თამაზა

„სულხან თამაზაშვილის თანმიმდევრული პოლიტიკა და ქმედებები ნათლად ასახავს აჭარის მთავრობის პრიორიტეტებს, მის მიმართულებას“ - ილია ვერძაძე

აჭარის ავტონომიური რესპუბლიკის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავმჯდომარე - ილია ვერძაძე ამ დღეებში, ბათუმში, სოციალურ სახლებთან დაკავშირებით განვითარებულ მოვლენებს ეხმაურება.პოლიტიკოსის განცხადებით, აჭარის მთავრობის თავმჯდომარის, სულხან თამაზაშვილის გადაწყვეტილებით, შესაბამისი კომისია საცხოვრისის საჭიროების მქონე თითოეული მოქალაქის განცხადებას დეტალურად და ობიექტურად შეისწავლის, რის შემდეგაც მიიღება სათანადო გადაწყვეტილებები:„სულხან თამაზაშვილის თანმიმდევრული პოლიტიკა და ქმედებები ნათლად ასახავს აჭარის მთავრობის პრიორიტეტებს, მის მიმართულებას. ის სრულად ჯდება საქართველოს მთავრობის ზოგად პოლიტიკაში და ორიენტირებულია ხალხზე, ჩვენი მოსახლეობის რეალურ საჭიროებებზე. ავტონომიური რესპუბლიკის ბიუჯეტმა მილიარდიან ნიშნულს გადააჭარბა, აქცენტები კეთდება სოციალურ, ინფრასტრუქტურულ მიმართულებებზე და ამის დასტურია სოციალურ სახლებთან დაკავშირებით გაკეთებული განცხადებებიც. გადაწყვეტილება განპირობებულია იმ საჭიროებებით, რაც რეალურად გვაქვს აჭარაში,“ - აცხადებს ილია ვერძაძე.

პოლიტიკა • 1769172407

რევაზ სოხაძე და სულხან თამაზაშვილი აჭარაში მიმდინარე ინფრასტრუქტურულ პროექტებს ადგილზე გაეცნენ

