საზოგადოება • 1773942567

„ჩემს ცხოვრებაში ღვთისმშობელმა თავის ნაცვლად პატრიარქი გამოაგზავნა... მას რომ შევხვდი, ველოდებოდი ღმერთის პასუხს...“ - დეკანოზი ლუკა სუპატაშვილი პატრიარქზე

დიდ დიღომში მდებარე, ასი ათასი მოწამის სახელობის ტაძრის წინამძღვარი, დეკანოზი ლუკა სუპატაშვილი იხსენებს შეხვედრას სრულიად საქართველოს კათოლიკოს-პატრიარქთან, რომელმაც მისი ცხოვრების მიმართულება რადიკალურად შეცვალა. (ვიდეო ჩაწერილია გასული წლის დეკემბერში)„პატრიარქმა რომ დიაკვნად მაკურთხა ახალგაზრდა ვიყავი, ენერგიით სავსე, სპორტული მომზადებაც კარგი მქონდა. პატრიარქი იყო ხნიერი. მიუხედავად ამისა, ჩვენ გვღლიდა ახალგაზრდებს. იყო დღეები, როცა მასთან ერთად ვყოფილვართ. თვითონ არასდროს იღლებოდა. ჩვენ კიდევ ფეხზე ძლივს ვიდექით... 

საზოგადოება • 1773344830

„ენერგო-პრო ჯორჯია“ აბონენტებს აფრთხილებს

გეგმური სარეაბილიტაციო სამუშაოების გამო, „ენერგო-პრო ჯორჯიას“ ქსელში არსებული აბონენტების ნაწილს ელექტროენერგიის მიწოდება შეეზღუდება.კომპანიის ცნობით, გამანაწილებელ ქსელში დაგეგმილი სარეაბილიტაციო სამუშაოების გამო, 13 მარტს, 10:00-დან 18:00 საათამდე ენერგომომარაგება შეეზღუდებათ აბონენტებს თიანეთის მუნიციპალიტეტის სოფლებში: ალოტი, ჩეკურაანთგორი, ევჟენტი, ბოკონი. 15:00-დან 18:30 საათამდე - აბონენტებს სოფლებში: ღულელები, თრანი, გუდანელები, ხევსურთსოფელი, ბოჭორმა და მიმდებარე სოფლებში.„11:00-დან 18:00 საათამდე ელექტროენერგიის მიწოდება დროებით შეუწყდებათ მომხმარებლებს სოფელ დიღომში - რუსთაველის, ყაზბეგის, ჩარგალეთის, ფიროსმანის, ანდრონიკაშვილის, იოაკიმე და ანას და მიმდებარე ქუჩებზე, ქედის ბოლოს.11:00-დან 19:00 საათამდე დენი შეეზღუდებათ აბონენტებს დუშეთის მუნიციპალიტეტის სოფლებში: ახალი ტონჩა, მილახვრიანი, არღუნი. 12:00-დან 19:00 საათამდე - სოფლებს: ლუთხუბი, ზანდუკი, ფახვიჯი, საჩალისჭალა და მიმდებარე სოფლებს, ასევე აბონენტებს დაბა ფასანაურში.11:00-დან 13:30 საათამდე ძაბვა გაეთიშებათ აბონენტებს სოფლებში: ვარდისუბანი, გორისციხე, ტყარშეტი. 13:00-დან 15:00 საათამდე - აბონენტებს სოფლებში: ფხელშე, გორისციხე, სტეფანწმინდაში.12:00-დან 16:00 საათამდე ელექტროენერგია დროებით გაეთიშებათ აბონენტებს მცხეთის მუნიციპალიტეტის სოფლებში: არაშენდა, შანკევანი, საგურამო, გალავანი, ნავდარაანთკარი, ძალისი, ბიწმენდი, სასახლკარე. 16:00-დან 18:00 საათამდე - აბონენტებს წიწამურისა და საგურამოს ტერიტორიაზე.სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება“, - აღნიშნულია ინფორმაციაში.

