დახმარება

ვერძიშეგიძლიათ მიიღოთ საინტერესო ინფორმაცია ჭორებიდან, დაკვირვებებიდან, შემთხვევითი საუბრებიდან. ამ დღეს თქვენ განსაკუთრებული ანალიტიკური შესაძლებლობები გექნებათ და მიღებულ ინფორმაციასაც სწორად გაშიფრავთ.კურომშვენიერი დღეა კუროებისთვის. თქვენთვის განსაკუთრებით წარმატებული იქნება ნებისმიერი საქმიანობა, რომელიც ფულადი საქმეების მოწესრიგებას ისახავს მიზნად.ტყუპებიკარგი დღეა ნებისმიერი დამოუკიდებელი გეგმის განსახორციელებლად. იქნება ეს საკუთარი ბიზნესი, სწავლა თუ საყოფაცხოვრებო სამუშაოები. ყურად არ იღოთ სხვების რჩევები.კირჩხიბიხვალ ახალ საქმეებს ნუ დაიწყებთ, დღე რუტინულად და მშვიდად გაატარეთ.ლომილომებმა უმჯობესია სხვებს დაუგდონ ყური და თავად ცოტა ილაპარაკონ, რადგან ისინი სხვა ადამიანების ფიქრებიდან და იდეებიდან საჭირო ინფორმაციებს გამოიტანენ, ამ ინფორმაციებს კი მომავალში აუცილებლად გამოიყენებენ.ქალწულიქალწულებმა კონცენტრირება მოახდინეთ იმ საკითხებზე, სადაც თავად წყვეტთ ყველაფერს. სხვა ადამიანების რჩევის გათვალისწინება სავალალო გავლენას მოახდენს შედეგზე.სასწორიაკონტროლეთ საკუთარი თავი, რათა არ გაგიფუჭდეთ ურთიერთობა სხვებთან! მაქსიმალურად შეიკავეთ თავი რჩევების და შენიშვნების მიცემისგან.მორიელიუმჯობესია მოთმინება შეინარჩუნოთ, დაგროვილმა დაძაბულობამ შეიძლება დაუფიქრებელი და მოულოდნელი მოქმედებისკენ გიბიძგოთ. არ აჰყვეთ ემოციებს, დაისვენეთ და კრიტიკულ მომენტებში დაითვალეთ ათამდე, რათა არ თქვათ ან არ გააკეთოთ ისეთი რამ, რასაც მოგვიანებით ინანებთ.მშვილდოსანისიტუაცია შეიძლება მკვეთრად შეიცვალოს. ახალი პროექტი, რომლის განხორციელებაშიც ეჭვი არ გეპარებოდათ, შესაძლოა საბრძოლველი გაგიხდეთ, თუმცა საბოლოოდ სიტუაცია მაინც თქვენს სასარგებლოდ დასრულდება.თხის რქაშეიძლება მოგეჩვენოთ, რომ სხვები განზრახ გაბრაზებენ, თუმცა, სჯობს გაღიზიანების მიზეზი შიგნით ეძებეთ და არა გარეთ. უმჯობესია დაკავდეთ მედიტაციით და სუნთქვითი ვარჯიშებით.მერწყულიარ დაიშუროთ ენერგია და დრო სხვების დასახმარებლად, ეს ახლა განსაკუთრებით კარგად გამოგივათ. სხვისთვის გაწეული დახმარება თქვენ არა მხოლოდ გარშემომყოფების თვალში აგამაღლებთ, არამედ თქვენს თვითშეფასებასაც გაზრდის.თევზებიგანცდა, რომ თქვენი არ ესმით და თუ ესმით, არასწორად, მთელი დღე გაგყვებათ. ამიტომ დღე მხოლოდ საკუთარი საქმეების მოგვარებას მიუძღვენით, თუ ეს შესაძლებელია, მინიმუმამდე დაიყვანეთ კომუნიკაცია.