რევაზ სოხაძე და სულხან თამაზაშვილი აჭარაში მიმდინარე ინფრასტრუქტურულ პროექტებს ადგილზე გაეცნენ.„დღეს აჭარის რეგიონში სხვადასხვა ინფრასტრუქტურული პროექტები დავათვალიერეთ. აქტიურად მიმდინარეობს როგორც საგანმანათლებლო დაწესებულებების, ისე საგზაო ინფრასტრუქტურის მშენებლობა.ასევე, გავეცანით იმ მნიშვნელოვან პროექტებს, რომელთა განხორციელება უახლოეს პერიოდში დაიწყება. მათ შორისაა ქობულეთის მულტიფუნქციური კომპლექსი. იგეგმება რაგბის სტადიონის მშენებლობა ხუცუბანში. როგორც უკვე იცით, საქართველოს პრემიერ-მინისტრის დავალებით, ყველა მუნიციპალიტეტში უნდა აშენდეს სპორტული და კულტურული დანიშნულების მულტიფუნქციური კომპლექსები. უახლოეს მომავალში დაიწყება სარფის გვირაბის მშენებლობაც, რომელიც რეგიონში ერთ-ერთ ყველაზე რთულ საინჟინრო პროექტს წარმოადგენს და რომლის მიმართაც საერთაშორისო კომპანიების მხრიდან მაღალი ინტერესი ფიქსირდება.საერთო ჯამში, ქვეყნის ყველა რეგიონში მრავალი მნიშვნელოვანი პროექტი გვაქვს დაგეგმილი, რაც ხელს შეუწყობს ინფრასტრუქტურის განვითარებას და ცხოვრების ხარისხის გაუმჯობესებას“-განაცხადა რევაზ სოხაძემ.საქართველოს ინფრასტრუქტურის მინისტრი რევაზ სოხაძე და აჭარის მთავრობის თავმჯდომარე სულხან თამაზაშვილი აჭარაში ინფრასტრუქტურული პროექტების მიმდინარეობას ადგილზე გაეცნენ.ქობულეთში მათ განიხილეს მუნიციპალური განვითარების ფონდის მიერ დაგეგმილი მრავალფუნქციური სპორტული კომპლექსისა და სოფელ ხუცუბანში ახალი რაგბის სტადიონის პროექტები და მშენებლობისთვის განსაზღვრული ტერიტორიები დაათვალიერეს. მრავალფუნქციური სპორტული კომპლექსის საპროექტო სამუშაოებს, რომლის დასრულება 2026 წლის ზაფხულშია დაგეგმილი, გამარჯვებული კომპანია „ბილდინგ ჰაუსი“ განახორციელებს. პროექტი 500 მაყურებელზე გათვლილ სპორტულ ინფრასტრუქტურას, საცურაო აუზებს, ფიტნეს და კულტურულ-შემეცნებით სივრცეებს მოიცავს. ხუცუბანში კი მოეწყობა 250 მაყურებელზე გათვლილი ახალი ხელოვნურსაფარიანი რაგბის მოედანი.პროექტების მონიტორინგის ფარგლებში, ბათუმში მათ დაათვალიერეს №26 და №3 საბავშვო ბაღების რეაბილიტაციის პროექტები და ხელვაჩაურის მუნიციპალიტეტის სოფელ ფერიაში დასრულებული საბავშვო ბაღი. სახელმწიფო დაფინანსებით, ბაღები სრულად მოეწყობა თანამედროვე სტანდარტების გათვალისწინებით და იქნება სპეციალური საჭიროებების მქონე პირებისთვის ადაპტირებული.ინფრასტრუქტურის სამინისტროს მუნიციპალური განვითარების ფონდი ბათუმში №5 საჯარო სკოლის რეაბილიტაციას ახორციელებს. 810 მოსწავლეზე გათვლილ სკოლას რეაბილიტაცია საერთაშორისო სტანდარტების შესაბამისად ჩაუტარდება.ურბანული განახლების პროექტების ფარგლებში, სახელმწიფო დაფინანსებით, ბათუმის ი. აბაშიძის, მ. აბაშიძის, ახმეტელის, ბარათაშვილის, გოგებაშვილის, ჟორდანიასა და ფარნავაზის ქუჩებზე მიმდინარეობს შენობების, საფეხმავლო და საავტომობილო გზების განახლება.ინფრასტრუქტურის მინისტრი და აჭარის მთავრობის თავმჯდომარე იმყოფებოდნენ ბათუმი–სარფის მაგისტრალური გზის მშენებლობისთვის განსაზღვრულ მონაკვეთებზეც. აზიის განვითარების ბანკის (ADB) სესხისა და სახელმწიფო ბიუჯეტის თანადაფინანსებით აშენდება 11 კილომეტრიანი ჩქაროსნული გზა, რომელიც მოიცავს 7.6 კმ-იან გვირაბსა და 1.47 კმ-იან ხიდს მდინარე ჭოროხზე. პროექტის შედეგად, ხელვაჩაურიდან სარფამდე გადაადგილების დრო 25–30 წუთით შემცირდება.ადგილზე იმყოფებოდნენ ასევე აჭარის ეკონომიკის მინისტრი, ინფრასტრუქტურის მინისტრის მოადგილეები, მუნიციპალური განვითარების ფონდისა და საავტომობილო გზების დეპარტამენტის ხელმძღვანელები, ბათუმის მუნიციპალიტეტის მერი.

პოლიტიკა • 1769171569

„ახალი სპორტული ინფრასტრუქტურა ხელს შეუწყობს რეგიონში ჯანსაღი ცხოვრების წესის პოპულარიზაციას და მუნიციპალიტეტში სპორტის განვითარებისთვის ახალ შესაძლებლობებს შექმნის” - სულხან თამაზაშვილი

