კატარ

დაავადებათა კონტროლისა და პრევენციის ცენტრი განცხადებას ავრცელებს

დაავადებათა კონტროლისა და პრევენციის ცენტრი განცხადებას ავრცელებს. „მზით დამწვრობა და მისი პრევენციის გზებირისკები: კანის ნაადრევი დაბერება და პიგმენტური ლაქები კანის კიბოს განვითარების საფრთხემხედველობის დაზიანება (კატარაქტა)მაღალი რისკის ჯგუფები: ღია ფერის კანის, თმისა და თვალის მქონე პირები 6 წლამდე ასაკის ბავშვები და 60+ წლის პირებიროგორ დავიცვათ თავი? მოერიდეთ პიკურ საათებს: 10:00-დან 16:00 საათამდე გამოიყენეთ მზისგან დამცავი: SPF 30+ (წაისვით გასვლამდე 20 წუთით ადრე, განაახლეთ ყოველ 2 საათში)ატარეთ დამცავი სამოსი: ფართოფარფლებიანი ქუდი, მუქი სათვალე და ღია ფერის ნატურალური ტანსაცმელიდამწვრობის შემთხვევაში: არ გახეთქოთ ბუშტუკები და მოერიდეთ მზეს მიმართეთ ექიმს: თუ დამწვრობა მიიღო ერთ წლამდე ასაკის ბავშვმა, აღინიშნება მაღალი სიცხე ან ძლიერი ტკივილი",- ნათქვამია განცხადებაში.

საზოგადოება • 1787383311

დაავადებათა კონტროლის ცენტრი ინფორმაციას ავრცელებს

ზაფხულის პერიოდში მზით დამწვრობის შემთხვევები განსაკუთრებით ხშირია. ულტრაიისფერი გამოსხივების ჭარბი ზემოქმედება კი ჯანმრთელობისთვის არაერთ რისკს უკავშირდება.დაავადებათა კონტროლისა და საზოგადოებრივი ჯანმრთელობის ეროვნული ცენტრი მზისგან თავის დაცვისა და დამწვრობის პრევენციისთვის რეკომენდაციებს ავრცელებს.ნამზეური ულტრაიისფერი სხივების ზემოქმედებით კანის პიგმენტური უჯრედების დაზიანების შედეგია. ხშირი გარუჯვა ზრდის კანის ნაადრევი დაბერების, პიგმენტური ლაქებისა და კანის კიბოს განვითარების რისკს. ულტრაიისფერმა გამოსხივებამ შესაძლოა მხედველობის სერიოზული დარღვევებიც გამოიწვიოს, მათ შორის კატარაქტა, რაც სიბრმავის ერთ-ერთი მთავარი მიზეზია.მზეზე ან სოლარიუმში ჭარბმა დასხივებამ შესაძლოა კანის დამწვრობა გამოიწვიოს. მას შესაძლოა თან ახლდეს კანის სიწითლე და ტკივილი, დაზიანებული უბნის შეშუპება, სითხის შემცველი ბუშტუკები, სხეულის ტემპერატურის მატება, ზოგადი სისუსტე და გულისრევა.ცენტრის რეკომენდაციით, მზით დამწვრობის შემთხვევაში არ უნდა შეეხოთ ან გახეთქოთ წარმოქმნილი ბუშტუკები და უნდა მოერიდოთ მზეზე განმეორებით გასვლას. სამედიცინო დახმარება აუცილებელია, თუ დამწვრობა მიიღო ერთ წლამდე ასაკის ბავშვმა, განვითარდა მაღალი ტემპერატურა, გაჩნდა სითხით სავსე ბუშტუკები და ძლიერი ტკივილი. მზით დამწვრობის მიმართ განსაკუთრებით მგრძნობიარენი არიან ღია ფერის კანის, თმისა და თვალების მქონე ადამიანები, 6 წლამდე ასაკის ბავშვები და 60 წელს გადაცილებული პირები.პრევენციისთვის ცენტრი მოსახლეობას ურჩევს, შეზღუდოს მზეზე ყოფნა, განსაკუთრებით მზის პიკური აქტივობის პერიოდში - შუადღემდე ორი საათით ადრე და ორი საათის შემდეგ. რეკომენდებულია ღია ფერის, ნატურალური ქსოვილისგან დამზადებული თავისუფალი ტანსაცმლის, ფართოფარფლებიანი ქუდისა და მუქი სათვალის ტარება, რომელიც უზრუნველყოფს ულტრაიისფერი სხივებისგან მაღალ დაცვას.ასევე, მნიშვნელოვანია მზისგან დამცავი საშუალებების გამოყენება - რეკომენდებულია SPF 30 ან მეტი დაცვის ფაქტორის მქონე კრემის წასმა მზეზე გასვლამდე 20 წუთით ადრე და მისი განახლება ყოველ ორ საათში ერთხელ.

