კატარ

ცნობილი ადვოკატი, რომელიც კრიმინალებს იცავდა, ახლა პოლიციის გამოძიების მთავარი ფიგურანტია - რას წერს უცხოური მედია

ბრაზილიაში ცნობილი ადვოკატი და სოციალური ქსელების ინფლუენსერი გაბრიელა ვიეირა სერაფინი სამართალდამცველების გამოძიების ინტერესის ქვეშ მოექცა. გამომძიებლები ეჭვობენ, რომ მისი კავშირები კრიმინალურ სამყაროსთან შესაძლოა მხოლოდ პროფესიული საქმიანობით არ შემოიფარგლებოდა.ბრაზილიური მედიის ინფორმაციით, გამოძიება ვარაუდობს, რომ ადვოკატი შესაძლოა შუამავლის როლს ასრულებდა. პოლიცია ეჭვობს, რომ ადვოკატი პატიმრებსა და თავისუფლებაზე მყოფ კრიმინალური დაჯგუფებების წევრებს ერთმანეთის შეტყობინებებს გადასცემდა.ამ ვერსიის შესამოწმებლად სამართალდამცველებმა სამხრეთ ბრაზილიაში, მისი საცხოვრებელი სახლი გაჩხრიკეს. რეიდის დროს თავად გაბრიელა ვიეირა სერაფინი სახლში არ იმყოფებოდა, თუმცა ჩხრეკას მისი დედა და ორი ადვოკატი ესწრებოდნენ.გამომძიებლების ცნობით, ჩხრეკისას საძინებელში, ბავშვის ხელთათმანში დამალული, ორი მობილური ტელეფონი, SIM-ბარათები და მეხსიერების ბარათები აღმოაჩინეს. ამოღებული ნივთები ექსპერტიზაზეა გადაგზავნილი, რათა დადგინდეს, შეიცავს თუ არა ისინი გამოძიებისთვის მნიშვნელოვან ინფორმაციას.ამ ეტაპზე სანტა-კატარინას სამოქალაქო პოლიცია საქმის დეტალებს არ ასაჯაროებს. ოფიციალური ბრალი ადვოკატისთვის ჯერ არ წარუდგენიათ, ხოლო გამოძიება გრძელდება.გაბრიელა ვიეირა სერაფინი ინტერნეტში ფსევდონიმით „Advogata“ არის ცნობილი. სახელწოდება პორტუგალიური სიტყვების – „ადვოკატი“ და „გოგონა/ლამაზი ქალი“ – შერწყმითაა შექმნილი.სოციალურ ქსელებში მის ვიდეოებს მილიონობით ნახვა აქვს, სადაც კრიმინალური საქმეების, ნარკოდანაშაულის, პოლიციის რეიდებისა და ბანდებს შორის დაპირისპირების ეპიზოდებს ინსცენირებით აცოცხლებს.ერთ-ერთ ყველაზე პოპულარულ ვიდეოში სერაფინი ქალის როლს ასრულებს, რომელიც საკუთარ ბინაში ნარკოტიკებს წონის, როდესაც საცხოვრებელში პოლიციის ტაქტიკური ჯგუფი შეიჭრება. ვიდეოში ის ასევე აღწერს იმ სავარაუდო ძალადობას, რომლის შესახებაც, მისი თქმით, ერთ-ერთი კლიენტი ჰყვებოდა.მიუხედავად იმისა, რომ მსგავსი ვიდეოების გამოქვეყნება კანონდარღვევად არ მიიჩნევა, გამოძიება ცდილობს დაადგინოს, ხომ არ გასცდა ადვოკატის საქმიანობა პროფესიულ ჩარჩოებს და ხომ არ გადაიზარდა ის კრიმინალურ ჯგუფებთან უკანონო თანამშრომლობაში.თუ ეჭვები დადასტურდება, საქმე შესაძლოა ერთ-ერთ ყველაზე გახმაურებულ გამოძიებად იქცეს, სადაც სოციალური მედიის პოპულარობა და ორგანიზებულ დანაშაულთან შესაძლო კავშირები ერთ საქმეში იკვეთება. ამ დროისთვის კი ადვოკატი უდანაშაულოდ მიიჩნევა, ვიდრე სასამართლო სხვაგვარ გადაწყვეტილებას მიიღებს.