საზოგადოება • 1779295570

ეს დაავადებები ადამიანებს მემკვიდრეობით გადაეცემათ - ეზოტერიკოსი ასახელებს

რომელი დაავადებები გადადის მემკვიდრეობით საგვარეულოდან,- ამ თემაზე საინტერესო ინფორმაციას მინეროლოგი და ეზოტერიკოსი, თამარ იოსელიანი ავრცელებს. „რომელი დაავადებები გადადის მემკვიდრეობით საგვარეულოდან? თუ თქვენს გვარში თაობიდან თაობამდე ერთი და იგივე დიაგნოზი მეორდება, ფსიქოსომატიკის მიხედვით, ეს შეიძლება მიუთითებდეს დაუმუშავებელ ემოციურ პროგრამაზე, რომელსაც შემდეგი თაობები გაუცნობიერებლად იღებენ საკუთარ თავზე.• გული და სისხლძარღვებიგული სიყვარულისა და სიხარულის ორგანოდ ითვლება.საგვარეულოში განმეორებადი გულ-სისხლძარღვთა დაავადებები ხშირად უკავშირდება იმას, რომ ოჯახში ადამიანებს არ შეეძლოთ სიყვარულის ღიად მიღება და გამოხატვა.ადამიანები მუშაობდნენ, ოჯახს ზიდავდნენ, საკუთარ თავს სწირავდნენ, მაგრამ გრძნობებზე არ საუბრობდნენ, ბავშვებს არ ეხუტებოდნენ და საკუთარ თავს სიხარულის უფლებას არ აძლევდნენ.დაგროვილი, გამოუთქმელი ტკივილი და მუდმივი ემოციური დაძაბულობა თითქოს პირდაპირ გულს აწვება.• ონკოლოგიაფსიქოსომატიკაში ონკოლოგიური დაავადებები ხშირად უკავშირდება ღრმად ჩახშობილ წყენას, რომელსაც ადამიანი წლების განმავლობაში არ გამოხატავდა.ეს არის ისტორია ადამიანებზე, რომლებიც ყველაფერს იტანდნენ, ყველაფერს საკუთარ თავში ინახავდნენ, არასოდეს წუწუნებდნენ და საკუთარ საჭიროებებს უმნიშვნელოდ თვლიდნენ.ოჯახებში, სადაც ონკოლოგია მეორდება, ხშირად არსებობს საერთო პროგრამა:„არ შეიძლება გაბრაზება“,„არ შეიძლება მოთხოვნა“,„არ შეიძლება ყურადღების ცენტრში ყოფნა“,„სხვებისთვის უნდა იცხოვრო“.• ხერხემლისა და სახსრების პრობლემებიზურგი სიმბოლურად საყრდენს, პასუხისმგებლობასა და ტვირთს უკავშირდება.თუ საგვარეულოში თაობიდან თაობამდე ადამიანებს ზურგი, მუხლები ან სახსრები აწუხებთ, ეს ხშირად მიუთითებს ოჯახურ მოდელზე, სადაც ადამიანები საკუთარ თავზე აუტანელ პასუხისმგებლობას იღებდნენ და დახმარებას არასოდეს ითხოვდნენ. ეს არის პროგრამა:„ყველაფერს მარტო უნდა გავუმკლავდე“,„დახმარების თხოვნა სირცხვილია“,„უნდა გავძლო“.• ზედმეტი წონაფსიქოსომატიკაში ზედმეტი წონა ხშირად შიშსა და დაუცველობის განცდას უკავშირდება.ოჯახებში, რომლებმაც გადაიტანეს შიმშილი, ომი ან ქრონიკული სიღარიბე, სხეული თითქოს იმახსოვრებს: „უნდა დავაგროვო, რადგან ხვალ შეიძლება არაფერი იყოს“.ასევე, ზედმეტი წონა ხშირად გვხვდება ოჯახებში, სადაც საკვები ნუგეშის, სიყვარულისა და ჯილდოს ერთადერთი ფორმა იყო.• ყელისა და ფარისებრი ჯირკვლის პრობლემებიყელი სიმბოლურად ხმას, თვითგამოხატვასა და საკუთარი აზრის თქმის უფლებას უკავშირდება.თუ ქალებს საგვარეულოში ხშირად აქვთ ფარისებრი ჯირკვლის პრობლემები, ქრონიკული ანგინა ან კვანძები, ეს შეიძლება მიუთითებდეს ოჯახურ მოდელზე, სადაც ქალებს საკუთარი აზრის გამოხატვის უფლება არ ჰქონდათ.„გაჩუმდი“,„არ გამოირჩეოდე“,„ქმარმა თქვა — ესე იგი ასეა“,„შენი აზრი არავის აინტერესებს“.რამდენიმე თაობის განმავლობაში ჩახშობილი სიტყვები და დათრგუნული ემოციები ქმნის ამ მიმართულების სტაბილურ პროგრამას.• ქალის ჯანმრთელობის პრობლემებიმიომა, კისტები, ციკლის დარღვევა და უშვილობა ფსიქოსომატიკაში ხშირად უკავშირდება ქალურობისა და მამაკაცების მიმართ დამოკიდებულებას ოჯახში.თუ საგვარეულოში ქალები ღალატს, დამცირებას, მიტოვებას ან ტკივილს განიცდიდნენ და ამ ყველაფერს ჩუმად იტანდნენ, ეს ემოციური ტვირთი ხშირად სწორედ ქალის ორგანოებში „იფიქსირება“.ასეთი პრობლემები ასევე გვხვდება ოჯახებში, სადაც ქალობა საფრთხედ ან სისუსტედ ითვლებოდა და გოგონებს ასწავლიდნენ, რომ უნდა ყოფილიყვნენ ძლიერები, არ ეტირათ და დახმარება არ ეთხოვათ.• კანის დაავადებებიკანი ჩვენი საზღვარია სამყაროსთან — კონტაქტი და დაცვა.ფსორიაზი, ეგზემა და ნეიროდერმიტი ფსიქოსომატიკაში ხშირად უკავშირდება ოჯახებს, სადაც ადამიანები თავს უსაფრთხოდ არ გრძნობდნენ სხვა ადამიანებთან ურთიერთობაში.ან მუდმივად ირღვეოდა მათი პირადი საზღვრები, ან პირიქით — ისინი სრულ იზოლაციაში ცხოვრობდნენ და სითბოს მოკლებულნი იყვნენ.კანი თითქოს „ყვირის“:„ადამიანებთან კონტაქტი მტკენს“ან„მტკივა მათი სითბოს გარეშე“",- წერს იოსელიანი.

