია "ქართული ოცნება-დემოკრატიული საქართველოს" თბილისის მერობის კანდიდატმა, დედაქალაქის მოქმედმა მერმა კახა კალაძემ განაცხადა და საზოგადოებას კულტურის, განათლების, სპორტისა და ახალგაზრდობის პოლიტიკის ფარგლებში, მომდევნო წლების განმავლობაში დაგეგმილი პროექტები წარუდგინა.როგორც მან აღნიშნა, თბილისის მერიის მიერ დაწყებული ყველა პროექტი და პროგრამა აქტიურად გაგრძელდება, რაც დედაქალაქის მოსახლეობისთვის მნიშვნელოვანია."მომდევნო წლების განმავლობაში ძალიან მნიშვნელოვანი პროექტები გვაქვს დაგეგმილი. შეუქცევადია ის პროცესები, რაც მიდის - პროექტები, რომლებიც უნდა განხორციელდეს ჩვენი ქალაქისთვის. რა თქმა უნდა, შეუძლებელი იქნებოდა ამ ყველაფერზე საუბარი, დღეს ჩვენ რომ მშვიდობა არ გვქონდეს ქვეყანაში. ეს მხოლოდ მუნიციპალიტეტის თემა არ არის. ყველაფერი კომპლექსურია, ერთმანეთზეა დამოკიდებული. ის, რომ გვაქვს მშვიდობა და ქვეყანა ეკონომიკურად ვითარდება, რა თქმა უნდა, გვაძლევს შესაძლებლობას, ვისაუბროთ მსგავსი ტიპის პროექტების განხორციელებაზე. ჩვენ გავაგრძელებთ ინფრასტრუქტურულ სამუშაოებს - გზების, გამზირების რეაბილიტაციას, განახლებას; გავაგრძელებთ ახალი ბაღებისა და საფეხბურთო სკოლების მშენებლობას; მხარდაჭერას სტუდენტებისთვის; სოციალურ და ჯანდაცვის პროგრამებს. ამ ყველაფერზე თამამად საუბრის შესაძლებლობას მაძლევს ჩვენი გუნდი, „ქართული ოცნება - დემოკრატიული საქართველო“, რომელიც დღეს ხელისუფლებას წარმოადგენს. ეს ჩვენთვის, მუნიციპალიტეტებისთვის, ასევე, დედაქალაქისთვის და პირადად ჩემთვის, ძალიან დიდი ძალაა", - განაცხადა კახა კალაძემ.თბილისის მერმა მხარდაჭერისა და თანადგომისთვის მმართველ გუნდს, პრემიერ-მინისტრსა და პარლამენტის თავმჯდომარეს მადლობა გადაუხადა."მინდა, ვისარგებლო შემთხვევით და მხარდაჭერისთვის, თანადგომისთვის მადლობა გადავუხადო პრემიერ-მინისტრ ირაკლი კობახიძეს. ცენტრალური ხელისუფლების მხარდაჭერისა და თანადგომის გარეშე, წარმოუდგენელია, შეუძლებელია ამ მასშტაბის პროექტებზე საუბარი. მადლობა პარლამენტის თავმჯდომარეს, შალვა პაპუაშვილს, თითოეულ პარლამენტარს მხარდაჭერისთვის, რადგან რეფორმების, ახალი საკანონმდებლო ინიციატივების გარეშე წარმოუდგენელია, ჩვენი დედაქალაქი წარმატებული იყოს. მზად ვარ, ვემსახურო ჩემს ულამაზეს დედაქალაქს, ვემსახურო თბილისელებს. ძალიან დიდი პატივია, უდიდესი პასუხისმგებლობაა ეს ჩემთვის. მადლობელი ვარ ღმერთის, რომ მომცა შესაძლებლობა, ვიყო თბილისელების სამსახურში", - აღნიშნა თბილისის მერმა.