მსოფლიო • 1786466464

CNN: პაკისტანის განცხადებით, აშშ და ირანი „გარკვეული სახის შეთანხმებასთან ახლოს არიან“

პაკისტანმა განაცხადა, რომ შეერთებული შტატები და ირანი "გარკვეული სახის" შეთანხმებასთან ახლოს არიან, ხოლო თანამედიატორმა კატარმა აღნიშნა, რომ ჰორმუზის სრუტის მართვასთან დაკავშირებული მოლაპარაკებები პრიორიტეტულია, მიუხედავად რეგიონულ წყლებში გემებზე განხორციელებული ახალი თავდასხმების შესახებ გავრცელებული ცნობებისა, - ინფორმაციას CNN ავრცელებს.როგორც გამოცემა წერს კომენტარები იძლევა იმედს, რომ ირანსა და აშშ-ს შეუძლიათ გამოვიდნენ ჩიხიდან, რომელმაც ფაქტობრივად დაბლოკა მნიშვნელოვანი გზა, რომელზეც ომამდე გლობალური ნავთობისა და თხევადი ბუნებრივი აირის მეხუთედი გადიოდა, გარიგების პერსპექტივა ორშაბათს, მხარეთა ბოლო განცხადებებისა და მოთხოვნების შემდეგ, ნაკლებად რეალისტურად ჩანდა.Bloomberg News-თან ინტერვიუში პაკისტანის თავდაცვის მინისტრმა ხავაჯა ასიფმა განაცხადა, რომ "საქმეები კვლავ მშვიდობიანად ან შეთანხმების სასარგებლოდ მიდის"."ბოლო ორი-სამი დღის გზავნილები იმაზე მიუთითებს, რომ ჩვენ რაღაც სახის შეთანხმებასთან ახლოს ვართ.ირანის საგარეო საქმეთა მინისტრი აბას არაღჩი სამშაბათს თეირანში პაკისტანის შინაგან საქმეთა მინისტრს, მოჰსინ ნაკვის შეხვდა, წერს არაღჩი Telegram-არხზე, დამატებითი დეტალები არ გავრცელებულა.კატარის საგარეო საქმეთა სამინისტროს სპიკერმა გამართულ ბრიფინგზე განაცხადა, რომ ომანსა და ირანს შორის ჰორმუზის სრუტის მართვის შესახებ ცალკეული დისკუსიები პრიორიტეტულია.

მსოფლიო • 1786040611

Reuters: ირანმა სპარსეთის ყურის ქვეყნებთან აქტიური დიპლომატიური კამპანია წამოიწყო და ისინი პირდაპირ გააფრთხილა - თეირანი დარტყმებს მიაყენებს ნავთობის, ენერგეტიკისა და წყლის ობიექტებს, თუ ისინი ტრამპს არ დაარწმუნებენ, შეწყვიტოს აშშ-ის იერიშები ირანზე

ირანმა სპარსეთის ყურის ქვეყნებთან აქტიური დიპლომატიური კამპანია წამოიწყო და ისინი პირდაპირ გააფრთხილა - თეირანი დარტყმებს მიაყენებს ნავთობის, ენერგეტიკისა და წყლის ობიექტებს, თუ ისინი ტრამპს არ დაარწმუნებენ, შეწყვიტოს აშშ-ის იერიშები ირანზე და ომის მოლაპარაკებების გზით დასრულებას მიაღწიოს, - წერს საინფორმაციო სააგენტო Reuters.ირანელი მაღალჩინოსნის განცხადებით, ეს გაფრთხილება ითვალისწინებდა დარტყმებს ვაშინგტონის უახლოესი არაბი მოკავშირეების ენერგეტიკულ ობიექტებზე, ნავთობის საბადოებზე, გადამამუშავებელ ქარხნებზე, ელექტროქსელებზე, წყლის ინფრასტრუქტურაზე, სატრანსპორტო ქსელებსა და სხვა სტრატეგიულ აქტივებზე.წყაროების ცნობით, ეს გზავნილი ირანის იმ ფართომასშტაბური სტრატეგიის ნაწილია, რომლის მიზანიც სპარსეთის ყურეში სერიოზული ეკონომიკური დესტაბილიზაციის მუქარით აშშ-ის შემდგომი სამხედრო ნაბიჯების შეკავებაა.განხილვების დეტალებში ჩახედული ორი ირანელი მაღალჩინოსნის, ყურის რეგიონის ორი წყაროსა და მაღალი რანგის დიპლომატის ცნობით, ირანის საგარეო საქმეთა მინისტრი, აბას არაღჩი თავის საუდელ, თურქ და კატარელ კოლეგებს, ასევე პაკისტანის არმიის სარდალს ესაუბრა.მაღალი რანგის დიპლომატის თქმით, არაღჩიმ ვაშინგტონის მოკავშირეებს მოუწოდა, გამოეყენებინათ ტრამპზე საკუთარი გავლენა, რათა მას ახალი იერიშების წამოწყებაზე ეთქვა უარი, და გააფრთხილა, რომ ირანზე ნებისმიერი თავდასხმა ყურის რეგიონში აშშ-ის აქტივებისა და კრიტიკული ინფრასტრუქტურის წინააღმდეგ საპასუხო ზომებს გამოიწვევს.