საზოგადოება • 1779292404

რა უნდა გავაკეთოთ ცხოველის დაკბენისას ცოფის პრევენციისთვის - ვეტერინარი განმარტავს

19 მაისს, გურჯაანის მუნიციპალიტეტის სოფელ ჩალაუბნის მიმდებარე ტერიტორიაზე მდებარე ერთ-ერთ ფერმაში ცოფის შემთხვევა დადასტურდა. სურსათის ეროვნული სააგენტოს ინფორმაციით, დაინფიცირებულ პუნქტსა და საფრთხის შემცველ ზონაში კარანტინი გამოცხადდა, რის გამოც ტერიტორიაზე ცხოველების გადაადგილება შეიზღუდა და გადაუდებელი სალიკვიდაციო ღონისძიებები დაიწყო. რა უნდა გავაკეთოთ ცხოველის დაკბენისას ცოფის პრევენციისთვის,- ამ თემაზე გადაცემაში „დილა მშვიდობისა საქართველო" ვეტერინარი, ლალი ვაშაკიძე საუბრობს. „ცხოველის დაკბენისას, პირველ რიგში, მანამ, სანამ ექიმს დაურეკავთ, თავად უნდა იმოქმედოთ, ასეთ დროს ყოველ წუთს უდიდესი მნიშვნელობა აქვს.პირველადი დახმარება დაზიანებული უბნის საპნით ამორეცხვა და 15 წუთის განმავლობაში გამდინარე წყლის ჭავლის ქვეშ გაჩერებაა. თუ დაკბენა სახის მიდამოში მოხდა, ვაქცინაციისთვის 24 საათი გვაქვს, ხოლო თუ ნაკბენი ხელზე ან ფეხზეა, დრო 1-2 დღემდე იზრდება“, - აღნიშნავს ლალი ვაშაკიძე. .

საზოგადოება • 1779291246

„განსაკუთრებული სიფრთხილე მართებთ გოგონების მშობლებს“ - ექიმი მშობლებსა და ახალგაზრდებს აფრთხილებს

მოზარდებში წონასთან დაკავშირებული კომპლექსები და მკაცრი დიეტების მცდელობა სულ უფრო ხშირია. ექიმი მარი მალაზონია მშობლებსა და ახალგაზრდებს აფრთხილებს, რომ შიმშილობა და დაუბალანსებელი კვება ორგანიზმისთვის სერიოზულ საფრთხეს წარმოადგენს.ექიმის განმარტებით, დიეტა არ ნიშნავს შიმშილს ან მკვეთრ შეზღუდვას — ეს არის ასაკის, ჯანმრთელობის მდგომარეობისა და ცხოვრების წესის შესაბამისი, სწორად დაბალანსებული კვება.„არ არსებობს ყველასთვის მისაღები უნივერსალური დიეტა. მოზარდები განსაკუთრებული კვების ჯგუფს მიეკუთვნებიან და მათ ორგანიზმს სპეციფიკური მოთხოვნილებები აქვს. ამიტომ კვების რომელიმე მოდელის ბრმად გაზიარება შეიძლება ჯანმრთელობისთვის სახიფათო აღმოჩნდეს“, — ამბობს მარი მალაზონია.მისივე თქმით, წონაში სწრაფი კლება და შიმშილი ორგანიზმისთვის სტრესია, რაც შემდგომში მეტაბოლურ დარღვევებსა და წონის კიდევ უფრო სწრაფ მატებას იწვევს.ექიმი განსაკუთრებულ ყურადღებას ამახვილებს მოზარდ გოგონებზე და ამბობს, რომ ე.წ. „დიეტის“ უკან ხშირად შესაძლოა კვებითი აშლილობები — ანორექსია ან ბულიმია იმალებოდეს.„ასეთ დროს სპეციალისტის დახმარება აუცილებელია. პრობლემის უგულებელყოფამ შესაძლოა მძიმე შედეგებამდე მიიყვანოს მოზარდი“, — აღნიშნავს ის.მარი მალაზონია მოზარდებში ყავისა და ენერგეტიკული სასმელების ჭარბ მოხმარებასაც სახიფათოდ მიიჩნევს. მისი თქმით, ორგანიზმის ტონუსისთვის საუკეთესო გამოსავალი სრულფასოვანი ძილი, ფიზიკური აქტივობა და დაბალანსებული კვებაა.ექიმი ასევე განმარტავს, რომ გარდატეხის ასაკში წონის მცირე ცვლილებები ყოველთვის არ არის არასწორი კვების შედეგი და ხშირად ჰორმონულ პროცესებთანაა დაკავშირებული. თუმცა საჭიროების შემთხვევაში აუცილებელია ენდოკრინოლოგიური კვლევებიც.მისივე თქმით, როგორც ჭარბი წონა, ისე წონის დეფიციტი მოზარდის ჯანმრთელობისთვის სერიოზულ რისკს წარმოადგენს.„არასრულფასოვანი კვება ასუსტებს იმუნიტეტს, აფერხებს ზრდა-განვითარებას და ორგანიზმს ინფექციებთან ბრძოლას ურთულებს“, — ამბობს ექიმი.მარი მალაზონია მოზარდებსა და მშობლებს ურჩევს, ყურადღება გაამახვილონ არა მკაცრ დიეტებზე, არამედ ჯანსაღი ცხოვრების წესზე — წყლის საკმარის მიღებაზე, ფიზიკურ აქტივობაზე, დაბალანსებულ კვებასა და სწორი რეჟიმის დაცვაზე. წყარო

