დახმარება

არ შეიძლება ამას ბოდვა ეწოდოს, რადგან ეს არის პროვოკაცია საქართველოს მიმართ - გია ვოლსკი უკრაინის დაზვერვის მიერ გავრცელებულ ინფორმაციაზე

სახელმწიფო უსაფრთხოების სამსახური განცხადებას ავრცელებს. სუსი-ს თქმით, არასწორია მედიაპლატფორმებისა და კონკრეტული აქტივისტების მხრიდან, კამპანიურად გავრცელებული ინფორმაცია, თითქოს უკრაინის დაზვერვის მასალებით, საქართველოს ტერიტორიაზე არსებობს რუსეთის შეიარაღებული ძალების სპეციალური უსაფრთხო კომუნიკაციის ტერმინალების ქსელები.უსაფრთხოების სამსახური აცხადებს, რომ მათ მსგავსი ინფორმაცია, უკრაინის საგარეო დაზვერვის სამსახურიდანაც არ მიუღიათ. სუს-ის მიერ გავრცელებული ტექსტის თანახმად, უკრაინის დაზვერვამ გავრცელებულ განცხადებაში მიუთითა, რომ მსგავსი რუსული ქსელები უკრაინასთან, ფრონტის ხაზზე და აფრიკის კონტინენტზე არსებობს, თუმცა ამ განცხადებასთან ერთად გამოქვეყნებულ ფოტოზე დატანილმა ლოკაციამ, უსაფრთხოების სამსახურის განცხადებით, საქართველოს შესახებ არასწორი ინტერპრეტაციის სივრცე დატოვა.სუსი ახლა ცდილობს გაარკვიოს - რით იყო გამოწვეული განცხადებისგან განსხვავებული მასალის გავრცელება, რომელმაც საქართველოში კონკრეტულ ჯგუფებს "ცრუ და ანტისახელმწიფოებრივი კამპანიის წარმოების" საშუალება მისცა.პარლამენტის ვიცე სპიკერის განმარტებით, ეს საქართველოს მიმართ განხორციელებული პროვოკაციაა, რომელიც შემოტევის ახალი მიმართულებაა."ეს არის პროვოკაცია. არ შეიძლება ამას ბოდვა ეწოდოს, რადგან ეს არის პროვოკაცია საქართველოს მიმართ. პროვოკაციები გაგრძელდება, მით უმეტეს, უკრაინაში ასეთი ანტიქართული პროპაგანდა მიმდინარეობს 2022 წლიდან, ინტენსიური და სხვადასხვა ტყუილებით დატვირთული. თითქოს საქართველოს არანაირი დახმარება არ გაუწევია, არც პოლიტიკურ ველზე არ გამოუჩენია თავი. ეს არის ახალი მიმართულება შემოტევისა, რომელიც საქართველოს მიმართ ხორციელდება", - განაცხადა გია ვოლსკიმ.

პოლიტიკა • 1764501659

სახელმწიფო უსაფრთხოების სამსახური განცხადებას ავრცელებს. სუსი-ს თქმით, არასწორია მედიაპლატფორმებისა და კონკრეტული აქტივისტების მხრიდან, კამპანიურად გავრცელებული ინფორმაცია, თითქოს უკრაინის დაზვერვის მასალებით, საქართველოს ტერიტორიაზე არსებობს რუსეთის შეიარაღებული ძალების სპეციალური უსაფრთხო კომუნიკაციის ტერმინალების ქსელები.უსაფრთხოების სამსახური აცხადებს, რომ მათ მსგავსი ინფორმაცია, უკრაინის საგარეო დაზვერვის სამსახურიდანაც არ მიუღიათ. სუს-ის მიერ გავრცელებული ტექსტის თანახმად, უკრაინის დაზვერვამ გავრცელებულ განცხადებაში მიუთითა, რომ მსგავსი რუსული ქსელები უკრაინასთან, ფრონტის ხაზზე და აფრიკის კონტინენტზე არსებობს, თუმცა ამ განცხადებასთან ერთად გამოქვეყნებულ ფოტოზე დატანილმა ლოკაციამ, უსაფრთხოების სამსახურის განცხადებით, საქართველოს შესახებ არასწორი ინტერპრეტაციის სივრცე დატოვა.სუსი ახლა ცდილობს გაარკვიოს - რით იყო გამოწვეული განცხადებისგან განსხვავებული მასალის გავრცელება, რომელმაც საქართველოში კონკრეტულ ჯგუფებს "ცრუ და ანტისახელმწიფოებრივი კამპანიის წარმოების" საშუალება მისცა.პარლამენტის ვიცე სპიკერის განმარტებით, ეს საქართველოს მიმართ განხორციელებული პროვოკაციაა, რომელიც შემოტევის ახალი მიმათულებაა."ეს არის პროვოკაცია. არ შეიძლება ამას ბოდვა ეწოდოს, რადგან ეს არის პროვოკაცია საქართველოს მიმართ. პროვოკაციები გაგრძელდება, მით უმეტეს, უკრაინაში ასეთი ანტიქართული პროპაგანდა მიმდინარეობს 2022 წლიდან, ინტენსიური და სხვადასხვა ტყუილებით დატვირთული. თითქოს საქართველოს არანაირი დახმარება არ გაუწევია, არც პოლიტიკურ ველზე არ გამოუჩენია თავი. ეს არის ახალი მიმართულება შემოტევისა, რომელიც საქართველოს მიმართ ხორციელდება", - განაცხადა გია ვოლსკიმ.