მსოფლიო • 1785868020

იორდანიის ფეხბურთის ასოციაცია ფიფას „შანტაჟში“ ადანაშაულებს

იორდანიის ფეხბურთის ასოციაციამ (JFA) ფიფას ხელმძღვანელობა მკაცრად გააკრიტიკა და ორგანიზაცია „შანტაჟში“ დაადანაშაულა. ფედერაციის პრეზიდენტის, პრინც ალი ბინ ალ-ჰუსეინის თქმით, იორდანიას, როგორც შეზღუდული რესურსების მქონე მცირე ქვეყანას, მსოფლიო ჩემპიონატზე ასპარეზობისას უზარმაზარი დაბრკოლებების გადალახვა მოუწია.თავის განცხადებაში იგი სამ ძირითად პრობლემაზე ამახვილებს ყურადღებას. პირველი გულშემატკივრების აშშ-ში შესვლას ეხება - ჰუსეინის თქმით, იორდანიელ ფანების ნაწილს ვიზებზე უარი ეთქვა იმის მიუხედავად, რომ მათ მატჩებზე დასასწრები ბილეთები ასტრონომიულ ფასად ჰქონდათ შეძენილი.მეორე საკითხი მსოფლიო ჩემპიონატის საგადასახადო პოლიტიკაა. პრინცი აცხადებს, რომ ტურნირში მონაწილეობისთვის იორდანია ფიფას გავლით აშშ-ის მთავრობის მიერ იბეგრებოდა - თანხით, რომელიც, წესით, მოთამაშეებსა და პერსონალს უნდა მიეღო. მან ასევე აღნიშნა, რომ კანადასა და მექსიკაში ბაზირებული ნაკრებები მსგავსი პრობლემის წინაშე არ დამდგარან.მესამე პრეტენზია კი გაუცემელ საპრიზო თანხას უკავშირდება. იორდანიის ფეხბურთის ფედერაცია კვლავ ელის გასული წლის დეკემბერში კატარში გამართული „ფიფას არაბეთის თასის“ კუთვნილ თანხებს. ჰუსეინის თქმით, ფინალში გასვლისთვის კუთვნილი თანხა ჯერაც არ ჩარიცხულა, მიუხედავად იმისა, რომ ფიფა თავისი მილიარდიანი რეზერვებით ტრაბახობს.პრინც ალი ბინ ალ-ჰუსეინის თქმით, ფიფა უარს ამბობდა მათ დახმარებაზე, სანამ მსოფლიო ჩემპიონატზე პირდაპირ არ განუცხადეს: ჯანი ინფანტინოსთვის მხარდაჭერის გამოცხადება იორდანიის ფედერაციის პრობლემების მოგვარებას მნიშვნელოვნად წაადგებოდა.„იორდანიის ფეხბურთის ფედერაცია ამაყობს ეთიკური ღირებულებების დაცვით. ჩვენ მას მხარი არც მანამდე დაუჭირეთ და, რა თქმა უნდა, არც ახლა დავუჭერთ. მთელი ეს სიტუაცია შანტაჟს უდრის, ჩვენ კი ამას არ დავნებდებით“, - განაცხადა ჰუსეინმა.ამ გადაწყვეტილებით იორდანია შეუერთდა იმ ქვეყნების ფეხბურთის ასოციაციებს - მათ შორის ინგლისს, უელსს, ფინეთს, შვედეთსა და სერბეთს - რომლებმაც ჯანი ინფანტინოს ხელახალ არჩევაში მხარდაჭერაზე უარი განაცხადეს.