,,ახალი სპორტული ინფრასტრუქტურა ხელს შეუწყობს რეგიონში ჯანსაღი ცხოვრების წესის პოპულარიზაციას და მუნიციპალიტეტში სპორტის განვითარებისთვის ახალ შესაძლებლობებს შექმნის” - განაცხადა სულხან თამაზაშვილმა მუნიციპალური განვითარების ფონდის მიერ აჭარაში დაგეგმილი სპორტული ინფრასტრუქტურის გაცნობისასაჭარის მთავრობის თავმჯდომარე სულხან თამაზაშვილი, საქართველოს ინფრასტრუქტურის მინისტრთან რევაზ სოხაძესთან ერთად, მუნიციპალური განვითარების ფონდის მიერ აჭარაში დაგეგმილ სპორტულ ინფრასტრუქტურულ პროექტებს გაეცნო.ქობულეთის მუნიციპალიტეტში დაგეგმილია მრავალფუნქციური სპორტული კომპლექსისა და რაგბის ახალი სტადიონის მშენებლობა. სულხან თამაზაშვილმა და რევაზ სოხაძემ მშენებლობისთვის განსაზღვრული ტერიტორიები დაათვალიერეს.აჭარის მთავრობის თავმჯდომარემ აღნიშნა, რომ ახალი სპორტული ინფრასტრუქტურა ხელს შეუწყობს რეგიონში ჯანსაღი ცხოვრების წესის პოპულარიზაციას, ახალგაზრდების სპორტულ აქტივობებში ჩართულობის გაზრდას და მუნიციპალიტეტში სპორტის განვითარებისთვის ახალ შესაძლებლობებს შექმნის.მრავალფუნქციური სპორტული კომპლექსის საპროექტო სამუშაოები ინტენსიურ რეჟიმში მიმდინარეობს. პროექტი მოიცავს 500 მაყურებელზე გათვლილ სპორტულ ინფრასტრუქტურას, საცურაო აუზებს, ფიტნესისა და კულტურულ-შემეცნებითი დანიშნულების სივრცეებს.ასევე, ქობულეთის მუნიციპალიტეტის სოფელ ხუცუბანში რაგბის მოედანი მოეწყობა. პროექტის ფარგლებში განხორციელდება არსებული რაგბის მოედნის ამორტიზებული ინფრასტრუქტურის დემონტაჟი. მის ნაცვლად ახალი, 250 მაყურებელზე გათვლილი, ხელოვნურსაფარიანი მოედანი მოეწყობა თანმდევი ინფრასტრუქტურით. აშენდება 450 კვ.მ ფართობის ადმინისტრაციული შენობა, სადაც განთავსდება გასახდელები, სველი წერტილები, საშხაპეები, მსაჯების, მწვრთნელებისა და ექიმების ოთახები და სხვა დამხმარე სივრცეები.ადგილზე იმყოფებოდნენ აჭარის ფინანსთა და ეკონომიკის მინისტრი ედნარ ნატარიძე, ინფრასტრუქტურის მინისტრის მოადგილე მზია გიორგობიანი, მუნიციპალური განვითარების ფონდის აღმასრულებელი დირექტორი ბექა ურუშაძე, ქობულეთის მუნიციპალიტეტის მერი ირაკლი ცეცხლაძე.

რეგიონი • 1768402140

სულხან თამაზაშვილი ბათუმის წმინდა ეკატერინეს სახელობის სათნოების სავანის ბენეფიციარებისთვის გამართულ საახალწლო კონცერტს დაესწრო

ბათუმის წმინდა ეკატერინეს სახელობის სათნოების სავანის ბენეფიციარებისთვის, წმინდა მატათა მოციქულის სახელობის გიმნაზიის აღსაზრდელებმა საახალწლო კონცერტი გამართეს.ღონისძიებას აჭარის მთავრობის თავმჯდომარე სულხან თამაზაშვილი ბათუმისა და ლაზეთის მიტროპოლიტ დიმიტრისთან ერთად დაესწრო.სულხან თამაზაშვილმა ღონისძიების მონაწილეებსა და ორგანიზატორებს შობა-ახალი წელი მიულოცა და აღნიშნა, რომ მსგავსი ინიციატივები მნიშვნელოვანია ბავშვებში სოლიდარობის განცდისა და თანაგრძნობის უნარის ჩამოყალიბებისთვის. მისივე თქმით, ბათუმისა და ლაზეთის მიტროპოლიტ დიმიტრისთან ერთად, ჩაერთვება ძალიან მნიშვნელოვანი პროექტის განხორციელებაში, რაც სათნოების სავანის გაფართოებასა და ბენეფიციარებისთვის საცხოვრებელი გარემოს გაუმჯობესებას გულისხმობს.კონცერტს მთავრობის თავმჯდომარის მეუღლე თამარ ნარიმანიძე, ქალაქ ბათუმის მერი გიორგი ცინცაძე და აჭარის მთავრობის წარმომადგენლები ესწრებოდნენ. ღონისძიების ფარგლებში, პატარებმა მრავალფეროვანი მუსიკალური და შემოქმედებითი ნომრები წარადგინეს.მთავრობის თავმჯდომარე ასევე, წმინდა პანტელეიმონ მკურნალის სახელობის საბავშვო ბაღს ეწვია და აღსაზრდელებსა და პედაგოგებს ახალი წელი მიულოცა.