პოლიტიკა • 1758563808

კახა კალაძე: მზად ვარ, ვემსახურო ჩემს ულამაზეს დედაქალაქს, ვემსახურო თბილისელებს

„მზად ვარ, ვემსახურო ჩემს ულამაზეს დედაქალაქს, ვემსახურო თბილისელებს“, - ამის შესახებ პარტია „ქართული ოცნება-დემოკრატიული საქართველოს თბილისის მერობის კანდიდატმა, დედაქალაქის მოქმედმა მერმა კახა კალაძემ განაცხადა და საზოგადოებას კულტურის, განათლების, სპორტისა და ახალგაზრდობის პოლიტიკის ფარგლებში, მომდევნო წლების განმავლობაში დაგეგმილი პროექტები წარუდგინა.როგორც მან აღნიშნა, თბილისის მერიის მიერ დაწყებული ყველა პროექტი და პროგრამა აქტიურად გაგრძელდება, რაც დედაქალაქის მოსახლეობისთვის მნიშვნელოვანია.“მომდევნო წლების განმავლობაში ძალიან მნიშვნელოვანი პროექტები გვაქვს დაგეგმილი. შეუქცევადია ის პროცესები, რაც მიდის - პროექტები, რომლებიც უნდა განხორციელდეს ჩვენი ქალაქისთვის. რა თქმა უნდა, შეუძლებელი იქნებოდა ამ ყველაფერზე საუბარი, დღეს ჩვენ რომ მშვიდობა არ გვქონდეს ქვეყანაში. ეს მხოლოდ მუნიციპალიტეტის თემა არ არის. ყველაფერი კომპლექსურია, ერთმანეთზეა დამოკიდებული. ის, რომ გვაქვს მშვიდობა და ქვეყანა ეკონომიკურად ვითარდება, რა თქმა უნდა, გვაძლევს შესაძლებლობას, ვისაუბროთ მსგავსი ტიპის პროექტების განხორციელებაზე. ჩვენ გავაგრძელებთ ინფრასტრუქტურულ სამუშაოებს - გზების, გამზირების რეაბილიტაციას, განახლებას; გავაგრძელებთ ახალი ბაღებისა და საფეხბურთო სკოლების მშენებლობას; მხარდაჭერას სტუდენტებისთვის; სოციალურ და ჯანდაცვის პროგრამებს. ამ ყველაფერზე თამამად საუბრის შესაძლებლობას მაძლევს ჩვენი გუნდი, „ქართული ოცნება - დემოკრატიული საქართველო“, რომელიც დღეს ხელისუფლებას წარმოადგენს. ეს ჩვენთვის, მუნიციპალიტეტებისთვის, ასევე, დედაქალაქისთვის და პირადად ჩემთვის, ძალიან დიდი ძალაა“, - განაცხადა კახა კალაძემ.თბილისის მერმა მხარდაჭერისა და თანადგომისთვის მმართველ გუნდს, პრემიერ-მინისტრსა და პარლამენტის თავმჯდომარეს მადლობა გადაუხადა.„მინდა, ვისარგებლო შემთხვევით და მხარდაჭერისთვის, თანადგომისთვის მადლობა გადავუხადო პრემიერ-მინისტრ ირაკლი კობახიძეს. ცენტრალური ხელისუფლების მხარდაჭერისა და თანადგომის გარეშე, წარმოუდგენელია, შეუძლებელია ამ მასშტაბის პროექტებზე საუბარი. მადლობა პარლამენტის თავმჯდომარეს, შალვა პაპუაშვილს, თითოეულ პარლამენტარს მხარდაჭერისთვის, რადგან რეფორმების, ახალი საკანონმდებლო ინიციატივების გარეშე წარმოუდგენელია, ჩვენი დედაქალაქი წარმატებული იყოს. მზად ვარ, ვემსახურო ჩემს ულამაზეს დედაქალაქს, ვემსახურო თბილისელებს. ძალიან დიდი პატივია, უდიდესი პასუხისმგებლობაა ეს ჩემთვის. მადლობელი ვარ ღმერთის, რომ მომცა შესაძლებლობა, ვიყო თბილისელების სამსახურში“, - აღნიშნა თბილისის მერმა.