მსოფლიო • 1785737105

ტრამპმა ირანთან ახალი მოლაპარაკებები დააანონსა

აშშ-ის პრეზიდენტის, დონალდ ტრამპის განცხადებით, ირანთან მოლაპარაკებები დღეს განახლდება.„მათ იცოდნენ, რა მასშტაბის თავდასხმა იგეგმებოდა, რადგან ხედავდნენ, როგორ მიმდინარეობდა მზადება. ახლა კი მათთან მოლაპარაკებების ფორმატში ვსაუბრობთ. ეს შუადღის შემდეგ დაიწყება და ვნახოთ, რა შედეგი იქნება“, – განაცხადა დონალდ ტრამპმა.მისივე თქმით, დაგეგმილი თავდასხმის გაუქმება მას ისეთმა მოკავშირეებმა სთხოვეს, როგორებიც არიან საუდის არაბეთი, არაბთა გაერთიანებული საამიროები, კატარი და თავად ირანი.„ჩვენ ყველაფერი მზად გვქონდა ოპერაციის დასაწყებად, მაგრამ როდესაც მოკავშირეებმა მისი გაუქმება გვთხოვეს, ვთქვით: „კარგი, ვნახოთ“. მიზეზი, რის გამოც ეს გვთხოვეს, ის არის, რომ მათ მიაჩნიათ, შეთანხმების მიღწევა შესაძლებელია. ჰორმუზის საკითხზე შეთანხმება არსებობს, შემდეგ კი იქნება შეთანხმება ბირთვულ საკითხზე ან როგორც შეიძლება, ამას ვუწოდოთ, ირანის დენუკლეარიზაციაზე. მე ამას ირანის დენუკლეარიზაციას ვუწოდებ“, – აღნიშნა ტრამპმა.„სიენენის“ ინფორმაციით, საუდის არაბეთის მემკვიდრე პრინცმა, მოჰამედ ბინ სალმანმა ტრამპთან სატელეფონო საუბარი გამართა, რომლის დროსაც აშშ-ის პრეზიდენტს რეგიონში ომის დეესკალაციისკენ მოუწოდა.ამასთან, ირანის სახელმწიფო მედიამ უარყო ინფორმაცია, რომ ირანმა ტრამპს დაგეგმილი თავდასხმების შეჩერება სთხოვა.

პოლიტიკა • 1785734544

დონალდ ტრამპი აცხადებს, რომ ირანთან მოლაპარაკებები დღეს განახლდება

აშშ-ის პრეზიდენტის, დონალდ ტრამპის განცხადებით, ირანთან მოლაპარაკებები დღეს განახლდება.„მათ იცოდნენ, რა მასშტაბის თავდასხმა იგეგმებოდა, რადგან ხედავდნენ, როგორ მიმდინარეობდა მზადება. ახლა კი მათთან მოლაპარაკებების ფორმატში ვსაუბრობთ. ეს შუადღის შემდეგ დაიწყება და ვნახოთ, რა შედეგი იქნება“, – განაცხადა დონალდ ტრამპმა.მისივე თქმით, დაგეგმილი თავდასხმის გაუქმება მას ისეთმა მოკავშირეებმა სთხოვეს, როგორებიც არიან საუდის არაბეთი, არაბთა გაერთიანებული საამიროები, კატარი და თავად ირანი.„ჩვენ ყველაფერი მზად გვქონდა ოპერაციის დასაწყებად, მაგრამ როდესაც მოკავშირეებმა მისი გაუქმება გვთხოვეს, ვთქვით: „კარგი, ვნახოთ“. მიზეზი, რის გამოც ეს გვთხოვეს, ის არის, რომ მათ მიაჩნიათ, შეთანხმების მიღწევა შესაძლებელია. ჰორმუზის საკითხზე შეთანხმება არსებობს, შემდეგ კი იქნება შეთანხმება ბირთვულ საკითხზე, ან როგორც შეიძლება, ამას ვუწოდოთ, ირანის დენუკლეარიზაციაზე. მე ამას ირანის დენუკლეარიზაციას ვუწოდებ“, – აღნიშნა ტრამპმა.„სიენენის“ ინფორმაციით, საუდის არაბეთის მემკვიდრე პრინცმა, მოჰამედ ბინ სალმანმა ტრამპთან სატელეფონო საუბარი გამართა, რომლის დროსაც აშშ-ის პრეზიდენტს რეგიონში ომის დეესკალაციისკენ მოუწოდა.ამასთან, ირანის სახელმწიფო მედიამ უარყო ინფორმაცია, რომ ირანმა ტრამპს დაგეგმილი თავდასხმების შეჩერება სთხოვა.

მსოფლიო • 1785495861

„ჰამასის“ წარმომადგენელი ადასტურებს, რომ „მშვიდობის საბჭოსთან“ შეთანხმებას მიაღწიეს