საზოგადოება • 1779290523

ძვირადღირებული მედიკამენტები 100 პროცენტით ფინანსდება - მნიშვნელოვანი ინფორმაცია მერიიდან

„ძუძუს კიბოს სამკურნალო მედიკამენტების დაფინანსების“ პროგრამის ფარგლებში, 1 134 მოქალაქისთვის 6 700-მდე შემთხვევა დაფინანსდა, – ამის შესახებ თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა.მისივე თქმით, ერთი პაციენტის მკურნალობის სრული კურსის ჩასატარებლად, მუნიციპალიტეტი მინიმუმ 24 750 და მაქსიმუმ 70 110 ლარს გამოყოფს.„თბილისის მერია ონკოლოგიური დიაგნოზის მქონე მოქალაქეთა მხარდაჭერას სხვადასხვა სახის პროგრამებით ახორციელებს, რომელთაგან ერთ-ერთი მნიშვნელოვანია „ძუძუს კიბოს სამკურნალო მედიკამენტების დაფინანსების“ პროგრამა. სტატისტიკამ აჩვენა, რომ მისი ეფექტიანობა საკმაოდ მაღალია. კერძოდ, განიკურნა ადრეული სტადიის ბენეფიციართა 97 პროცენტი.ჯანდაცვისა და სოციალური მომსახურების საქალაქო სამსახურის აღნიშნული პროგრამა, HER-2 დადებითი ადგილობრივად გავრცელებული (I-III სტადია) და მეტასტაზური ფორმის ძუძუს კიბოს დიაგნოზის მქონე მოქალაქეების სიცოცხლის გახანგრძლივება/განკურნებას ემსახურება. ამ დაავადებასთან ბრძოლაში ყველაზე მნიშვნელოვანი არის დროული აღმოჩენა, რადგან ხშირად სწორედ დროულ დიაგნოზზეა დამოკიდებული ადამიანის სიცოცხლე და ჯანმრთელობა. ჯანმრთელობა ყველაზე დიდი ფასეულობაა და ჩვენი ვალდებულებაა, ადამიანებს დროული დიაგნოსტიკისა და მკურნალობის შესაძლებლობა ჰქონდეთ“, – განაცხადა კახა კალაძემ.თბილისის მერის თქმით, პროგრამის ფარგლებში, ძვირადღირებული მედიკამენტები ყველა მოსარგებლეს სრულად, 100 პროცენტით უფინანსდება.„შესაბამისი მომსახურების მისაღებად, საქართველოს მოქალაქეს ბოლო ორი წლის განმავლობაში უწყვეტად და ამავდროულად, პროგრამაში ჩართვის დროისთვის თბილისის მუნიციპალიტეტში უნდა ჰქონდეს რეგისტრაცია. მოქალაქე, პროგრამაში ჩასართავად, განცხადებით და შესაბამისი საბუთებით დედაქალაქის მერიას მიმართავს, რომელთა საფუძველზე, მედიკამენტის აფთიაქიდან მისაღებად, საგარანტიო წერილი გაიცემა“,- აღნიშნა კახა კალაძემ.მისივე თქმით, დედაქალაქის მთავრობამ წლების განმავლობაში, აღნიშნულის გარდა, არაერთი პროგრამა განახორციელა, რაც ადამიანის სიცოცხლისა და ჯანმრთელობის შენარჩუნებას ემსახურება.„ჩვენი მოქალაქეების სიცოცხლის გახანგრძლივებისა და ჯანმრთელობის მდგომარეობის გაუმჯობესების მიზნით, არაერთ პროგრამასა და პროექტს ვახორციელებთ, რადგან მიგვაჩნია, რომ ყველა ფუნდამენტზე უფრო ძლიერი საყრდენი – ადამიანი უნდა იყოს ყველაზე მეტად დაფასებული, უზრუნველყოფილი შესაბამისი მედიკამენტებით, ჰქონდეს სხვადასხვა მიმართულებით ხელშეწყობა და გრძნობდეს სიცოცხლის სიხარულს. მთელ მსოფლიოში ყოველწლიურად იმატებს სიმსივნით დაავადებული ადამიანების რიცხვი. სამწუხაროდ, ამ მხრივ საქართველოც არ არის გამონაკლისი. სწორედ ამიტომ, ვალდებულად ვთვლით, ონკოპაციენტების დაფინანსება, მათზე ზრუნვა და დახმარება, დედაქალაქის ბიუჯეტში თანხის მაქსიმალური რიცხვით ავსახოთ. ხშირ შემთხვევაში, დროულად ჩატარებული კვლევა და სწორი მკურნალობა სიცოცხლის გადარჩენას ნიშნავს. ამ პროგრამის უკან დგას არა უბრალოდ სტატისტიკა, არამედ დგანან ადამიანები, ოჯახები და მათი სიცოცხლე. ჩვენთვის მნიშვნელოვანია, რომ არც ერთი ქალი არ დარჩეს აუცილებელი მკურნალობის გარეშე ფინანსური სირთულეების გამო“, – განაცხადა კახა კალაძემ.