საზოგადოება • 1758547151

ნახეთ, როგორ გამოიყურება განახლებული მოსწავლე-ახალგაზრდობის ეროვნული სასახლე. ფოტოგალერეა

განახლებული მოსწავლე-ახალგაზრდობის ეროვნული სასახლე. ფოტოებს თბილისის მერობის კანდიდატი და მოქმედი მერი კახა კალაძე სოციალურ ქსელში ავრცელებს.

პოლიტიკა • 1758540087

კახა კალაძე ერევნის მერს, ტიგრან ავინიანს შეხვდა

დედაქალაქის მერი კახა კალაძე, ვიცე-მერ გიორგი ტყემალაძესთან ერთად, ერევნის მერს ტიგრან ავინიანს შეხვდა. შეხვედრაზე ხაზი გაესვა საქართველოსა და სომხეთს შორის არსებულ მეგობრულ ურთიერთობებს და სხვადასხვა მიმართულებით გამოცდილების გაზიარების მნიშვნელობას.„სომეხ და ქართველ მოქალაქეებს კეთილმეზობლური ურთიერთობა გვაქვს. ყველაფერი უნდა გავაკეთოთ, რომ ეს გავაღრმავოთ და უფრო საინტერესო გავხადოთ. ვსარგებლობ შემთხვევით და გილოცავთ სომხეთის დამოუკიდებლობის დღეს. ამ თარიღთან დაკავშირებით თბილისის ტელეანძა სომხეთის დროშის ფერებში განათდა. ერევანში როდესაც ჩავდივარ, ყოველთვის ისე ვგრძნობ თავს, როგორც სახლში. დარწმუნებული ვარ, ჩვენს ქალაქებს შორის მომავალშიც გაგრძელდება აქტიური თანამშრომლობა და შევძლებთ მრავალი მნიშვნელოვანი პროექტების განხორციელებას“, – განაცხადა კახა კალაძემ შეხვედრაზე.ერევნის მერის თქმით, თბილისის მსგავსად, ერევანიც დიდ მნიშვნელობას უთმობს სატრანსპორტო რეფორმის განხორციელებას.„როგორც თბილისი, ისე ერევანი სწრაფად ვითარდება. ჩვენ ვიცით, რამხელა ყურადღებას უთმობთ სატრანსპორტო რეფორმებს. ვიცი, რომ სატრანსპორტო ინფრასტრუქტურის მოწესრიგება თბილისის მოქალაქეებისთვის ძალიან მნიშვნელოვანია. ამ მიმართულებით კარგი იქნება გამოცდილების გაზიარება. გარდა ამისა, სიამოვნებით განვახორციელებთ თბილისთან მეტ კულტურულ ღონისძიებებს“, – განაცხადა ტიგრან ავინიანმა.

პოლიტიკა • 1758530551

კახა კალაძე: არასამთავრობო ორგანიზაციების გავლით რევოლუციების მოწყობის სქემა გაშიფრულია, ახლა უნივერსიტეტების გავლით თანხების შემოტანა დაიწყეს, ყველაფერს კანონის ფარგლებში გაეცემა პასუხი