დაჯგუფება „ჰამასის“ მაღალჩინოსანმა, ღაზი ჰამადმა დაადასტურა, რომ განიარაღების შესახებ შეთანხმებას „მშვიდობის საბჭოსთან“ მიაღწიეს.მისივე განმარტებით, ეს პროცესი დამოკიდებულია ორ პირობაზე, რომ ღაზის სექტორში საერთაშორისო სტაბილიზაციის ძალები უნდა განთავსდეს, ხოლო ისრაელმა ოქტომბერში დადებული ცეცხლის შეწყვეტის შეთანხმებით ნაკისრი ვალდებულებები შეასრულოს.„ვიდრე ისრაელი ამ პირობებს არ შეასრულებს, არც ჩვენ გადავდგამთ იარაღთან დაკავშირებულ არცერთ ნაბიჯს“, – აღნიშნა ჰამადმა.მისი თქმით, ისრაელმა ჯერ ცეცხლი უნდა შეწყვიტოს, შეაჩეროს ღაზაში მიზანმიმართული თავდასხმები, ჯარები ე.წ. ყვითელი ხაზის მიღმა გაიყვანოს და სექტორში გაზრდილი ჰუმანიტარული დახმარების შესვლა უზრუნველყოს.ამის პარალელურად, სექტორის მართვა უნდა გადაეცეს ღაზის ადმინისტრირების ეროვნულ კომიტეტს – პალესტინელი ტექნოკრატებისგან შემდგარ ორგანოს, რომელიც „მშვიდობის საბჭომ“ დანიშნა.„ჰამასის“ მაღალჩინოსანი აცხადებს, რომ დაჯგუფების შეიარაღება არ განადგურდება, ის საწყობში შეინახება ეროვნული კომიტეტის კონტროლის ქვეშ.„პირველი ეტაპი ცუდად წარიმართა. ისრაელმა შეთანხმება არ დაიცვა და დარღვევების ასობით თუ არა, ათასობით შემთხვევა დაფიქსირდა. ახლა გარანტორებმა – ამერიკამ, კატარმა, თურქეთმა და ეგვიპტემ უნდა უზრუნველყონ, რომ ისრაელი ამჯერად შეთანხმებას სრულად შეასრულებს. იმედი მაქვს, ისრაელი დათანხმხდება. ჩვენ ჯერ კიდევ ველოდებით“,- განაცხადა ჰამადმა.

მსოფლიო • 1785219125

Financial Times: ირანის სარაკეტო შესაძლებლობების მდგრადობა აშშ-ის ძალებისთვის ახალ გამოწვევად იქცა

Financial Times-ის ინფორმაციით, აშშ-ისა და ისრაელის მიერ თებერვლის ბოლოს ირანზე ერთობლივი შეტევის დაწყებიდან მალევე, თავდაცვის მდივანმა პიტ ჰეგსეტმა განაცხადა, რომ ოპერაციის ერთ-ერთი მთავარი მიზანი ირანის შეტევითი სარაკეტო შესაძლებლობებისა და რაკეტების წარმოების განადგურება იყო.თუმცა, ხუთი თვისა და ასობით ამერიკული იერიშის მიუხედავად, ირანმა შეძლო სარაკეტო ძალების საბრძოლო ეფექტიანობის შენარჩუნება და კვლავაც ახორციელებს, როგორც ჩანს, მაღალი სიზუსტის დარტყმებს რეგიონის სხვადასხვა ობიექტზე.გამოცემის ცნობით, ირანის სარაკეტო შეტევებს ამერიკელი სამხედროები ემსხვერპლნენ იორდანიაში მდებარე ყაზარმებში. ირანმა არაერთხელ დაარტყა შენობებს, ქუვეითისა და ბაჰრეინის მსხვილ სამხედრო ბაზებზე, ასევე სამიზნეში ამოიღო ობიექტები საუდის არაბეთსა და კატარში. ანალიტიკოსების შეფასებით, ირანის სამხედროებმა მარტსა და აპრილში ინტენსიური დაბომბვების პერიოდში მიღებული გამოცდილებაც გაითვალისწინეს.ექსპერტების აზრით, აპრილში ძალაში შესულმა მყიფე ცეცხლის შეწყვეტის შეთანხმებამ და ბოლო კვირებში აშშ-ის შედარებით ნაკლებად ინტენსიურმა კამპანიამ, რომელიც ძირითადად სამხრეთ ირანზე იყო კონცენტრირებული, ირანულ სარაკეტო დანაყოფებს უფრო ორგანიზებულად მოქმედების შესაძლებლობა მისცა. მათივე თქმით, ბოლო დაპირისპირებაში ისრაელის არმიის არმონაწილეობამაც ირანზე ზეწოლა შეამცირა.„სროლა გაცილებით ადვილია, როდესაც თავად არ გესვრიან“, - ამბობს საფრანგეთის საერთაშორისო ურთიერთობების ინსტიტუტის ირანის ბალისტიკური სარაკეტო პროგრამის ექსპერტი ნიკოლ გრაევსკი. მისი თქმით, ირანს აღარ უწევს გამშვები დანადგარების მუდმივი გადაადგილება, რაც ოპერაციულ გარემოს ბევრად უფრო ხელსაყრელს ხდის.როგორც Financial Times-ი წერს, გასულ უქმეებზე საბრძოლო მოქმედებები დროებით შეჩერდა, რადგან შუამავლები მხარეების სრულმასშტაბიან ომში დაბრუნების თავიდან აცილებას ცდილობდნენ. თუმცა, აშშ-ის პრეზიდენტმა დონალდ ტრამპმა გასული კვირის ბოლოს ირანს „მასშტაბური შეტევით“ კიდევ ერთხელ დაემუქრა.როგორც გამოცემა აღნიშნავს, ვაშინგტონს შემდგომი ნაბიჯების დაგეგმვისას საკუთარი სარაკეტო მარაგების გათვალისწინებაც მოუწევს, მათ შორის ძვირად ღირებული ანტისარაკეტო სისტემების, რომლებიც ირანის შეტევების მოსაგერიებლად გამოიყენება.28 თებერვლიდან 8 აპრილამდე აშშ და ისრაელი აქტიურად ცდილობდნენ ირანული სარაკეტო გამშვები დანადგარებისა და ეკიპაჟების აღმოჩენასა და განადგურებას. ისინი ბომბავდნენ მიწისქვეშა სარაკეტო ბაზების შესასვლელებს, რათა სამხედროები შიგნით მოემწყვდიათ, ხოლო თავზე მუდმივად მოქმედებდნენ სადაზვერვო დრონები და საბრძოლო ავიაცია, რომლებიც გამშვები დანადგარის აღმოჩენისთანავე რეაგირებდნენ.თუმცა, გრაევსკის შეფასებით, ირანელი ინჟინრები უკვე ახერხებენ დაზიანებული ინფრასტრუქტურის სწრაფ აღდგენას და მიწისქვეშა ბაზების ხელახლა ამოქმედებას.„ისინი კვლავაც სერიოზულ საფრთხედ რჩებიან“, — აცხადებს ის.