საზოგადოება • 1783021966

ჯარიმა 2000 ლარამდეა - ვინ და რა შემთხვევაში დაჯარიმდება

საზღვაო ტრანსპორტის სააგენტოს ცნობით, 2026 წლის 1-ელი ივლისიდან ტბებზე, მდინარეებსა და წყალსაცავებზე კატარღების, იახტების, ჰიდროციკლების და სხვა ძრავიანი მცურავი საშუალებების რეგისტრაცია და მართვის სერტიფიკატის ფლობა სავალდებულო ხდება. ამის მიზანია შიდა სახმელეთო წყლებში ნაოსნობის უსაფრთხოების სტანდარტებისა და მგზავრთა უსაფრთხოების უზრუნველყოფა, ასევე შემთხვევების პრევენციაა.რეგისტრაციის გარეშე საქმიანობა კი გამოიწვევს დაჯარიმებას, კერძოდ, ადმინისტრაციულ სამართალდარღვევათა კოდექსის მიხედვით, შიდა სახმელეთო წყლებში ნაოსნობის წესების დარღვევა გამოიწვევს ფიზიკური პირის დაჯარიმებას 500 ლარის ოდენობით, ხოლო იურიდიული პირის დაჯარიმებას − 1 000 ლარის ოდენობით.სამართალდარღვევის განმეორებით ჩადენის შემთხვევაში ფიზიკური პირი დაჯარიმდება 1 000 ლარის ოდენობით, ხოლო იურიდიული პირი − 2 000 ლარის ოდენობით

მსოფლიო • 1782975240

Reuters: აშშ-ირანის მოლაპარაკებების ფონზე ნავთობის ფასი ზედიზედ მესამე დღეა მცირდება

ნავთობის ფასები დღეს დაახლოებით 1%-ით შემცირდა და ზედიზედ მესამე დღეა კლებას განაგრძობს. ინფორმაციას Reuters-ი ავრცელებს.სააგენტოს ცნობით, კლების მიზეზად დასახელდა ინფორმაცია, რომ კატარის განცხადებით, ირანსა და აშშ-ს შორის დოჰაში გამართული არაპირდაპირი მოლაპარაკებები გარკვეულ პროგრესს შეიცავდა, განსაკუთრებით ჰორმუზის სრუტესთან დაკავშირებულ საკითხებზე.მოლაპარაკებები ეხებოდა ივნისში ომის შეწყვეტის შესახებ შეთანხმების მემორანდუმს. კატარის საგარეო საქმეთა სამინისტროს წარმომადგენლის თქმით, მხარეებმა „დადებითი პროგრესი“ აჩვენეს, თუმცა გრძელვადიანი მშვიდობის მიმართულებით წინსვლის შესახებ მინიშნებები არ არსებობს.ბაზრებზე არსებული მონაცემებით, Brent-ის ტიპის ნავთობის ფიუჩერსები 70.80 დოლარამდე დაეცა, რაც 1.1%-იან კლებას წარმოადგენს, ხოლო აშშ-ის West Texas Intermediate-ის ფასი 67.74 დოლარამდე შემცირდა.ორივე მაჩვენებელი წინა სესიაზეც 1%-ზე მეტით დაეცა და ბოლო ოთხი თვის მინიმუმს მიაღწია.

მსოფლიო • 1782972163

კატარის საგარეო საქმეთა სამინისტროს სპიკერი: დოჰაში აშშ-ისა და ირანის მომლაპარაკებლებთან შეხვედრები დასრულდა, მხარეები მოლაპარაკებების გაგრძელებაზე შეთანხმდნენ

კატარის საგარეო საქმეთა სამინისტროს სპიკერის, მაჯედ ალ-ანსარის განცხადებით, დოჰაში აშშ-ისა და ირანის მომლაპარაკებლებთან შეხვედრები დაასრულეს.ალ-ანსარის განცხადებით, ისლამაბადის ურთიერთგაგების მემორანდუმთან დაკავშირებულ საკითხებზე პროგრესი დაფიქსირდა.„მხარეები მოლაპარაკებების გაგრძელებაზე შეთანხმდნენ. შემდეგი შეხვედრა შეძლებისდაგვარად უახლოეს პერიოდში, ირანის ყოფილი სულიერი ლიდერის დაკრძალვის ცერემონიის შემდეგ დაინიშნება“, – აღნიშნავს კატარის საგარეო საქმეთა სამინისტროს სპიკერი.