მსოფლიო • 1779286974

პანკისის ხეობაში დაკავებულ 3 პირს ბრალი ოფიციალურად უკვე წარედგინა

პანკისის ხეობაში დაკავებულ სამ პირს ბრალი ოფიციალურად უკვე წარედგინა. აღმკვეთი ღონისძიების საკითხზე სასამართლო დღეს იმსჯელებს. გამოძიება დაკავებულებს ტერორისტულ ორგანიზაცია „ისლამურ სახელმწიფოში“ გაერთიანებასა და დახმარებას ედავება.გამოვლენილია კონსპირაციული შეხვედრები, ამოღებულია იარაღი, ასაფეთქებელი ნივთიერებები და ტერორისტული სიმბოლიკის ამსახველი ნივთები. ბრალის დამტკიცების შემთხვევაში, ერთ ბრალდებულს 17 წლამდე პატიმრობა ემუქრება, ორს კი 6 წლამდე თავისუფლების აღკვეთა.„გამოძიებით დადგინდა, რომ ბრალდებული ტერორისტულ ორგანიზაცია "ისლამურ სახელმწიფოში" გაერთიანდა და აქტიურ მონაწილეობას იღებდა ტერორისტული ორგანიზაციის მიერ წარმოებულ შეიარაღებულ მოქმედებებში. ასევე, მის საცხოვრებელ სახლში, მართლსაწინააღმდეგოდ ინახავდა საბრძოლო მასალას, ხოლო ბრალდებულთან კავშირში მყოფი ორი პირი, საცხოვრებელ სახლებში მართლსაწინააღმდეგოდ ინახავდნენ ასაფეთქებელ ნივთიერებას, ასაფეთქებელ მოწყობილობებს, საბრძოლო მასალას და ცეცხლსასროლ იარაღებს.ჩხრეკის შედეგად, სხვა ნივთებთან ერთად, ამოღებულია დროშა ტერორისტული ორგანიზაციის სიმბოლიკით. ერთ პირს, ბრალდება უცხო ქვეყნის ტერორისტულ ორგანიზაციაში გაერთიანების და ტერორისტულ საქმიანობაში მისი დახმარების, ასევე საბრძოლო მასალის მართლსაწინააღმდეგო შეძენის და შენახვის ფაქტზე წარედგინა, რაც სასჯელის სახედ და ზომად 17 წლამდე თავისუფლების აღკვეთას ითვალისწინებს.ორ პირს, ბრალდება ცეცხლსასროლი იარაღის, საბრძოლო მასალის და ფეთქებადი ნივთიერების მართლსაწინააღმდეგო შეძენის და შენახვის ფაქტებზე წარედგინათ, რაც სასჯელის სახედ და ზომად 6 წლამდე თავისუფლების აღკვეთას ითვალისწინებს“, - განაცხადა პროკურორმა მაია სილაგაძემ.

სამართალი • 1779273295

სახელმწიფო უსაფრთხოების სამსახურის მიერ პანკისის ხეობაში დაკავებულ პირებს ბრალი წარედგინათ

სახელმწიფო უსაფრთხოების სამსახურის მიერ პანკისის ხეობაში დაკავებულ პირებს ბრალი წარედგინათ.საქმე ეხება უცხო ქვეყნის ტერორისტულ ორგანიზაციაში გაერთიანებას და ტერორისტულ საქმიანობაში დახმარებას.საქართველოს სამი მოქალაქე სახელმწიფო უსაფრთხოების სამსახურმა უცხო ქვეყნის ტერორისტულ ორგანიზაციაში გაერთიანებისა და ტერორისტულ საქმიანობაში დახმარების ბრალდებით დააკავა. სპეცოპერაცია პანკისის ხეობის სოფლებში - ომალოში, ბირკიანსა და ჯოყოლოში ჩატარდა.სპეცოპერაციის შედეგად სახელმწიფო უსაფრთხოების სამსახურმა სხვადასხვა სახის ნივთმტკიცებასთან ერთად ამოიღო ცეცხლსასროლი იარაღი და საბრძოლო მასალა, ასევე ტერორისტული ორგანიზაციის სიმბოლიკები.დანაშაულის დამტკიცების შემთხვევაში დაკავებულებს 10-დან 17 წლამდე პატიმრობა ემუქრებათ.