საზოგადოება • 1784624167

სანაპირო დაცვის დეპარტამენტის წარმომადგენლებმა თურქეთის რესპუბლიკაში კვალიფიკაციის ამაღლების კურსები გაიარეს

შინაგან საქმეთა სამინისტროს სანაპირო დაცვის დეპარტამენტის სანაპირო დაცვის დეპარტამენტის წარმომადგენლებმა თურქეთის რესპუბლიკაში, ქალაქ ანტალიაში, თურქეთის სანაპირო დაცვის საგანმანათლებლო-სასწავლო ცენტრში გამართულ „ოფიცრის/მიჩმანის მორიგეობის საკვალიფიკაციო“ და „სწრაფმავალი კატარღის მართვის“ სასწავლო კურსებში მიიღეს მონაწილეობა.კურსები თეორიულ და პრაქტიკულ სწავლებას მოიცავდა და მიზნად ისახავდა სანაპირო დაცვის დეპარტამენტის თანამშრომელთა პროფესიული კვალიფიკაციის ამაღლებასა და პრაქტიკული უნარებისა და ცოდნის გაღრმავებას.სწავლება თურქეთის რესპუბლიკის სანაპირო დაცვის სარდლობის ორგანიზებით ჩატარდა. კურსების დასრულების შემდეგ დეპარტამენტის წარმომადგენლებს შესაბამისი სერტიფიკატები გადაეცათ.

სპორტი • 1784527271

ფოთში საერთაშორისო ტურნირი „ფოთი-პრო 2026“ დაიწყო

ფოთში, მალთაყვის ოქროს ტბაზე, წყალსათხილამურო სპორტში საერთაშორისო ტურნირი „ფოთი-პრო 2026“ მიმდინარეობს. ორდღიან შეჯიბრებაში მსოფლიოს 17 ქვეყნის 49 სპორტსმენი მონაწილეობს.ტურნირი წყლის თხილამურებისა და ვეიკბორდის საერთაშორისო ფედერაციის (IWWF) პატრონაჟით ტარდება. ღონისძიების მხარდამჭერები არიან საქართველოს სპორტის სამინისტრო და ქალაქ ფოთის მუნიციპალიტეტის მერია. ტურნირის ორგანიზატორია ფოთის ტბის კლუბი, ხოლო პარტნიორი – საქართველოს წყალსათხილამურო ეროვნული ფედერაცია.შეჯიბრებები წყალსათხილამურო სპორტის სამ ძირითად დისციპლინაში იმართება: სლალომში, ფიგურულ სრიალსა და ტრამპლინიდან ხტომაში. ტურნირს ესწრებიან საერთაშორისო ფედერაციის წარმომადგენლები და საერთაშორისო კატეგორიის მსაჯები.მალთაყვის ოქროს ტბაზე საერთაშორისო სტანდარტების შესაბამისი ინფრასტრუქტურაა მოწყობილი. ტურნირისთვის საქართველოს სპორტის სამინისტრომ შეიძინა უახლესი მოდელის სპეციალური კატარღები Ski Nautique 2025.ტურნირის პირდაპირ ტრანსლაციას ახორციელებენ საერთაშორისო სპორტული მაუწყებელი TWBC Broadcast, რომელიც მსოფლიოს მასშტაბით მილიონობით მაყურებელს ფარავს, და საქართველოს პირველი არხი – სპორტი, რომელიც ამავდროულად ღონისძიების ოფიციალური მედია პარტნიორია.„ფოთი-პრო 2026“-ის გამარჯვებულები 21 ივლისს გამოვლინდებიან, ხოლო 24 ივლისიდან საქართველო წყალსათხილამურო სპორტში კიდევ ერთ მასშტაბურ საერთაშორისო ღონისძიებას – ევროპის ჩემპიონატს – უმასპინძლებს.აღსანიშნავია, რომ ევროპის ჩემპიონატი საქართველოში უკვე მეორედ გაიმართება, რაც კიდევ ერთხელ ადასტურებს ქვეყნის მზარდ მნიშვნელობას, როგორც საერთაშორისო წყალსათხილამურო სპორტის ერთ-ერთი მნიშვნელოვანი მასპინძლის.