პოლიტიკა • 1767790045

აჭარის მთავრობის თავმჯდომარემ ალილოს მონაწილეებს შობის დღესასწაული მიულოცა

შობის დღესასწაულთან დაკავშირებით, ბათუმში ალილოს ტრადიციული მსვლელობა გაიმართა.აჭარის მთავრობის თავმჯდომარემ, სულხან თამაზაშვილმა, ოჯახთან ერთად, ალილოს მსვლელობის მონაწილეებს ქრისტეს შობა მიულოცა და საშობაო ნობათები გადასცა.მსვლელობას აჭარის მთავრობის წევრებიც შეუერთდნენ და მონაწილეებს საშობაო ნობათები გადასცეს.შობის მახარობლების მსვლელობა, აჭარის რეგიონის სხვა მუნიციპალიტეტებშიც გაიმართა.

პოლიტიკა • 1767789766

აჭარის მთავრობის თავმჯდომარემ ,,ალილოს“ მსვლელობის მონაწილეებს შობის დღესასწაული მიულოცა

შობის დღესასწაულთან დაკავშირებით, ბათუმში ,,ალილოს” ტრადიციული მსვლელობა გაიმართა.აჭარის მთავრობის თავმჯდომარემ, სულხან თამაზაშვილმა, ოჯახთან ერთად, ,,ალილოს“ მსვლელობის მონაწილეებს ქრისტეს შობა მიულოცა და საშობაო ნობათები გადასცა.მსვლელობას აჭარის მთავრობის წევრებიც შეუერთდნენ და მონაწილეებს საშობაო ნობათები გადასცეს.შობის მახარობლების მსვლელობა, აჭარის რეგიონის სხვა მუნიციპალიტეტებშიც გაიმართა.

პოლიტიკა • 1767776144

სულხან თამაზაშვილი სოფელ გვარას ივერიის ღვთისმშობლის სახელობის ტაძარში საშობაო ლიტურგიას დაესწრო

აჭარის მთავრობის თავმჯდომარე სულხან თამაზაშვილი, ქობულეთში, სოფელ გვარას ივერიის ღვთისმშობლის სახელობის ტაძარში საშობაო ლიტურგიას ოჯახთან ერთად დაესწრო.საზეიმო წირვის დაწყებამდე აჭარის მთავრობის თავმჯდომარე ბათუმისა და ლაზეთის მიტროპოლიტს მეუფე დიმიტრის შეხვდა. შეხვედრისას სულხან თამაზაშვილმა ყველა მართლმადიდებელ ქრისტიანს, ასევე, მეუფეს და სამღვდელოებას ქრისტეს შობის დღესასწაული მიულოცა.საშობაო ლიტურგიას აჭარის მთავრობისა და ადგილობრივი თვითმმართველობის წარმომადგენლები და საქართველოს პარლამენტის წევრები ესწრებოდნენ.

საზოგადოება • 1767701900

აჭარის მთავრობის თავმჯდომარემ სომეხ ხალხს შობისა და ნათლისღების დღესასწაული მიულოცა

სომხური სამოციქულო ეკლესია დღეს შობისა და ნათლისღების ბრწყინვალე დღესასწაულს აღნიშნავს.აჭარის მთავრობის თავმჯდომარე სულხან თამაზაშვილი ბათუმის სომხურ სამოციქულო ეკლესიაში სადღესასწაულო წირვას დაესწრო. სულხან თამაზაშვილმა სომეხ ხალხს დღესასწაული მიულოცა და მშვიდობა და ჯანმრთელობა უსურვა."ეს წმინდა დღეები გვახსენებს სიყვარულს, სიკეთესა და ერთმანეთისადმი პატივისცემის მნიშვნელობას. სომეხ და ქართველ ხალხს მრავალსაუკუნოვანი მეგობრობა და ურთიერთპატივისცემა გვაკავშირებს. ეს ურთიერთობა მტკიცეა და მჯერა, რომ მომავალშიც გაგრძელდება. კიდევ ერთხელ გილოცავთ! მშვიდობა და კეთილდღეობა ჩვენს ქვეყნებსა და ოჯახებს“, – განაცხადა მთავრობის თავმჯდომარემ.დღესასწაულთან დაკავშირებით გამართულ საზეიმო წირვას აჭარის მთავრობის წარმომადგენლები, ბათუმის მერი, გიორგი ცინცაძე და ბათუმის საკრებულოს წევრები ესწრებოდნენ.