პოლიტიკა • 1779263634

თბილისის მერიამ „ძუძუს კიბოს სამკურნალო მედიკამენტების დაფინანსების“ პროგრამის ფარგლებში, 1 134 მოქალაქისთვის 6 700-მდე შემთხვევა დააფინანსა

„ძუძუს კიბოს სამკურნალო მედიკამენტების დაფინანსების“ პროგრამის ფარგლებში, 1 134 მოქალაქისთვის 6 700-მდე შემთხვევა დაფინანსდა, – ამის შესახებ თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხდა.მისივე თქმით, ერთი პაციენტის მკურნალობის სრული კურსის ჩასატარებლად, მუნიციპალიტეტი მინიმუმ 24 750 და მაქსიმუმ 70 110 ლარს გამოყოფს.„თბილისის მერია ონკოლოგიური დიაგნოზის მქონე მოქალაქეთა მხარდაჭერას სხვადასხვა სახის პროგრამებით ახორციელებს, რომელთაგან ერთ-ერთი მნიშვნელოვანია „ძუძუს კიბოს სამკურნალო მედიკამენტების დაფინანსების“ პროგრამა. სტატისტიკამ აჩვენა, რომ მისი ეფექტიანობა საკმაოდ მაღალია. კერძოდ, განიკურნა ადრეული სტადიის ბენეფიციართა 97 პროცენტი. ჯანდაცვისა და სოციალური მომსახურების საქალაქო სამსახურის აღნიშნული პროგრამა, HER-2 დადებითი ადგილობრივად გავრცელებული (I-III სტადია) და მეტასტაზური ფორმის ძუძუს კიბოს დიაგნოზის მქონე მოქალაქეების სიცოცხლის გახანგრძლივება/განკურნებას ემსახურება. ამ დაავადებასთან ბრძოლაში ყველაზე მნიშვნელოვანი არის დროული აღმოჩენა, რადგან ხშირად სწორედ დროულ დიაგნოზზეა დამოკიდებული ადამიანის სიცოცხლე და ჯანმრთელობა. ჯანმრთელობა ყველაზე დიდი ფასეულობაა და ჩვენი ვალდებულებაა, ადამიანებს დროული დიაგნოსტიკისა და მკურნალობის შესაძლებლობა ჰქონდეთ“, – განაცხადა კახა კალაძემ.თბილისის მერის თქმით, პროგრამის ფარგლებში, ძვირადღირებული მედიკამენტები ყველა მოსარგებლეს სრულად, 100 პროცენტით უფინანსდება.„შესაბამისი მომსახურების მისაღებად, საქართველოს მოქალაქეს ბოლო ორი წლის განმავლობაში უწყვეტად და ამავდროულად, პროგრამაში ჩართვის დროისთვის თბილისის მუნიციპალიტეტში უნდა ჰქონდეს რეგისტრაცია. მოქალაქე, პროგრამაში ჩასართავად, განცხადებით და შესაბამისი საბუთებით დედაქალაქის მერიას მიმართავს, რომელთა საფუძველზე, მედიკამენტის აფთიაქიდან მისაღებად, საგარანტიო წერილი გაიცემა“,- აღნიშნა კახა კალაძემ.მისივე თქმით, დედაქალაქის მთავრობამ წლების განმავლობაში, აღნიშნულის გარდა, არაერთი პროგრამა განახორციელა, რაც ადამიანის სიცოცხლისა და ჯანმრთელობის შენარჩუნებას ემსახურება.„ჩვენი მოქალაქეების სიცოცხლის გახანგრძლივებისა და ჯანმრთელობის მდგომარეობის გაუმჯობესების მიზნით, არაერთ პროგრამასა და პროექტს ვახორციელებთ, რადგან მიგვაჩნია, რომ ყველა ფუნდამენტზე უფრო ძლიერი საყრდენი – ადამიანი უნდა იყოს ყველაზე მეტად დაფასებული, უზრუნველყოფილი შესაბამისი მედიკამენტებით, ჰქონდეს სხვადასხვა მიმართულებით ხელშეწყობა და გრძნობდეს სიცოცხლის სიხარულს. მთელ მსოფლიოში ყოველწლიურად იმატებს სიმსივნით დაავადებული ადამიანების რიცხვი. სამწუხაროდ, ამ მხრივ საქართველოც არ არის გამონაკლისი. სწორედ ამიტომ, ვალდებულად ვთვლით, ონკოპაციენტების დაფინანსება, მათზე ზრუნვა და დახმარება, დედაქალაქის ბიუჯეტში თანხის მაქსიმალური რიცხვით ავსახოთ. ხშირ შემთხვევაში, დროულად ჩატარებული კვლევა და სწორი მკურნალობა სიცოცხლის გადარჩენას ნიშნავს. ამ პროგრამის უკან დგას არა უბრალოდ სტატისტიკა, არამედ დგანან ადამიანები, ოჯახები და მათი სიცოცხლე. ჩვენთვის მნიშვნელოვანია, რომ არც ერთი ქალი არ დარჩეს აუცილებელი მკურნალობის გარეშე ფინანსური სირთულეების გამო“, – განაცხადა კახა კალაძემ.