სპორტი • 1784470685

90 წუთი, რომელმაც ისტორია შეცვალა - მუნდიალის ფინალები, რომელთა შემდეგ ფეხბურთი ძველებური აღარ ყოფილა

საფეხბურთო სამყაროს უდიდესი მოვლენა - მსოფლიო ჩემპიონატი, არაერთხელ გამხდარა ისტორიული გარდატეხების მომსწრე. თუმცა, არსებობს ფინალები, რომლებმაც შეცვალეს არა მხოლოდ კონკრეტული მატჩის ბედი, არამედ თავად ფეხბურთის განვითარების ვექტორი, ტაქტიკა, კულტურა და პოლიტიკური რეალობაც კი.1950 წელი (ურუგვაი - ბრაზილია 2:1)საფეხბურთო ტრაგედია, რომელმაც ერი შეცვალაკლასიკური გაგებით, ეს არ იყო ფინალი, არამედ ოთხგუნდა ფინალური ჯგუფის ბოლო მატჩი, თუმცა მას ფინალის სტატუსი ჰქონდა. ბრაზილიას, რომელიც ტურნირს მასპინძლობდა, ჩემპიონობისთვის ფრეც აწყობდა. რიო-დე-ჟანეიროს ახალაშენებულ, გიგანტურ "მარაკანას" სტადიონზე 200,000-მდე მაყურებელი შეიკრიბა. ქვეყანაში წინასწარ დაიბეჭდა საზეიმო გაზეთები, მომზადდა ოქროს მედლები და ქვეყანა დარწმუნებული იყო ტრიუმფში. როდესაც ბრაზილიამ ანგარიში გახსნა, სტადიონი აფეთქდა. თუმცა, ურუგვაელებმა წარმოუდგენელი ხასიათი გამოავლინეს. ანგარიში ჯერ სკიაფინომ გაათანაბრა, ხოლო 79-ე წუთზე ალსიდეს გიჯამ გამარჯვების გოლი გაიტანა. "მარაკანაზე" სამარისებური სიჩუმე ჩამოწვა.ამ მარცხმა ბრაზილიაში ეროვნული ფსიქოლოგიური ტრავმა გამოიწვია, რომელსაც სოციოლოგებმა "კომპლექსი" უწოდეს. სწორედ ამ ტრაგედიის შემდეგ, ბრაზილიის ნაკრებმა სამუდამოდ თქვა უარი თეთრ ფორმაზე და შექმნა დღეისთვის საკულტო ყვითელ-მწვანე იმიჯი. ამ მატჩმა აიძულა ბრაზილიელები, გადაეფასებინათ თავიანთი ფეხბურთი, რამაც საფუძველი ჩაუყარა 1958 წლის ტრიუმფს და პელეს ეპოქის დაბადებას.1954 წლის "ბერნის საოცრება" (დასავლეთ გერმანია - უნგრეთი 3:2)პოლიტიკური აღორძინება და ტაქტიკური რევოლუცია1950-იანი წლების დასაწყისში უნგრეთის "ოქროს გუნდი" დაუმარცხებელი იყო. მათ ფეხბურთში "ტოტალური ფეხბურთის" პირველი ელემენტები შემოიტანეს. ჯგუფურ ეტაპზე უნგრელებმა გერმანია 8:3 გაანადგურეს და ფინალშიც მე-8 წუთისთვის უკვე 2:0-ს იგებდნენ. ყველაფერი უნგრეთის ლოგიკური ჩემპიონობისკენ მიდიოდა. თუმცა, გერმანელებმა წარმოუდგენელი ფიზიკური მომზადების, დისციპლინისა და სტრატეგიის ხარჯზე ანგარიში გაათანაბრეს, ხოლო 84-ე წუთზე ჰელმუტ რანმა გამარჯვების გოლი გაიტანა.მეორე მსოფლიო ომის შემდეგ განადგურებული და მორალურად გატეხილი გერმანიისთვის ეს გამარჯვება ქვეყნის ხელახალი დაბადების სიმბოლოდ იქცა. გერმანელმა ისტორიკოსებმა მოგვიანებით განაცხადეს: "გერმანიის ფედერაციული რესპუბლიკა სწორედ ბერნში, 1954 წლის 4 ივლისს დაიბადა".სპორტული თვალსაზრისით, ამ მატჩმა დაამტკიცა, რომ ორგანიზებულ ტაქტიკასა და ათლეტიზმს გენიალური ინდივიდუალისტების დამარცხება შეუძლია. გარდა ამისა, გერმანიამ გამოიყენა კომპანია Adidas-ის ინოვაციური, შეცვლადი შიპებიანი ბუცები, რამაც წვიმიან ამინდში გადამწყვეტი უპირატესობა მისცათ.