პოლიტიკა • 1767077901

მნიშვნელოვანია გაგრძელდეს სამთო ტურიზმის განვითარება და რეგიონი გახდეს ოთხი სეზონის ტურისტული ცენტრი - სულხან თამაზაშვილი

,,ტურიზმი, მოგეხსენებათ აჭარისთვის არის განსაკუთრებული პრიორიტეტი. ძალიან ნაყოფიერი იყო 2025 წელი, გვქონდა მნიშვნელოვანი აღიარება - მსოფლიო ტურიზმის დაჯილდოებაზე ბათუმი ოთხი სეზონის წამყვან ტურისტულ მიმართულებად დასახელდა და ეს იყო მოტივაცია სექტორისთვის“ - განაცხადა აჭარის მთავრობის თავმჯდომარემ სულხან თამაზაშვილმა გადაცემაში ,,თავისუფალი სივრცე“.მისივე თქმით, მნიშვნელოვანია გაგრძელდეს სამთო ტურიზმის განვითარება და რეგიონი გახდეს ოთხი სეზონის ტურისტული ცენტრი.,,მნიშვნელოვანია, რომ ძალიან აქტიურად ვითარდება სამთო-სათხილამურო კურორტი გოდერძი, რაც ათეულობით წლის წინ წარმოუდგენელი იყო. ამ დიდ მიღწევას უნდა ბოლომდე მიყვანა და ხელშეწყობა, რისთვისაც ყველაფერს ვაკეთებთ, ამაზე მეტყველებს, თუნდაც საგზაო ინფრასტრუქტურის მიმართულებით მიმდინარე პროექტები. რთული მეტეოროლოგიური პირობების გამო დარჩენილია უმნიშვნელო მონაკვეთი. ასევე, საქართველოს ეკონომიკის სამინისტროსთან თანამშრომლობით დაგეგმილი გვაქვს დამატებითი საბაგიროს მოწყობა, რაც ძალიან მნიშვნელოვანია კურორტის განვითარებისთვის. ეს ყველაფერი კი მისცემს რეგიონს საშუალებას, რომ გახდეს ოთხი სეზონის ტურისტული ცენტრი,“ - განაცხადა აჭარის მთავრობის თავმჯდომარემ.

პოლიტიკა • 1767038520

„ტურიზმი, მოგეხსენებათ აჭარისთვის არის განსაკუთრებული პრიორიტეტი. ძალიან ნაყოფიერი იყო 2025 წელი, გვქონდა მნიშვნელოვანი აღიარება - მსოფლიო ტურიზმის დაჯილდოებაზე ბათუმი ოთხი სეზონის წამყვან ტურისტულ მიმართულებად დასახელდა და ეს იყო მოტივაცია სექტორისთვის“, - განაცხადა აჭარის მთავრობის თავმჯდომარემ სულხან თამაზაშვილმა გადაცემაში „თავისუფალი სივრცე“.მისივე თქმით, მნიშვნელოვანია გაგრძელდეს სამთო ტურიზმის განვითარება და რეგიონი გახდეს ოთხი სეზონის ტურისტული ცენტრი.„მნიშვნელოვანია, რომ ძალიან აქტიურად ვითარდება სამთო-სათხილამურო კურორტი გოდერძი, რაც ათეულობით წლის წინ წარმოუდგენელი იყო. ამ დიდ მიღწევას უნდა ბოლომდე მიყვანა და ხელშეწყობა, რისთვისაც ყველაფერს ვაკეთებთ, ამაზე მეტყველებს, თუნდაც საგზაო ინფრასტრუქტურის მიმართულებით მიმდინარე პროექტები. რთული მეტეოროლოგიური პირობების გამო დარჩენილია უმნიშვნელო მონაკვეთი. ასევე, საქართველოს ეკონომიკის სამინისტროსთან თანამშრომლობით დაგეგმილი გვაქვს დამატებითი საბაგიროს მოწყობა, რაც ძალიან მნიშვნელოვანია კურორტის განვითარებისთვის. ეს ყველაფერი კი მისცემს რეგიონს საშუალებას, რომ გახდეს ოთხი სეზონის ტურისტული ცენტრი,“ - განაცხადა აჭარის მთავრობის თავმჯდომარემ.