გიორგი ბაჩიაშვილი რომ აქციებს აფინანსებს, ეს სიახლე არ არის. ის თავიდან ბოლომდე პოლიტიკურ პროცესებშია ჩართული, – ამის შესახებ დედაქალაქის მერმა, კახა კალაძემ მედიასთან ისაუბრა.მისივე თქმით, „იმედის კვირის“ მიერ გავრცელებული ინფორმაცია, რომ საპროტესტო აქციებს საქართველოს უნივერსიტეტი და თანაინვესტირების ფონდის ყოფილი ხელმძღვანელი გიორგი ბაჩიაშვილი აფინანსებენ, მისთვის სიახლე არ არის.„ის სქემა, რაც ჰქონდათ, რომ არასამთავრობო ორგანიზაციების გავლით რევოლუციები მოეწყოთ, საზოგადოება გაეხლიჩათ, მთლიანად გაშიფრულია. ახლა უკვე უმაღლესი სასწავლებლების გავლით თანხების შემოტანა დაიწყეს, თუმცა ყველაფერს მიეხედება და კანონის ფარგლებში შესაბამისი პასუხი გაეცემა. გიორგი ბაჩიაშვილი რომ აქციებს აფინანსებს, ეს სიახლე არ არის და ამას თავადაც არ უარყოფდა. თავიდან ბოლომდე პოლიტიკურ პროცესებში ჩართული იყო და ამით ცდილობდა, თავისი დანაშაული როგორმე გადაეფარა“, – განაცხადა კახა კალაძემ.რაც შეეხება ოპოზიციის გეგმებს და მათი მხრიდან ხელისუფლების ე.წ. მშვიდობიან დამხობაზე საუბარს, თბილისის მერის თქმით: „4 ოქტომბერს არაფერი მოხდება. ერთადერთი მოხდება ის, რომ ვიზეიმებთ „ქართული ოცნება – დემოკრატიული საქართველოს“ გამარჯვებას. ეს იქნება ჩვენი ქვეყნისა და ხალხის გამარჯვება“.

პოლიტიკა • 1758530221

კახა კალაძე: განახლებული მოსწავლე-ახალგაზრდობის სასახლე კვლავ სიხარულით უღებს კარს ჩვენს პატარებს, შეუძლებელია, აქ არ ახდეს მათი ოცნებები და ნატვრა