საზოგადოება • 1779259743

დიუშენით დაავადებული ბავშვების მშობლებთან შეხვედრა იყო საქმიანი, უახლოეს მომავალში ჩვენი მონაწილეობით შეხვედრა შედგება სპეციალისტებსა და დაინტერესებულ მხარეს შორის - ანდრია ჯაღმაიძე

საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის განცხადებით, დიუშენის კუნთოვანი დისტროფიით დაავადებული ბავშვების მშობლებთან შეხვედრა საქმიანი და საინტერესო იყო.მისივე თქმით, საპატრიარქო შეეცდება, საკითხი სიღრმისეულად შეისწავლოს.„შეხვედრა იყო საქმიანი და ძალიან საინტერესო იმ კუთხით, რომ ბევრი საკითხია, რომლებიც საჭიროებს სპეციალურ ცოდნას ამ სფეროში. ჩვენ რამდენადაც ვიცით, არ არის კარგად შესწავლილი დაავადება და სიახლეების მოლოდინში არიან მშობლები. ჩვენ, საპატრიარქოს, გვაქვს გარკვეული გამოცდილება საზოგადოებისთვის მტკივნეულ საკითხებში ჩართვისა. ასეთი საკითხები წყდებოდა ხოლმე გაფართოებული ფორმატით, სადაც სპეციალისტები იყვნენ ჩართულები. შევეცდებით, საკითხი სიღრმისეულად შევისწავლოთ. უახლოეს მომავალში შედგება შეხვედრა სპეციალისტებსა და დაინტერესებულ მხარეს შორის ჩვენი მონაწილეობით. საპატრიარქოს მხრიდან ჩართული იქნება წმინდა იოაკიმესა და ანას სახელობის საუნივერსიტეტო კლინიკა. ასე რომ, ყველა შესაძლებლობას გამოვიყენებთ, რათა ამ დაავადების მქონე ბავშვებს შესაბამისი დახმარება მიეცეთ“, – განაცხადა ანდრია ჯაღმაიძემ.

საზოგადოება • 1779249293

დეკანოზი ანდრია ჯაღმაიძე - ყველა შესაძლებლობას გამოვიყენებთ, რათა დიუშენის დაავადების მქონე ბავშვებს მიეცეთ შესაბამისი დახმარება

საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის განცხადებით, პატრიარქო შეეცდება, სიღრმისეულად შეისწავლოს დიუშენის კუნთოვანი დისტროფიით დაავადებული ბავშვების საკითხი.ანდრია ჯაღმაიძის თქმით, ბავშვების მშობლებთან შეხვედრა იყო საქმიანი და ძალიან საინტერესო იმ კუთხით, რომ ბევრია საკითხი, რომლებიც საჭიროებს სპეციალურ ცოდნას ამ სფეროში.მისივე განცხადებით, პროცესში ჩართული იქნება საპატრიარქოს მხრიდან წმინდა იოაკიმესა და ანას სახელობის საუნივერსიტეტო კლინიკა.დეკანოზი აცხადებს, რომ საპატრიარქო ყველა შესაძლებლობას გამოიყენებს, რათა დიუშენის დაავადების მქონე ბავშვებს მიეცეთ შესაბამისი დახმარება."ჩვენ რამდენადაც ვიცით, არ არის კარგად შესწავლილი დაავადება და სიახლეების მოლოდინში არიან მშობლები.ჩვენ, საპატრიარქოს, გვაქვს გარკვეული გამოცდილება საზოგადოებისთვის მტკივნეულ საკითხებში ჩართვისა, ასეთი საკითხები წყდებოდა ხოლმე გაფართოებული ფორმატით, სადაც სპეციალისტები იყვნენ ჩართულები.შევეცდებით, საკითხი სიღრმისეულად შევისწავლოთ. უახლოეს მომავალში შედგება შეხვედრა სპეციალისტებსა და დაინტერესებულ მხარეს შორის ჩვენი მონაწილეობით. საპატრიარქოს მხრიდან აქ ჩართული იქნება წმინდა იოაკიმესა და ანას სახელობის საუნივერსიტეტო კლინიკა.ასე რომ, ყველა შესაძლებლობას გამოვიყენებთ, რათა ამ დაავადების მქონე ბავშვებს მიეცეთ შესაბამისი დახმარება", - აცხადებს ჯაღმაიძე.

საზოგადოება • 1779215988

„ერთი შვილი უკვე დავკარგე, ახლა მეორე სიკვდილს ებრძვის... ყოველი წუთი გადამწყვეტია“ - ახალგაზრდა მამაკაცს საზოგადოების დახმარება სჭირდება

31 წლის დიმიტრი კასრაძეს საზოგადოების მხარდაჭერა სჭირდება. ახალგაზრდის მდგომარეობა უკიდურესად მძიმეა. მას სწორი ნაწლავის სიმსივნე აქვს.„ხალხის იმედად ვარ დარჩენილი. გთხოვთ დამეხმარეთ, არ მინდა დიტო დავკარგო. არ გავიარო იგივე გზა, რაც ერთხელ გავიარე“,-წერს პაციენტის დედა.ექიმები ყველაფერს აკეთებენ, რომ დiმიტრი მიიყვანონ ქიმიოთერაპიამდე, მაგრამ დრო ძალიან ცოტაა… ყოველი წუთი სასიცოცხლოდ გადამწყვეტია.დომიტრი ამჟამად გადის მკურნალობას კლინიკაში, თურქეთში, სამსუნში.ანგარიშის ნომერითიბისი: #GE78TB7482345061100002საქ.ბანკი: #GE75GB0000000240522600მიმღები თათია გოგუაძე (დეიდაშვილი) View this post on Instagram A post shared by Chernovetskyi Fund (@chernovetskyi.fund)