პოლიტიკა • 1767035212

სულხან თამაზაშვილი: ხელისუფლების პოლიტიკა ემსახურება სწორედ ქვეყნის ინტერესებს და არ არსებობს გარე ძალა, რომელიც შეგვაცვლევინებს მთავარ მიზანს, რასაც ჰქვია ქვეყანაში მშვიდობისა და სტაბილურობის შენარჩუნება

მთელი წლის განმავლობაში გვესმოდა განცხადებები, კრიტიკა, არაგულწრფელი დამოკიდებულება ევრობიუროკრატიის მხრიდან, თუმცა უნდა ითქვას მთავარი, რომ ქართველი ხალხის არჩევანი არის მშვიდობა და სტაბილურობა. ხელისუფლების პოლიტიკა ემსახურება სწორედ ქვეყნის ინტერესებს, ქართველი ხალხის ინტერესებს და არ არსებობს გარე ძალა, მით უმეტეს შიდა პოლიტიკური ზეწოლის მცდელობა, რომელიც შეგვაცვლევინებს ამ მთავარ მიზანს, რასაც ჰქვია, ქვეყანაში მშვიდობის და სტაბილურობის შენარჩუნება, - განაცხადა აჭარის მთავრობის თავმჯდომარემ, სულხან თამაზაშვილმა გადაცემაში ,,თავისუფალი სივრცე“.სულხან თამაზაშვილმა, ასევე, ისაუბრა სანქციებზე და აღნიშნა, რომ სანქციები გლობალური პოლიტიკის ჩვეულ ინსტრუმენტად იქცა.,,სანქციები უკვე გლობალური პოლიტიკის ჩვეულ ინსტრუმენტად იქცა და თითქმის არასოდეს არ ემყარება ობიექტურ სამართლებრივ შეფასებას. სანქცია არ უნდა იყოს პოლიტიკური ინსტრუმენტი, ადამიანებზე, მით უმეტეს პარტნიორებზე ზეწოლისთვის. არ აქვს ჩემთვის, პირადად, მნიშვნელობა სულხან თამაზაშვილი სანქცირებული იქნება თუ არა. ჩემთვის მთავარი ის პასუხისმგებლობაა, რაც მაქვს ჩემი მოქალაქეების წინაშე და რა თქმა უნდა, ჩემს გუნდთან ერთად გავაგრძელებ ამ პრინციპებით სვლას და ყველაფერს გავაკეთებთ, რომ ქვეყანაში შევინარჩუნოთ მშვიდობა, სტაბილურობა და მეტი კეთილდღეობა მოვუტანოთ ჩვენს მოქალაქეებს“, - აღნიშნა მთავრობის თავმჯდომარემ.სულხან თამაზაშვილმა 4 ოქტომბრის მოვლენების შეფასებისას განაცხადა, რომ როცა აქცია, მანიფესტაცია გადადის არეულობისა და ქაოსის ზღვარზე, სახელმწიფოს აქვს ვალდებულება მოახდინოს მყისიერი რეაგირება და აღადგინოს საზოგადოებრივი, კონსტიტუციური წესრიგი.,,მთელი წლის განმავლობაში ვხედავდით, თუ როგორ ცდილობდნენ პოლიტიკური პროცესები გადაეტანათ ქუჩაში, ხელოვნურად ყოფილიყო საზოგადოებაში შიში, ქაოსი. თუმცა მეორეს მხრივ არ უნდა დაგვავიწყდეს, რომ როცა აქცია, მანიფესტაცია გადადის არეულობისა და ქაოსის ზღვარზე, სახელმწიფოს აქვს ვალდებულება მიიღოს მყისიერი რეაგირება და აღადგინოს საზოგადოებრივი და კონსტიტუციური წესრიგი. რა თქმა უნდა, არც ერთი დაკავების საფუძველი არ იყო თავისუფალი აზრის გამოხატვა ან პოლიტიკური მრწამსი, დაკავებებს ყოველთვის უძღვის წინ დანაშაულებრივი ქმედება და შესაბამისად ამ ფარგლებში მოქმედებს სახელმწიფო“, - განაცხადა სულხან თამაზაშვილმა.