თბილისის განვითარების ფონდმა, პროექტ „ახალი ტფილისის“ ფარგლებში, მოსწავლე-ახალგაზრდობის ეროვნული სასახლის რეაბილიტაცია-რესტავრაცია დაასრულა. მოსწავლე-ახალგაზრდობის განახლებული სასახლე თბილისის მერმა, კახა კალაძემ პრემიერ-მინისტრ ირაკლი კობახიძესთან და კულტურის მინისტრ თინათინ რუხაძესთან ერთად გახსნა.დედაქალაქის მერმა სიტყვით გამოსვლისას ყურადღება ეროვნული სასახლის მნიშვნელობაზე გაამახვილა და აღნიშნა, რომ მომავალი თაობები უკვე განახლებულ შენობაში მიიღებენ ცოდნასა და განათლებას.„ამ ულამაზეს შენობას, რომლის ისტორიაც მე-19 საუკუნიდან იწყება, ბევრი რამ ახსოვს. იგი ჩვენი ისტორიის არაერთ საინტერესო ფურცელს ინახავს. სასახლის არქიტექტურა ბევრჯერ შეიცვალა. ცნობილი ქართველი მებაღის, მიხეილ მამულაშვილის მიერ გაშენებულმა სასახლის ბაღმაც სახე იცვალა. შეიცვალა დედაქალაქიც სასახლის გარშემო, თუმცა უცვლელი დარჩა ის ემოცია, რაც უამრავ ადამიანს აკავშირებს ამ კედლებთან – სიხარულის, ბედნიერების შეგრძნება, მუსიკასთან, ფერთან, პოეზიასთან ზიარების განცდა, პირველი ნაბიჯები სცენაზე, მეცნიერებაში მიღწეული გამარჯვებები. განახლებული მოსწავლე-ახალგაზრდობის სასახლე კვლავ სიხარულით უღებს კარს ჩვენს პატარებს. შეუძლებელია აქ არ ახდეს მათი ოცნებები, მათი ნატვრა, რადგან ამ ულამაზეს და მართლაც ჯადოსნურ სამყაროს სასახლესა და ბავშვებზე უზომოდ შეყვარებული ადამიანები ემსახურებიან. მე, როგორც თბილისის მერი და ოთხი შვილის მამა, დღეს ვარ ბედნიერი ადამიანი, რომ მომეცა შესაძლებლობა, ჩემი წვლილი შემეტანა სასახლისთვის ახალი სიცოცხლის მინიჭებაში“, – განაცხადა კახა კალაძემ.მისივე თქმით, პროექტის ფარგლებში, სასახლე სრულად განახლდა – რეაბილიტირდა მიწისქვეშა კომუნიკაციები, რესტავრაცია ჩაუტარდა ისტორიულ ავეჯს, აღდგა იატაკი და ჭერი.„აუცილებლად უნდა აღვნიშნო, რომ ამ ტექნიკური მონაცემების მიღმა უამრავი ადამიანის შრომა დგას, რომლებმაც სიყვარულით, ერთგულებით და პროფესიონალიზმით შეასრულეს საკუთარი საქმე. მინდა, მადლობა გადავუხადო ჩემს მოადგილეებს – ანდრია ბასილაიასა და ირაკლი ბენდელიანს, თბილისის განვითარების ფონდს, თითოეულ თანამშრომელს. მინდა, ასევე მადლობა გადავუხადო კულტურის მინისტრ თინათინ რუხაძეს, რომელიც იმჟამად სასახლის ხელმძღვანელი გახლდათ და ძალიან მნიშვნელოვანი როლი აქვს სამუსაოების წარმოებაში. მადლობა სასახლის ამჟამინდელ ხელმძღვანელობას. მინდა, მივმართო ჩვენს პატარა მეგობრებს, დღეს სასახლეში თქვენი ნაბიჯების ხმა ისმის. მინდა ვისურვო, რომ ეს ნაბიჯები იყოს ისეთი მტკიცე და წარმატებული, რომ მთელმა მსოფლიომ გაიგონოს მათი ხმა“, – აღნიშნა დედაქალაქის მერმა.ამასთან, თბილისის მერიის ინფორმაციით, პროექტის ფარგლებში, სრულად რეაბილიტირდა საინჟინრო ქსელები, გაძლიერდა შენობის ფუძე-საძირკველი, კონსტრუქციულად გამაგრდა ძირითადი და დამხმარე ნაგებობები, ჩატარდა ფასადის რესტავრაცია, შეიცვალა სახურავის, ბურულისა და წვიმასატარი სისტემები, განახლდა ბაღის ისტორიული ღობე და ჭედური ჭიშკარი. გარდა ამისა, ჩატარდა მხატვრულ-დეკორატიული დარბაზების კონსერვაცია-რესტავრაცია, ეზოს კეთილმოწყობის სამუშაოები, ხოლო ე.წ. სარკეებიან დარბაზში აღდგა კარები და დარაბები.რუსთაველის გამზირზე მდებარე შენობა XIX საუკუნის შუა წლებშია აგებული. სასახლე გამოირჩევა ისეთი უნიკალური არქიტექტურული სივრცეებით, როგორებიცაა: ე.წ. სარკეებიანი დარბაზი, მარმარილოს დარბაზი და თეთრი დარბაზი. მოსწავლე-ახალგაზრდობის ეროვნული სასახლე კულტურულ-საგანმანათლებლო ცენტრია, რომელიც 4 500-მდე მოსწავლეს აერთიანებს.თბილისის განვითარების ფონდმა სასახლის რეაბილიტაცია 2020 წელს დაიწყო. სამუშაოები კომპანია „ინსმა“ შეასრულა, პროექტის საერთო ღირებულებამ კი 56 428 251 ლარი შეადგინა.მოსწავლე-ახალგაზრდობის ეროვნული სასახლის გახსნის ღონისძიებას ესწრებოდნენ განათლების, მეცნიერებისა და ახალგაზრდობის მინისტრი გივი მიქანაძე, თბილისის ვიცე-მერი გიორგი ტყემალაძე, საკრებულოს თავმჯდომარე ზურაბ აბაშიძე, მერის მოადგილეები, ეროვნული სასახლის დირექტორი ნინა ყიფიანი, თბილისის განვითარების ფონდის ხელმძღვანელი თამაზ ალიბეგაშვილი, საკრებულოსა და პარლამენტის წევრები, ასევე, კულტურისა და ხელოვნების სფეროს წარმომადგენლები“, – აღნიშნულია მერიის ინფორმაციაში.