საზოგადოება • 1773159100

„ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება

ქსელის გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. კომპანიის ცნობით, გამანაწილებელ ქსელში დაგეგმილი სარეაბილიტაციო სამუშაოების გამო 11 მარტს, 10:00-დან 10:45 საათამდე ენერგომომარაგება შეეზღუდებათ აბონენტებს მცხეთის მუნიციპალიტეტის სოფლებში: მისაქციელი, ახალუბანი, ნაოზა, აღდგომლიანთკარი, ნატახტარი, ნავაზი, ნავაზარი, სელექცია, წილკანი. 11:00-იდან 17:00 საათამდე - აბონენტებს საგურამოში, გაზის დასახლებაში, წიწამურში, ახალსოფელში. 13:00-იდან 15:00 საათამდე - აბონენტებს ქ.მცხეთაში გიორგობიანის, აღმაშენებლის, არმაზის ქუჩებზე, სოფლებში ძეგვი, ძველი ქანდა, არმაზი, ნიჩბისი, ციხედიდის და შიომღვიმის ტერიტორიაზე. 13:00-იდან 13:10 საათამდე - აბონენტებს სოფლებში: ძეგვი, ხეკორძი, ქსანი, სასხორი, ნიჩბისი. 16:10-იდან 18:00 საათამდე - აბონენტებს სოფლებში: საგურამო, ახალსოფელი, არაშენდა, გალავანი, ბიწმენდი და მიმდებარე სოფლებში.11:00-იდან 18:30 საათამდე ელექტროენერგიის მიწოდება დროებით შეუწყდებათ მომხმარებლებს ზაჰესში მშვიდობის, ავჭალის, ანდრონიკაშვილის, სვიმონ შოთაძის, აფხაიძის, ბელთაძის, ენერგეტიკოსების ქუჩებზე.13:30-იდან 15:00 საათამდე ძაბვა გაეთიშებათ აბონენტებს ყაზბეგის რაიონის სოფელ სნოში.15:00-იდან 18:00 საათამდე დენი შეეზღუდებათ აბონენტებს სოფელი დიღომში შერმადინის, ნურადინ-ფრიდონის, ხატაეთის, ჯანიაშვილის, თინათინის, ტარიელის ქუჩებზე, ქედის ბოლოს.სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება“, - ნათქვამია ინფორმაციაში.

საზოგადოება • 1772685365

დიდ დიღომში მდებარე საამქროში გაჩენილი ხანძრის შედეგად, დაახლოებით 2500 კვადრატული მეტრი ფართობი დაიწვა

 ხანძარი დიდ დიღომში. ხელაშვილის ქუჩაზე მდებარე საამქროს ცეცხლი გვიან ღამით წაეკიდა. დაიწვა დაახლოებით 2500 კვადრატული მეტრი ფართობი. ადგილზე მობილიზებული იყო სახანძრო-სამაშველოს რამდენიმე ეკიპაჟი. ხანძრის შედეგად არავინ დაშავებულა.საგანგებო სიტუაციების მართვის სამსახურის უფროსის, თეიმურაზ მღებრიშვილის განცხადებით, ცეცხლის გაჩენის მიზეზი ჯერ-ჯერობით უცნობია."დაიწვა დაახლოებით 2500 კვადრატული მეტრი საამქროს ტერიტორია. საბედნიეროდ, დაშავებული არავინ არის, მობილიზებულია 21 სახანძრო ავტო სპეცტექნიკა. მიზეზები მოგვიანებით იქნება ცნობილი", - განაცხადა თეიმურაზ მღებრიშვილმა.

შემთხვევა • 1772658541

დაახლოებით 2500 კვადრატული მეტრი ფართი დაიწვა - თეიმურაზ მღებრიშვილი დიდ დიღომში გაჩენილ ხანძარზე

საგანგებო სიტუაციების მართვის სამსახურის უფროსის, თეიმურაზ მღებრიშვილის ინფორმაციით, დიდი დიღმის დასახლებაში მდებარე ერთ-ერთ სასაწყობე შენობაში დაიწვა დაახლოებით 2500 კვადრატული მეტრი ფართი.მისივე თქმით, ხანძრის შედეგად არავინ დაშავებულა.„ამ დროისთვის შემიძლია, დაგიდასტუროთ, რომ ხანძარი ლიკვიდირებულია. დაიწვა საამქროს დაახლოებით 2500 კვადრატული მეტრი ტერიტორია. საბედნიეროდ დაშავებული არავინ არაა. მობილიზებულია 21 ავტო სპეციალური ტექნიკა. მიზეზებზე ვერაფერს მოგახსენებთ, მოგვიანებით გახდება ცნობილი“, – განაცხადა მღებრიშვილმა.