მსოფლიო • 1782965618

დოჰაში აშშ-სა და ირანს შორის მოლაპარაკებები დასრულდა, მთავარი თემა ჰორმუზის სრუტე იყო

ირანმა და შეერთებულმა შტატებმა არაპირდაპირი მოლაპარაკებების რაუნდი დაასრულეს და არანაირი ნიშანი არ არსებობს, რომ მდგრადი მშვიდობისკენ წინსვლა განახორციელეს, - ინფორმაციას Reuters-ი მოლაპარაკებების შესახებ ინფორმირებულ წყაროებზე დაყრდნობით ავრცელებს.მათივე ინფორმაციით, მოლაპარაკებების დროს ყურადღება გაამახვილეს იმ საკითხებზე, რომლებიც ორი კვირის წინ დროებითი შეთანხმების გამოცხადებისას მოგვარდა.მოლაპარაკებებთან დაკავშირებული წყაროების ცნობით, ორი ქვეყნის მომლაპარაკებლებმა დოჰაში ორი დღე გაატარეს და ჰორმუზის სრუტეში საზღვაო მიმოსვლასა და ირანის გაყინული თანხების განბლოკვას განიხილავდნენ, რაც თავდაპირველი შეთანხმების ორი კრიტიკული საკითხია.კატარის საგარეო საქმეთა სამინისტროს წარმომადგენლის თქმით, დოჰაში გამართულმა მოლაპარაკებებმა „პოზიტიური პროგრესი“ მოიტანა ივნისში ომის შეჩერების მემორანდუმთან დაკავშირებულ საკითხებში და შვეიცარიაში გამართული სამიტის შედეგებზე იყო დაფუძნებული.კატარის საგარეო საქმეთა სამინისტროს ცნობით, ამერიკელმა და ირანელმა მომლაპარაკებლებმა ცალ-ცალკე შეხვედრები გამართეს კატარელ და პაკისტანელ შუამავლებთან.წყაროს ცნობით, ამ შეხვედრებს არ დასწრებიან ტრამპის სიძე ჯარედ კუშნერი და აშშ-ის წარმომადგენელი სტივ უიტკოფი, რომლებიც რეგიონში მაღალი დონის მოლაპარაკებებისთვის იმყოფებოდნენ.კატარის საგარეო უწყების ინფორმაციით, შემდეგი შეხვედრა ირანის გარდაცვლილი უზენაესი ლიდერის, აიათოლა ალი ხამენეის დაკრძალვის შემდეგ გაიმართება.

მსოფლიო • 1782833940

ირანი აცხადებს, რომ გადამწყვეტად უპასუხებს აშშ-ის მხრიდან ურთიერთგაგების მემორანდუმის დარღვევის ნებისმიერ ფაქტს

ირანი უპასუხებს აშშ-ის მხრიდან ურთიერთგაგების მემორანდუმის ნებისმიერ დარღვევას, - აცხადებს ირანის საგარეო საქმეთა სამინისტროს პრესსპიკერი იმ ფონზე, როდესაც ორივე მხარის დელეგაციებს კატარში არაპირდაპირი მოლაპარაკებებისთვის ელოდებიან.„ჩვენ არცერთ ქმედებას დავტოვებთ უპასუხოდ. როგორც ირანის ძლიერმა შეიარაღებულმა ძალებმა დაამტკიცეს, ისლამური რესპუბლიკის მიზნების წინააღმდეგ მიმართული აგრესიის ნებისმიერი აქტი დაუყოვნებლივ და გადამწყვეტ პასუხს მიიღებს“, - განუცხადა ჟურნალისტებს ესმაილ ბაღაიმ ყოველკვირეულ პრესკონფერენციაზე.„ასეთი ქმედებები ურთიერთგაგების მემორანდუმის პირველი მუხლის დარღვევად ჩაითვლება. ბუნებრივია, თუ მსგავსი დარღვევები განმეორდება და გაგრძელდება, ამ პროცესის გაგრძელება სირთულეებს წააწყდება“, - დასძინა მან.