პოლიტიკა • 1758529704

კახა კალაძე: მიხეილ ყაველაშვილის გაერო-ში გამოსვლისას ზირითადი გზავნილები იქნება იმაზეც, რომ საქართველო მზად არის, ახალი ფურცლიდან დავიწყოთ ურთიერთობები აშშ-თან

თბილისის მერის, კახა კალაძის განცხადებით, პრეზიდენტ მიხეილ ყაველაშვილის ვიზიტი ამერიკის შეერთებულ შტატებში საქართველოსთვის ძალზე მნიშვნელოვანია, ვინაიდან გაერო-ს გენერალური ასამბლეა არის პლატფორმა, რომელიც აუცილებლად უნდა იყოს გამოყენებული.როგორც მან შესაბამისი კითხვის პასუხად განაცხადა, ასამბლეის მე-80 სესიის ტრიბუნა, სადაც ყაველაშვილი სიტყვით გამოვა, გამოყენებული უნდა იყოს, რათა მსოფლიომ სიმართლე გაიგოს.„ეს არის ძალიან მნიშვნელოვანი პლატფორმა, რომელიც აუცილებლად უნდა იყოს გამოყენებული და მთელმა მსოფლიომ უნდა გაიგოს სიმართლე და რეალობა. რაც შეეხება უშუალოდ გამოსვლას, ძირითადი გზავნილები, რა თქმა უნდა, იქნება არსებულ სიტუაციაზე, იმაზეც, რომ საქართველო მზად, არის ახალი ფურცლიდან დავიწყოთ ურთიერთობები ამერიკის შეერთებულ შტატებთან. ჩვენ არაერთხელ გაგვიკეთებია განმარტებები იმასთან დაკავშირებით, რომ ორმხრივი მეგობრული ურთიერთობები არის ძალიან მნიშვნელოვანი“, – განაცხადა კახა კალაძემ.

პოლიტიკა • 1758529643

კახა კალაძე: ემანუელ მაკრონის მიერ აშშ-ის ელჩის საფრანგეთის შიდა საქმეებში ჩარევაში დადანაშაულება ჩვეულებრივი ორმაგი სტანდარტია

თბილისის მერის, კახა კალაძის განცხადებით, ემანუელ მაკრონის შეფასება საფრანგეთში აშშ-ის ელჩის განცხადებასთან დაკავშირებით არის ორმაგი სტანდარტის კარგი მაგალითი, რომელიც აჩვენებს, თუ როგორ მოქმედებენ ცალკეული პოლიტიკოსები პატარა ქვეყნებთან მიმართებით.მისი თქმით, ზოგიერთს წარმოუდგენია, რომ ყველაფრის უფლება აქვს დამოუკიდებელ და სუვერენულ სახელმწიფოსთან მიმართებით.„ჩვეულებრივი ორმაგი სტანდარტია. ვიღაცებს წარმოუდგენიათ, რომ ყველაფრის უფლება აქვთ – შეუძლიათ დამოუკიდებელი, სუვერენული სახელმწიფოს შიდა პოლიტიკურ საქმეებში ჩაერიონ. ეს ჩვეულებრივი რამ ჰგონიათ. რეალურად კი, როდესაც თვითონ აწყდებიან იმავე პრობლემას, მაშინვე გამოხტებიან და საუბრობენ, რომ როგორ შეიძლება თურმე სხვა ქვეყნის შიდა პოლიტიკურ საქმეებში ჩარევა. ეს არის კარგი მაგალითი იმისა, თუ როგორ მუშაობენ ეს ადამიანები სხვა პატარა ქვეყნების მიმართ, როგორიც საქართველოა. თუმცა არავის დაავიწყდეს, რომ საქართველო უდიდესი კულტურის, ტრადიციებისა და წარსულის მქონე ქვეყანაა, რითიც ვამაყობთ“, – განაცხადა კახა კალაძემ.