მსოფლიო • 1764493052

სენატორი მაიკ ლი: წლების განმავლობაში ვაფრთხილებდით საზოგადოებას, რომ აშშ-ის მიერ უკრაინისთვის გამოყოფილი დახმარება კოლოსალური მასშტაბის კორუფციის დაფინანსებისთვის გამოიყენება - ამ საკითხზე მოსაუბრეებს მუდმივად დასცინოდნენ როგორც "პუტინის მოყვარულებს"

ამერიკელი სენატორი მაიკ ლი, დაეთანხმა Fox News-ის წამყვან ლორა ინგრემს, რომელმაც განაცხადა: „დიდი ალბათობით, აშშ-ს მიერ უკრაინისთვის გამოყოფილი მილიარდობით დახმარება ზელენსკის უახლოესი თანაშემწეების შვეიცარიულ კერძო ანგარიშებზე აღმოჩნდა. რა თაღლითური სქემაა. 220 მილიარდი დოლარი ფუჭად დაიხარჯა!“სენატორის განცხადებით, ვინც წლების განმავლობაში აფრთხილებდა საზოგადოებას, რომ ამერიკის მიერ გამოყოფილი დახმარებით კორუფცია ფინანსდებოდა, მათ "პუტინის მოყვარულებს" უწოდებდნენ და დასცინოდნენ. „ზოგიერთი ჩვენგანი წლების განმავლობაში აფრთხილებდა საზოგადოებას, რომ აშშ-ის მიერ უკრაინისთვის გამოყოფილი დახმარება კოლოსალური მასშტაბის კორუფციის დაფინანსებისთვის გამოიყენება.. მათ, ვინც ეს საკითხი წამოჭრა, მუდმივად დასცინოდნენ, როგორც „პუტინის მოყვარულებს“ და ადანაშაულებდნენ რუსეთის აგრესიის ხელშეწყობაში. ეს გააკეთეს "უნიპარტიამ" (ორპარტიული სისტემის ერთიანი ინტერესი) და სამხედრო-სამრეწველო კომპლექსმა.“ - წერს მაიკ ლი X-ზე.

მსოფლიო • 1764489325

"ევროპელებს ომი სურთ, ჩვენ გვინდა მშვიდობა, ცეცხლის შეწყვეტა და უსაფრთხოება. ომის სურვილის უკან ფული დგას" - ვიქტორ ორბანი

ორბანმა განაცხადა, რომ ევროპა აგრესიულ პოზიციას იკავებს, რადგან სჯერა უკრაინის სამხედრო გამარჯვების შესაძლებლობის. მისი თქმით, ომი დასავლეთის ქვეყნებისთვის სასარგებლოა და ბრიუსელის ელიტა რუსეთის დამარცხებით მოგებას ელის."ევროპელებს ომი სურთ. ჩვენ გვინდა მშვიდობა, ცეცხლის შეწყვეტა და უსაფრთხოება. ომის სურვილის უკან ფული დგას", - აღნიშნა ორბანმა.მან გააკრიტიკა დასავლეთი და განაცხადა, რომ კიევს ჯერ მხოლოდ ფინანსურ დახმარებას აწვდიდნენ, შემდეგ კი იარაღის მიწოდებაც დაიწყეს და რომ ამჟამად არსებობს განცხადებები, რომლებიც ჯარების შესაძლო განლაგებაზე მიანიშნებს."ჯერ ფული მისცეს, შემდეგ იარაღი, ახლა კი არის ფრანგული და სხვა განცხადებები ჯარისკაცების პოტენციურ განლაგებასთან დაკავშირებით", - აღნიშნა ორბანმა.მისი მტკიცებით, საბჭოთა კავშირის დაშლის შემდეგ უკრაინის სახელმწიფოებრიობა რუსეთის ინტერესებს ეწინააღმდეგებოდა, რადგან მან ნატო-ს თანამედროვე იარაღი რუსეთის საზღვრებთან მიახლოება გამოიწვია."უკრაინას აქვს საერთაშორისო უფლებები, მაგრამ რუსებსაც აქვთ საკუთარი უსაფრთხოების უფლება და არ სურთ ნატო-ს წევრების მეზობლობა", - განაცხადა უნგრეთის პრემიერ-მინისტრმა.მისი აზრით, ერთადერთი რეალისტური გზაა, უკრაინა ბუფერული სახელმწიფოს სტატუსს დაუბრუნდეს.შეგახსენებთ, ორბანი მოსკოვში იმყოფებოდა და რუსეთის ლიდერს, ვლადიმერ პუტინს შეხვდა. შეხვედრაზე მან განაცხადა, რომ უნგრეთი მზადაა უკრაინასთან დაკავშირებული მოლაპარაკებების ადგილი გახდეს.