შემთხვევა • 1772655216

დიდ დიღომში ხანძარი ლიკვიდირებულია

თბილისში, დიდი დიღმის დასახლებაში მდებარე ერთ-ერთ სასაწყობე შენობაში გაჩენილი ხანძარი ლიკვიდირებულია, - ამის შესახებ ინფორმაციას საგანგებო სიტუაციების მართვის სამსახური ავრცელებს.მათივე ცნობით, შემთხვევის შედეგად არავინ დაშავებულა.„შეტყობინების მიღებიდან უმოკლეს დროში გამოცხადდნენ საგანგებო სიტუაციების მართვის სამსახურის მეხანძრე-მაშველები და დაიწყეს ხანძრის ქრობის აქტიური სამუშაოები. პირველი მორეაგირე ჯგუფების გადმოცემით, ცეცხლი გავრცელებული იყო სასაწყობე ტერიტორიაზე. მეხანძრე-მაშველებმა დროულად მოახერხეს ხანძრის გავრცელების საფრთხის მოხსნა. ამ დროისთვის ხანძარი ლიკვიდირებულია და მიმდინარეობს ცალკეული მხრჩოლავი კერების დამუშავება.ადგილზე მუშაობდა საგანგებო სიტუაციების მართვის სამსახურის 21 ერთეული სახანძრო-სამაშველო სპეცტექნიკა“, - ნათქვამია ინფორმაციაში.

შემთხვევა • 1772651050

ხანძარი დიდ დიღომში - რა ვითარებაა ამ წუთებში ადგილზე

ამ წუთებში, თბილისში, დიდ დიღომში ძლიერი ხანძარია. როგორც „პრაიმტაიმს“ საგანგებო სიტუაციების მართვის სამსახურში განუცხადეს, ცეცხლი სასაწყობე ფართს უკიდია.ადგილზე იმყოფებიან მეხანძრე მაშველები. მიმდინარეობს ხანძრის სალიკვიდაციო სამუშაოები.„პრაიმტაიმი“ დამატებით დეტალებს არკვევს.სოციალურ ქსელში ხანძრის ამსახველი კადრები ვრცელდება. 

შემთხვევა • 1772649900

დიდ დიღომში ძლიერი ხანძარია

თბილისში, დიდ დიღომში ძლიერი ხანძარია. ცეცხლი, მიხა ხელაშვილის ქუჩაზე, სასაწყობე ფართს უკიდია.როგორც „პრაიმტაიმს“ საგანგებო სიტუაციების მართვის სამსახურში განუცხადეს, ადგილზე იმყოფებიან მეხანძრე მაშველები. მიმდინარეობს ხანძრის სალიკვიდაციო სამუშაოები. დამატებითი დეტალები ამ დროისთვის უცნობია. 

საზოგადოება • 1772458015

წყალი 10 საათით შეწყდება - გადაამოწმეთ თქვენი მისამართები

„ჯორჯიან უოთერ ენდ ფაუერი“ წყალმომარაგების შეზღუდვასთან დაკავშირებით ინფორმაციას ავრცელებს და მოსახლეობას აფრთხილებს.კომპანიის ცნობით, საბურთალოს რაიონში, ხატაეთის ქ. N60-თან წყალმომარაგების ქსელზე აუცილებელი ტექნიკური სამუშაოები ჩატარდება.სამუშაოების მიმდინარეობისას 23:00 დან 3 მარტის დილის 09:00 საათამდე წყალმომარაგება შეუწყდება: სოფ. დიღომში: შერმადინის N 38-190 (ლუწებს), N 33- 197 (კენტებს), ავთანდილის N 33,35,37,39,58,60,62, ხატაეთის N 40-80 (ლუწებს), N 39-61 (კენტებს), ჭელიძის (მულღაზანზარის) N 35-83 (კენტებს), N 28-66 (ლუწებს) და ნესტან დარეჯანის N 39-65 (კენტებს), N 32-48 (ლუწებს) ქუჩებს.