ეს იყო სპორტული ეკიპირების რევოლუციის დასაწყისი.2010 წლის 11 ივლისს, იოჰანესბურგის "სოკერ სიტი" სტადიონზე გამართული მსოფლიო ჩემპიონატის ფინალი ესპანეთსა და ნიდერლანდებს შორის, ფეხბურთის ისტორიაში შევიდა როგორც ერთ-ერთი ყველაზე უხეში, დაძაბული და ტაქტიკური დაპირისპირება. ეს მატჩი გახდა ახალი საფეხბურთო ეპოქის გვირგვინი.შეხვედრა გამოირჩეოდა წარმოუდგენელი აგრესიითა და უხეშობით, განსაკუთრებით ნიდერლანდელების მხრიდან, რომლებმაც გადაწყვიტეს ესპანური კომბინაციური სტილი ("ტიკი-ტაკა") ფიზიკური ზეწოლით ჩაეშალათ. მატჩის მთავარმა მსაჯმა, ჰოვარდ ვებნმა, რეკორდული რაოდენობის 14 ყვითელი და 1 წითელი ბარათი აჩვენა. ყველაზე დასამახსოვრებელი ეპიზოდი ნიგელ დე იონგის მიერ ხაბი ალონსოს მკერდში კარატეს სტილში უხეში ჩარტყმა იყო, რაც მხოლოდ ყვითელი ბარათით დაისაჯა.მატჩის ძირითადი დრო 0:0 დასრულდა, თუმცა ნიდერლანდებს ოქროს შანსი ჰქონდათ: არიენ რობენი მეკარესთან პირისპირ გავიდა, მაგრამ ესპანელთა კაპიტანმა, იკერ კასილიასმა, წარმოუდგენელი რეაქციით, ბურთს ფეხის წვერით მიმართულება შეუცვალა და გუნდი გადაარჩინა.116-ე წუთი და ანდრეს ინიესტას ოქროს გოლიმატჩი დამატებით დროში გადავიდა. 109-ე წუთზე ნიდერლანდელი მცველი ჯონი ჰეიტინგა მოედნიდან გააძევეს. 116-ე წუთზე კი ისტორიული მომენტი დადგა: სესკ ფაბრეგასის პასის შემდეგ, ბურთი საჯარიმოში ანდრეს ინიესტამ მიიღო და უძლიერესი დარტყმით მარტენ სტეკელენბურგის კარში გამარჯვების გოლი გაიტანა.ესპანეთის ნაკრებმა ისტორიაში პირველად მოიგო მსოფლიო ჩემპიონატი. ამ გამარჯვებით მათ დაასრულეს ეპოქალური ციკლი (ევრო 2008, მუნდიალი 2010, ევრო 2012) და დაამტკიცეს, რომ მოკლე პასებზე, ბურთის კონტროლსა და ინტელექტზე დამყარებულმა „ტიკი-ტაკამ“ სრულად შეცვალა მსოფლიო საფეხბურთო ფილოსოფია.2022 წლის "ყველა დროის საუკეთესო ფინალი“ (არგენტინა-საფრანგეთი 3:3, პენალტებით 4:2)დებატების დასასრული და ახალი გვირგვინიკატარში გამართული ფინალი ბევრის მიერ მიჩნეულია მსოფლიო ჩემპიონატების ისტორიაში საუკეთესო მატჩად. ლიონელ მესის არგენტინა 80-ე წუთამდე 2:0-ს იგებდა, თუმცა კილიან მბაპემ ორ წუთში დუბლი შეასრულა და თამაში ოვერტაიმში გადაიყვანა. დამატებით დროში მესიმ კვლავ დააწინაურა გუნდი, მაგრამ მბაპემ ჰეთ-თრიკი გააფორმა (3:3). პენალტების სერიაში კი არგენტინამ იმარჯვა.ამ ფინალმა წერტილი დაუსვა მრავალწლიან საფეხბურთო დებატებს იმის შესახებ, თუ ვინ არის ყველა დროის საუკეთესო ფეხბურთელი. ლიონელ მესიმ კარიერის უმთავრესი ტიტულის მოპოვებით დააბოლოვა თავისი ეპოქა. ამავდროულად, ეს მატჩი იყო სიმბოლური გვირგვინის გადაცემაც - კილიან მბაპეს წარმოუდგენელმა პერფორმანსმა აჩვენა, თუ ვინ იქნება მომავალი ათწლეულის მთავარი სახე. ტაქტიკურად და სანახაობრივად, ამ მატჩმა დაამტკიცა, რომ თანამედროვე ფეხბურთი, მიუხედავად უდიდესი ფიზიკური დატვირთვებისა, ინარჩუნებს უმაღლეს დრამატიზმს.