სპორტი • 1782800940

გერმანიის საფეხბურთო ნაკრები მსოფლიო ჩემპიონატის 1/8 ფინალში ისევ ვერ გავიდა

აშშ-ში, კანადასა და მექსიკაში მიმდინარე საფეხბურთო მსოფლიო ჩემპიონატის 1/16 ფინალში გერმანიის ეროვნული ნაკრები პარაგვაის გუნდთან დამარცხდა და 1/8 ფინალში ვერ გადავიდა.შეხვედრა პარაგვაელთა უპირატესობით დაიწყო და 42-ე წუთზე ხულიო ენსინსომ ანგარიში გახსნა. მოგვიანებით ინიციატივა გერმანელების მხარეს გადავიდა და შედეგმაც არ დააყოვნა. შეხვედრის 54- წუთზე კაი ჰავერცმა ანგარიში გაათანაბრა.მატჩის ძირითადი დრო 1:1 დასრულდა, რის გამოც დამატებითი დრო დაინიშნა. გუნდებმა დამატებით დროშიც ვერ შეძლეს ანგარიშის შეცვლა.გამარჯვებულის გამოსავლენად 11-მეტრიანების სერია დაინიშნა. პენალტების სერიაში პარაგვაელები უკეთესად გამოიყურებოდნენ და გერმანელები ანგარიშით 4:3 დაამარცხეს.აღსანიშნავია, რომ გერმანიის ეროვნული ნაკრები 2018 წელს რუსეთში გამართულ მსოფლიო ჩემპიონატზე ჯგუფში ჩარჩა. გერმანელები 1/8 ფინალში ვერ გავიდნენ 2022 წელს კატარში გამართულ მუნდიალზეც.

პოლიტიკა • 1782794361

დონალდ ტრამპი: დოჰაში შეხვედრა, შესაძლოა, მნიშვნელოვანი იყოს, შესაძლოა, არც იყოს. ამას გავიგებთ

თეირანის მოთხოვნით დღეს დოჰაში აშშ-ირანის მოლაპარაკებები გაიმართება. შეხვედრაში მონაწილეობას მიიღებენ დონალდ ტრამპის წარმომადგენლები, სტივ უიტკოფი და ჯარედ კუშნერი. აშშ-ის პრეზიდენტის განცხადებით, ისინი კატარში უკვე გაემგზავრნენ.თეთრი სახლის ლიდერი აცხადებს, რომ დოჰაში შეხვედრა, შესაძლოა, მნიშვნელოვანი იყოს, შესაძლოა - არა, თუმცა აღნიშნავს, რომ შეერთებული შტატები სამხედრო თვალსაზრისით უპირატესობას ინარჩუნებს.„შეხვედრა გაიმართება. ისინი კატარში მიდიან. ვფიქრობ, უკვე გაემგზავრნენ ან გასამგზავრებლად ემზადებიან. ასე რომ, ვნახავთ, როგორ წარიმართება, მაგრამ ამ მიმართულებით ძალიან კარგად ვმუშაობთ. დოჰაში შეხვედრა, შესაძლოა, მნიშვნელოვანი იყოს, შესაძლოა, არც იყოს. ამას გავიგებთ. ჩვენ სამხედრო თვალსაზრისით ვიმარჯვებთ. ფაქტობრივად, შეიძლება ითქვას, რომ უკვე თითქმის მოვიგეთ. ეს ყველაფერი ძალიან მარტივია - ირანის დენუკლეარიზაციაა. ჩვენ არ გვინდა, რომ მათ ბირთვული იარაღი ჰქონდეთ და ისინი მას ვერ მიიღებენ. სამართლიანად რომ ვთქვათ, ისინი ამაზე შეგვითანხმდნენ“, - განაცხადა ტრამპმა.