საზოგადოება • 1772269653

„თელასი“ თბილისის მასშტაბით ელექტროენერგიის მიწოდების შეწყვეტასთან დაკავშირებით ინფორმაციას ავრცელებს - დეტალები

კომპანია „თელასი“ თბილისის მასშტაბით ელექტროენერგიის მიწოდების შეწყვეტასთან დაკავშირებით ინფორმაციას ავრცელებს.მათივე ცნობით, ტექნიკური სამსახურის მიერ ადგილზე მიმდინარეობს ხაზების დათვალიერება, რათა აღდგენითი სამუშაოები ოპერატიულად დასრულდეს„დღეს თბილისის ქსელში მაღალი ძაბვის ხაზებზე დაზიანების გამო ელექტროენერგიის მიწოდება შეუწყდა მთაწმინდის, ვაკის და დიღმის დასახლების 100 000 მომხმარებელს.დილის ხუთ საათზე მკვებავი მაღალი ძაბვის ხაზების დაზიანების გამო ელექტროენერგია შეუწყდა ქვესადგურს დიღომი 1-ს. აღდგენითი სამუშაოები უკვე დასრულებულია და 12 საათისთვის 30000 მომხმარებელს ელექტროენერგია უკვე მიეწოდაასევე, დილის 10 საათისთვის დაზიანდა მთაწმინდა 1 და 2 მაღალი ძაბვის გადამცემი ხაზები, რის გამოც ელექტროენერგიის მიწოდება შეუწყდა მთაწმინდისა და ვაკის რაიონის 70 000 მომხმარებელს.თელასის ტექნიკური სამსახურის მიერ ადგილზე მიმდინარეობს ხაზების დათვალიერება, რათა აღდგენითი სამუშაოები ოპერატიულად დასრულდეს“, – ნათქვამია „თელასის“ მიერ გავრცელებულ ინფორმაციაში.

პოლიტიკა • 1771947613

შალვა პერანიძე: ავარიული გამორთვებისგან დაზღვეული არავინაა, თუმცა მოქალაქეების გაუფრთხილებლად და ხანგრძლივი ვადით სიცივეში დატოვება დაუშვებელია

თბილისის საკრებულოს წევრმა შალვა პერანიძემ დედაქალაქის წარმომადგენლობითი ორგანოს დღევანდელ სხდომაზე სიტყვით გამოსვლისას დიდი დიღმის, ვაშლიჯვრისა და სოფელ დიღმის გაზმომარაგებისა და ელექტროენერგიის გახშირებული შეწყვეტის შემთხვევებზე ისაუბრა და მარეგულირებელ ორგანოებს აღნიშნული საკითხით დაინტერესებისკენ მოუწოდა.„დიდ დიღომში, ვაშლიჯვარსა და სოფელ დიღომში გაზმომარაგებისა და ელექტროენერგიის შეწყვეტის შემთხვევებმა განსაკუთრებით იმატა ზამთრის თვეებში. ამასთან ერთად, როგორც აღმოჩნდა, აბონენტთა უმეტესობას არც გამაფრთხილებელი შეტყობინებები მიუღია, ზოგ შემთხვევაში კი მიღებულ შეტყობინებაში მითითებული დრო ორჯერ და სამჯერ გადაიდო. ყოველივე ეს ზამთრის პერიოდში მოქალაქეების სიცივეში დარჩენას იწვევს“, - განაცხადა შალვა პერანიძემ.მისივე განცხადებით, ბუნებრივია, ავარიული გამორთვებისგან დაზღვეული არავინაა, თუმცა მოქალაქეების გაუფრთხილებლად და ხანგრძლივი ვადით სიცივეში დატოვება დაუშვებელია.„მინდა მოვუწოდო შესაბამის მარეგულირებელ ორგანოებს, შეისწავლონ აღნიშნული საკითხები და მოახდინონ დროული და ეფექტიანი რეაგირება მსგავსი შემთხვევების თავიდან ასაცილებლად“, - განაცხადა შალვა პერანიძემ.