პოლიტიკა • 1766734821

სულხან თამაზაშვილი: სახელმწიფოსა და კერძო სექტორის თანამშრომლობით, აჭარის ავტონომიური რესპუბლიკა წარმატებით პოზიციონირებს მსოფლიო ტურისტულ რუკაზე

ბათუმში, აჭარის ტურიზმის დაჯილდოების ცერემონია - „მაგნოლია 2025“ გაიმართა. დაჯილდოების ფარგლებში, წლის საუკეთესო ტურისტული სერვისის მიმწოდებლები გამოვლინდნენ. ინფორმაციას აჭარის მთავრობა ავრცელებს.ღონისძიებას აჭარის მთავრობის თავმჯდომარე სულხან თამაზაშვილი დაესწრო. სიტყვით გამოსვლისას, მთავრობის თავმჯდომარემ აღნიშნა, რომ სახელმწიფოსა და კერძო სექტორის მჭიდრო თანამშრომლობით, აჭარის ავტონომიური რესპუბლიკა წარმატებით პოზიციონირებს მსოფლიო ტურისტულ რუკაზე.,,აჭარის ტურიზმის დაჯილდოების ცერემონია არის ხარისხის, პროფესიონალიზმისა და ტურიზმის სფეროში მიღწეული წარმატებების სიმბოლო. აღსანიშნავია, რომ აჭარის ავტონომიური რესპუბლიკა წარმატებით პოზიციონირებს ტურიზმის მსოფლიო რუკაზე. ეს შედეგი მიღწეულია სახელმწიფოსა და კერძო სექტორის მჭიდრო თანამშრომლობით. სწორედ, თქვენ ხართ ის ადამიანები, ვინც ყოველდღიური შრომით ჩვენს რეგიონს სტუმრებისთვის გამორჩეულს ხდის. მინდა მადლობა გადავუხადო აჭარის ტურიზმისა და კურორტების დეპარტამენტს ამ მნიშვნელოვანი ღონისძიებისთვის, ხოლო თითოეულ მონაწილეს - ხარისხზე და სტუმართმოყვარეობაზე ორიენტირებული საქმიანობისთვის. დარწმუნებული ვარ, ერთობლივი და მიზანმიმართული შრომით ჩვენ არა მხოლოდ გავაძლიერებთ რეგიონის ტურისტულ პოტენციალს, არამედ ტურიზმს ვაქცევთ ეკონომიკური ზრდის ერთ-ერთ მთავარ მამოძრავებელ ძალად, რაც პირდაპირ აისახება დასაქმებაზე, კეთილდღეობასა და ჩვენი ქვეყნის საერთაშორისო პოზიციონირებაზე“, - განაცხადა სულხან თამაზაშვილმა.ღონისძიების ფარგლებში, ჯამში 10 ნომინაციაში ტურისტების, მომხმარებლებისა და ტურიზმის სექტორის მხრიდან ყველაზე მაღალი ნდობის და შეფასების მქონე განთავსებისა და კვების ობიექტები, გიდები და ტურისტული სააგენტოები გამოვლინდნენ. ასევე, გაიმართა საპატიო ტურიზმელების დაჯილდოება და ტურიზმის განვითარებასა და პოპულარიზაციაში შეტანილი განსაკუთრებული წვლილისთვის მადლობის სიგელების გადაცემა.,,მაგნოლია 2025” აჭარის ტურიზმის და კურორტების დეპარტამენტის ორგანიზებით გაიმართა. ღონისძიების მიზანი ტურისტული სექტორის წახალისება და რეგიონში მომსახურების ხარისხის გაუმჯობესებაა.დაჯილდოების ცერემონიას აჭარის მინისტრთა კაბინეტის და მთავრობის წევრები, ასევე, ტურისტული სექტორის წარმომადგენლები ესწრებოდნენ.