საზოგადოება • 1779196520

დიუშენის სინდრომით დაავადებული ბავშვის მშობელი: ვფიქრობ, პატრიარქთან იყო შედეგიანი შეხვედრა, მოგვისმინა, განაცხადა, რომ ყველა საჭირო პირთან ექნება კომუნიკაცია ამ პრობლემის მოგვარების მიზნით

საპატრიარქოში სრულიად საქართველოს კათოლიკოს-პატრიარქის, შიო მესამისა და დიუშენის სინდრომით დაავადებული ბავშვების მშობლების შეხვედრა დასრულდა. შეხვედრა დაახლოებით ორი საათის განმავლობაში მიმდინარეობდა.მშობლების თქმით, პატრიარქმა მოისმინა მათი პოზიცია და დახმარებას დაჰპირდა. მათივე განმარტებით, საპატრიარქოში გაგრძელდება შეხვედრები, სადაც მშობლები, საპატრიარქოს წარმომადგენლები და დარგის სპეციალისტები იქნებიან.მშობლების განცხადებით, საბოლოოდ, შეჯერებული ვერსიებით მათ მთავრობასთან საპატრიარქო უშუამდგომლებს.„ჩვენ ვიმყოფებოდით შეხვედრაზე საქართველოს კათოლიკოს-პატრიარქთან, მის უწმინდესობასთან. იყო ძალიან კარგი და შინაარსიანი შეხვედრა, ვფიქრობ, შედეგიანი. ყველა ინფორმაცია, რასაც ვაჟღერებდით მთელი ამ ხნის განმავლობაში, განსაკუთრებით, ბოლო პერიოდში, უწყვეტი აქციების დროს, მივაწოდეთ პატრიარქს, მეუფეებს. დაისახა გეგმები, აბსოლუტურად ყველა მიმართულებით. ძალიან ძნელია, წინსწრებით გადაჭრით რაიმეს თქმა, მაგრამ ყველა მიმართულებით დაისახა გეგმები, რომ ისინი ჩართული იქნებიან ამ პროცესში, კომუნიკაციის პროცესში, შესაძლოა, ფონდის შექმნის პროცესშიც.მათ მოისმინეს ამ დაავადების შესახებ, გაიგეს, რომ ამ დაავადებასთან მიმართებით არაერთი მედიკამენტია, რომელიც უსაფრთხოა და ინფორმაცია, რომელიც, სამწუხაროდ, ხშირად ვრცელდება ცალკეული პირების მხრიდან, წარმოადგენს არასწორ და არასრულყოფილ ინფორმაციას. შესაბამისად, ეს შეხვედრა იყო აუცილებელი, რადგან საპატრიარქოს ჰქონდეს ზუსტი, სწორი ინფორმაცია, როგორც მედიკამენტებთან მიმართებით, ასევე, დაავადებასთან მიმართებით და იმ პროცესებთან დაკავშირებით, რაც ამდენ ხანს ხორციელდება, თუნდაც იმასთან მიმართებით, რატომ არსებობს დღეს მშობლებთან კომუნიკაციის დეფიციტი. შესაბამისად, იმედს ვიტოვებთ, რომ ქმედითი ნაბიჯები გადაიდგმება საპატრიარქოს მხრიდან და მაქსიმალურად უმოკლეს დროში იქნება მიღწეული ის გადაწყვეტილებები, რაზეც ჩვენ მთელი ამ ხნის განმავლობაში ვაცხადებთ, რომ შესაძლებელია უმოკლეს დროში ამ პრობლემის გადაწყვეტა. ვგულისხმობ მედიკამენტების მიღებას.პატრიარქმა მოგვისმინა, განაცხადა, რომ ყველა საჭირო პირთან ექნება კომუნიკაცია ამ პრობლემის მოგვარების მიზნით. აბსოლუტურად ყველა საკითხზე ექნება კომუნიკაცია, მათ შორის ექიმებთან, მედიცინის მუშაკებთან ამ საკითხის უფრო ეფექტურად მოგვარების მიზნით.შეხვედრა კიდევ იქნება. ასევე, იყო შეპირება და იქნება ჩვენი შვილების დალოცვა საპატრიარქოს მხრიდან. ეს იქნება პერიოდულად, არა მხოლოდ ერთჯერადად. ასევე, იმუშავებენ ყველა მიმართულებით, რომ მაქსიმალურად იქნას საქმის კურსში საპატრიარქო ამ პროცესებთან მიმართებით. დალოცვა შესაძლოა, იყოს ამაღლება დღეს, ჩვენ მოვიყვანთ ჩვენს შვილებს სამებაში და დალოცავს პატრიარქი“, – განაცხადა ერთ-ერთმა მშობელმა, ზაქრო გვიშიანმა.