პოლიტიკა • 1771930666

კოოპერატიული ბინათმშენებლობით დაზარალებულ კიდევ 60 ოჯახს საცხოვრებელი ფართები გადაეცა

კოოპერატიული ბინათმშენებლობით დაზარალებულ კიდევ 60 ოჯახს დიდ დიღომში, არჩილ მეფის ქუჩის N23-ში საცხოვრებელი ფართები გადაეცა. აღნიშნულ მისამართზე სამშენებლო სამუშაოები კომპანია „ბადენი დეველოპმენტმა“ აწარმოვა.ბინების სიმბოლური გასაღებები მოქალაქეებს დედაქალაქის მერმა კახა კალაძემ გადასცა და მათ ახალმოსახლეობა მიულოცა.„დღეს 2026 წლის 24 თებერვალია. ეს თარიღი შეიძლება ბევრს არაფერს ეუბნება, მაგრამ ზუსტად ვიცი, რას ნიშნავს იგი იმ 26 თბილისელი ოჯახისთვის, ვისაც მამების, დედების, ბებია-ბაბუების მიერ ჩადებული ინვესტიცია დღეს საცხოვრებელი ბინების სახით უბრუნდება. გასული საუკუნის 80-90-იან წლებში დაწყებული პრობლემა, რომლის უკან კოოპერატიული ბინათმშენებლობით დაზარალებული ათასობით ოჯახი იდგა, ყველას გადაუჭრელი ეგონა. მახსოვს, მოსახლეობასთან პირველი შეხვედრა 2017 წლის საარჩევნო კამპანიის პერიოდში. ჩვენ მათ დავპირდით, რომ დავიწყებდით საკითხის შესწავლას და მოვძებნიდით გზებს, რათა მოგვეგვარებინა აღნიშნული პრობლემა, რომელიც რამდენიმე ათეულ წელს ითვლიდა“, - განაცხადა კახა კალაძემ.მისივე თქმით, საცხოვრებელი ფართებით უკვე დაკმაყოფილებულია 2 500-ზე მეტი დაზარალებული, მიმდინარე წელს კიდევ 12 პროექტი დასრულდება, რომლის ფარგლებში დამატებით 575 ოჯახი დაკმაყოფილდება.„დღევანდელი დღე განსაკუთრებულია არა მხოლოდ კოოპერატიული ბინათმშენებლობებით დაზარალებული ოჯახებისთვის, არამედ თბილისის მერიის თითოეული თანამშრომლისთვის, ვინც უშუალოდაა ჩართული ამ რთულ პროცესში. მინდა, ვისარგებლო შემთხვევით და მადლობა გადავუხადო ვიცე-მერს გიორგი ტყემალაძეს, ჩემს მოადგილეებს, მუნიციპალიტეტის თითოეულ თანამშრომელს, სამსახურს, რომელიც პირველივე დღიდან იყო ჩართული ამ რთული საკითხის მოგვარებაში. პირადად მე, ვარ ბედნიერი ადამიანი, რადგან ძალიან სასიამოვნოა, როდესაც გაკეთებული საქმეებით, გადადგმული ნაბიჯებით აბედნიერებ უამრავ ოჯახს.მადლობა მინდა გადავუხადო კომპანია „ბადენი დეველოპმენტს“, რომელმაც სამშენებლო სამუშაოები ვადაზე ადრე, 2025 წლის ბოლოს დაასრულა. ასე იქცევა პასუხისმგებლობიანი კომპანია, რომელმაც იცის, რას ნიშნავს თითოეული წელი თუ თვე ამ ოჯახებისთვის. მთელი გულით ვულოცავ ახალმობინადრეებს. ვუსურვებ მათ ბედნიერ ცხოვრებას საკუთარ ჭერქვეშ, განვითარებას და წინსვლას. მიმდინარე წელს 12 პროექტი დასრულდება, რომლის ფარგლებში კიდევ 575 ოჯახი დაკმაყოფილდება“, - აღნიშნა თბილისის მერმა.კოოპერატიული ბინათმშენებლობით დაზარალებული პირების საცხოვრებელი ფართებით დაკმაყოფილების პროცესი აქტიურად გრძელდება. დაზარალებული მოქალაქეების ფართებით დაკმაყოფილება 2017 წელს კახა კალაძის წინასაარჩევნო დაპირება იყო. პროგრამის განხორციელება 2018 წელს დაიწყო, რომლის მიზანი დაზარალებული მოსახლეობისთვის ალტერნატიული ფართების გადაცემაა.დედაქალაქის მერთან ერთად ადგილზე ვიცე-მერი გიორგი ტყემალაძე, მერის მოადგილეები და ქონების მართვის სააგენტოს ხელმძღვანელი გიორგი კობიაშვილი იმყოფებოდნენ.