პოლიტიკა • 1758526532

ირაკლი კობახიძე: ისტორიული ძეგლების განახლება არის დედაქალაქის მერიის პროგრამის ერთ-ერთი უმნიშვნელოვანესი ნაწილი, ეროვნული სასახლის რეაბილიტაციაც არის ამ მნიშვნელოვანი პროგრამის გაგრძელება

დარწმუნებული ვარ, ეროვნული სასახლე კიდევ მრავალ თაობას აღუზრდის ჩვენს ქვეყანას, კიდევ მრავალი თაობა დაეუფლება აქ ხელოვნების, მეცნიერების საფუძვლებს, ეზიარება სპორტს და კიდევ ბევრი ღირსეული ადამიანი შეემატება ჩვენს კულტურის, მეცნიერების, სპორტის სფეროს, – ამის შესახებ საქართველოს პრემიერ-მინისტრმა, ირაკლი კობახიძემ რეაბილიტირებული მოსწავლე-ახალგაზრდობის ეროვნული სასახლის გახსნის ღონისძიებაზე განაცხადა.როგორც მთავრობის მეთაურმა აღნიშნა, ისტორიული ძეგლების განახლება არის დედაქალაქის მერიის პროგრამის ერთ-ერთი უმნიშვნელოვანესი ნაწილი და რა თქმა უნდა, ეროვნული სასახლის რეაბილიტაციაც არის ამ მნიშვნელოვანი პროგრამის გაგრძელება.„დარწმუნებული ვარ, რომ ეროვნული სასახლე კიდევ მრავალ თაობას აღუზრდის ჩვენს ქვეყანას, კიდევ მრავალი თაობა დაეუფლება აქ ხელოვნების, მეცნიერების საფუძვლებს, ეზიარება სპორტს და კიდევ ბევრი ღირსეული ადამიანი შეემატება ჩვენს კულტურის, მეცნიერების, სპორტის სფეროს სწორედ ამ ეროვნული სასახლის დამსახურებით. მინდა, მადლობა გადავუხადო ყველას, ვინც ჩართული იყო ამ ძალიან მნიშვნელოვანი პროექტის განხორციელებაში. მადლობა დედაქალაქის მერიას, პირადად დედაქალაქის მერს კახა კალაძეს. მისი ხელმძღვანელობით, ჩვენ მიჩვეული ვართ, რომ განსაკუთრებული გემოვნებითა და გამორჩეული ხარისხით კეთდება ხოლმე ყველა ასეთი პროექტი, აქედან გამომდინარე, პირადად მას მინდა, განსაკუთრებული მადლობა გადავუხადო. ასევე მინდა მადლობა გადავუხადო კომპანიას, თითოეული არქიტექტორს, რესტავრატოს, მშენებელს, ვინც უდიდესი პროფესიონალიზმით გააკეთა ეს უდიდესი საქმე. მინდა, მოგილოცოთ დღევანდელი დღე და მინდა, ეროვნულ სასახლეს ვუსურვო დიდი წარმატებები მომავალში“, – განაცხადა ირაკლი კობახიძემ.

საზოგადოება • 1758526246

განახლებული მოსწავლე-ახალგაზრდობის ეროვნული სასახლე გაიხსნა

განახლებული მოსწავლე-ახალგაზრდობის ეროვნული სასახლე გაიხსნა. ღონისძიებას პრემიერ მინისტრი ირაკლი კობახიძე, თბილისის მერი კახა კალაძე და საქართველოს კულტურის მინისტრი თინათინ რუხაძე ესწრებიან.

პოლიტიკა • 1758470989

კახა კალაძე ჩუღურეთის რაიონის ამომრჩეველს - ძალიან მეამაყება, რომ „ქართული ოცნება“ დღეს ასე ძლიერად ვართ წარმოდგენილი და ეს არის თითოეული თქვენგანის დამსახურება; ეს თქვენი - ჩვენი მხარდამჭერებისა და თანამებრძოლების დამსახურებაა