მსოფლიო • 1782762299

ირანში აცხადებენ, რომ უახლოეს დღეებში აშშ-სთან მოლაპარაკებები დაგეგმილი არ არის

ირანის საგარეო საქმეთა სამინისტროს პრესსპიკერმა, ესმაილ ბაღეიმ განაცხადა, რომ უახლოეს დღეებში შეერთებულ შტატებთან მოლაპარაკებების გამართვა არ იგეგმება, რადგან თეირანის ამჟამინდელი პრიორიტეტი მემორანდუმით გათვალისწინებული პირობების შესრულების უზრუნველყოფაა.ბაღეის თქმით, შეერთებულმა შტატებმა უკვე გასცა მე-10 პუნქტთან დაკავშირებული აუცილებელი ნებართვები, რომელიც ნავთობის გაყიდვებს ეხება და ირანი მათი განხორციელების პროცესს აკვირდება. მისივე თქმით, მიმდინარეობს მუშაობა მე-11 პუნქტის შესრულებაზე, რომელიც ირანის გაყინული აქტივების გათავისუფლებას უკავშირდება და ამ საკითხთან დაკავშირებით ირანის ექსპერტთა დელეგაცია მიმდინარე კვირის ბოლოს დოჰაში გაემგზავრება.ბაღეიმ აღნიშნა, რომ ირანსა და აშშ-ს საბოლოო შეთანხმების შესახებ მოლაპარაკებების ეტაპი ჯერჯერობით არ დაუწყიათ. მისი თქმით, მემორანდუმის მე-13 პუნქტის თანახმად, საბოლოო შეთანხმებაზე მოლაპარაკებები მხოლოდ მას შემდეგ შეიძლება დაიწყოს, რაც პირველი, მეოთხე, მეხუთე, მეათე და მე-11 პუნქტების შესრულება დაიწყება და შესაბამისი პროცესები გაგრძელდება.ირანის საგარეო უწყების წარმომადგენელმა ასევე განაცხადა, რომ კატარში აშშ-ის წარმომადგენლების შესაძლო ვიზიტი არ უკავშირდება ირანის დელეგაციის ვიზიტს. მისი თქმით, ირანელი ექსპერტები დოჰაში მემორანდუმის შესრულების, მათ შორის მე-11 პუნქტის, საკითხების განსახილველად გაემგზავრებიან.

მსოფლიო • 1782743460

ირანული სახელმწიფო მედია: მასუდ პეზეშკიანის განცხადებით, კატარში გაყინული 12 მილიარდი დოლარის აქტივებიდან 6 მილიარდი დოლარი გათავისუფლდება და ირანს დაუბრუნდება

ირანის პრეზიდენტის, მასუდ პეზეშკიანის განცხადებით, მას შემდეგ, რაც შეერთებულ შტატებთან გაფორმებულმა ურთიერთგაგების მემორანდუმმა ნავთობისა და ნავთობქიმიურ სექტორზე სანქციები მოხსნა, კატარში გაყინული 12 მილიარდი დოლარის აქტივებიდან 6 მილიარდი დოლარი გათავისუფლდება და ირანს დაუბრუნდება, - იუწყებიან ირანული სახელმწიფო მედიასაშუალებები.იმავდროულად, მემორანდუმის იმპლემენტაციაზე მომუშავე ირანული და ამერიკული ტექნიკური ჯგუფები უახლოეს დღეებში დოჰაში შეხვედრას გეგმავენ - განუცხადა „როიტერსს“ მოლაპარაკებების კურსში მყოფმა წყარომ.წყაროს ცნობით, შუამავლებმა დაამყარეს საკომუნიკაციო არხები ნებისმიერი ინციდენტის დეესკალაციისთვის და ტექნიკური მოლაპარაკებები გაგრძელდება.

მსოფლიო • 1782743023

მსოფლიო • 1782733743

ირანში აშშ-სთან დაგეგმილი შეხვედრის შესახებ ინფორმაცია უარყვეს

ირანმა აშშ-სთან ორმხრივი შეხვედრის შესახებ შეთანხმების არსებობა უარყო. ამ კვირაში მსგავსი არაფერია დაგეგმილი, - განუცხადა სააგენტო Tasnim-ს ირანის საგარეო საქმეთა მინისტრის მოადგილემ, ყაზამ გარიბაბადიმ.მანამდე სააგენტო Reuters-ი მოლაპარაკებების მსვლელობასთან დაახლოებულ წყაროზე დაყრდნობით იტყობინებოდა, რომ ორი ქვეყნის ტექნიკური ჯგუფები ერთმანეთს უახლოეს დღეებში დოჰაში უნდა შეხვედროდნენ.გარიბაბადიმ აღნიშნა, რომ ირანსა და კატარს შორის კონსულტაციები აშშ-ის ვალდებულებებთან დაკავშირებით გეგმის მიხედვით გაგრძელდება, თუმცა ინფორმაცია დოჰაში ტექნიკური სამუშაო ჯგუფების მოლაპარაკებების შესახებ დადასტურებული არ არის.