„მიხარია, რომ ამდენ გულანთებულ ადამიანს ვხედავ, როგორი შემართება და დიდი მუხტია. ძალიან მეამაყება , რომ ჩვენ – „ქართული ოცნება“ დღეს ასე ძლიერად ვართ წარმოდგენილი და ეს არის თითოეული თქვენგანის დამსახურება. ეს თქვენი - ჩვენი მხარდამჭერებისა და თანამებრძოლების დამსახურებაა“, - ასე მიმართა დღეს პარტია „ქართული ოცნება-დემოკრატიული საქართველოს” თბილისის მერობის კანდიდატმა კახა კალაძემ, წინასაარჩევნო კამპანიის ფარგლებში, ჩუღურეთის რაიონის მოსახლეობას.მისი თქმით, პოლიტიკა, რომელსაც „ქართული ოცნება“ ატარებს, პირველ რიგში, ითვალისწინებს საქართველოსა და ქართველი ხალხის ინტერესებს.„რა თქმა უნდა, ჩვენს ქალაქს აფერადებს ხალხი – თქვენ, თბილისელები.მადლობა მხარდაჭერისთვის, მობრძანებისთვის. მშვიდობა საქართველოს - მეტი სიკეთე თბილისს. რომ არა მშვიდობა, დღეს ჩვენ აქ ვერ შევიკრიბებოდით და ვერ ვისაუბრებდით ქალაქის განვითარებასა და აღმშენებლობაზე.რა თქმა უნდა, იმ პოლიტიკით, რომელსაც „ქართული ოცნება“ ატარებს, პირველ რიგში, გათვალისწინებულია ჩვენი ქვეყნის, ქართველი ხალხის ინტერესები. იმ პოლიტიკით, რომელსაც ვატარებთ, ვიცავთ ჩვენს სამშობლოს, სუვერენიტეტს, დამოუკიდებლობასა და თავისუფლებას, რომელიც ჩვენმა წინა თაობებმა სისხლითა და ბრძოლით მოიპოვეს. ჩვენ დღესაც ყოველდღიურად გვიწევს ბრძოლა. ამიტომ კარგად უნდა გავიაზროთ მიმდინარე პროცესები, გონიერი ხალხი ვართ ქართველები. აქამდე მოვედით ჩვენი სარწმუნოებით, ეკლესიით, ჩვენი იდენტობით, კულტურით. მე ჩემს შვილებს ვასწავლი, თუ რამდენად მნიშვნელოვანი და ძვირფასია სამშობლო“, - განაცხადა თბილისის მერობის კანდიდატმა.კახა კალაძემ მოსახლეობასთან გამართულ შეხვედრაზე თბილისში განხორციელებულ პროექტებზე ისაუბრა და განაცხადა, რომ „ქართული ოცნება“ არის ერთადერთი პოლიტიკური ძალა, ვისაც შეუძლია დაძლიოს არსებული გამოწვევები.“ხედავთ, ბოლო წლების განმავლობაში თბილისში რამდენი კარგი პროექტი განვახორციელეთ ყველა მიმართულებით. – პარკები, სკვერები, რეკრეაციული არეალები, გზების, გამზირების მოწესრიგება, ახალი ბაღების მშენებლობა, ჯანდაცვის, სოციალური მიმართულების პროგრამები. ავარიული სახლების ჩანაცვლება, მაგრამ კიდევ უამრავი პრობლემა და გამოწვევაა. ჩვენზე უკეთ არავინ იცის, თუ რა საჭიროებებია, რა სჭირდება ამ ქალაქში მცხოვრებ ადამიანებს და, რა თქმა უნდა, გვაქვს ზუსტი ხედვა, თუ როგორ უნდა მოხდეს ქალაქის განვითარება და არსებული პრობლემების მოგვარება.ერთადერთი პოლიტიკური გუნდი, დღევანდელ რეალობაში, არის “ქართული ოცნება - დემოკრატიული საქართველო”, რომელსაც შეუძლია შეინარჩუნოს მშვიდობა, გაატაროს ქართველი ხალხის ინტერესები, დაიცვას ქვეყნის სუვერენიტეტი და დამოუკიდებლობა’, - განაცხადა კახა კალაძემ.ჩუღურეთის მოსახლეობასთან გამართულ შეხვედრას თბილისის საარჩევნო შტაბის ხელმძღვანელი ლევან მაჭავარიანი და საკრებულოში ჩუღურეთის მაჟორიტარობის კანდიდატი ზურაბ ჩიკვილაძე დაესწრნენ.