საზოგადოება • 1764402738

ახალქალაქში ფიცის დადების ცერემონია გაიმართა

ახალქალაქის ზაზა ფერაძის სახელობის საწყისი საბრძოლო მომზადების ცენტრში სამხედრო მოსამსახურეების საწყისი საბრძოლო მომზადების კურსი დასრულდა. წვევამდელები საკონტრაქტო სამხედრო სამსახურსა და წვევამდელთა ეროვნულ სამხედრო სამსახურში 11 თვის ვადით არიან გაწვეული. ინფორმაციას თავდაცვის სამინისტრო ავრცელებს.„საკონტრაქტო სამსახურსა და წვევამდელთა ეროვნულ სამხედრო სამსახურში გაწვეულმა რეკრუტებმა სამხედრო ფიცი დადეს. საზეიმო ცერემონიალს, საწყისი საბრძოლო მომზადების კურსის ხელმძღვანელობა და რეკრუტების ოჯახის წევრები დაესწრნენ. პოლკოვნიკმა ზაქარია კალანდაძემ რეკრუტებს სიტყვით მიმართა და წარმატება უსურვა. წარჩინებულ რეკრუტებს სერტიფიკატები გადაეცათ.საწყისი საბრძოლო მომზადების კურსის ფარგლებში რეკრუტებმა შეისწავლეს პირველადი სამედიცინო დახმარება და ტაქტიკური მომზადება, ტოპოგრაფია, კავშირგაბმულობა და საცეცხლე მომზადება. დღეიდან საკონტრაქტო სამხედრო სამსახურის რეკრუტები თავდაცვის ძალების სხვადასხვა ქვედანაყოფში გადანაწილდებიან.რაც შეეხება ეროვნულ სამხედრო სამსახურში 11 თვის ვადით ჩარიცხულ წვევამდელებს, კურსის მსვლელობისას ინსტრუქტორებმა და კურსის ხელმძღვანელობამ შეაფასა მათი სამეთაურო-ლიდერული უნარჩვევები. შეფასების მიხედვით შეირჩა 33 სამხედრო მოსამსახურე გორის ეროვნული თავდაცვის აკადემიაში ოცეულის მეთაურის მომზადების 23 კვირიანი კურსის გასავლელად. დანარჩენები კი, სამეთაურო მომზადების კურსს გიორგი ანწუხელიძის სერჟანტთა აკადემიაში გაივლიან.აღსანიშნავია, რომ თავდაცვის ახალი კოდექსის ამოქმედების შემდეგ, ეროვნულ სამხედრო სამსახურში წვევამდელების 11 თვის ვადით გაწვევის ეს პირველი შემთხვევაა. წვევამდელების უმრავლესობა ნებაყოფლობით გამოცხადებული სტუდენტები და უმაღლესდამთავრებულები არიან", - აღნიშნულია ინფორმაციაში.

სამართალი • 1764400011

კახეთში დააკავეს 52 წლის კაცი, რომელმაც 18 წლის ბიჭი გულ-მკერდის არეში დაჭრა

შინაგან საქმეთა სამინისტროს კახეთის პოლიციის დეპარტამენტის გურჯაანის რაიონული სამმართველოს თანამშრომლებმა, 1973 წელს დაბადებული, წარსულში ნასამართლევი გ.ყ. განზრახ მკვლელობის მცდელობის ბრალდებით ცხელ კვალზე დააკავეს.დანაშაული 15 წლამდე ვადით თავისუფლების აღკვეთას ითვალისწინებს.გამოძიებით დადგინდა, რომ ბრალდებულმა გურჯაანის მუნიციპალიტეტში, ყოფით საკითხზე წარმოქმნილი კონფლიქტისას, 2007 წელს დაბადებული ზ.ნ. დანის გამოყენებით გულ-მკერდის არეში დაჭრა და შემთხვევის ადგილიდან მიიმალა. დაჭრილი საავადმყოფოში მოათავსეს, სადაც შესაბამისი სამედიცინო დახმარება ჩაუტარდა. პოლიციამ გ.ყ. ბრალდებულის სახით, ცხელ კვალზე დააკავა. სამართალდამცველებმა დანაშაულის ჩადენის იარაღი - დანა ნივთმტკიცებად ამოიღეს.განზრახ მკვლელობის მცდელობის ფაქტზე გამოძიება სისხლის სამართლის კოდექსის 19-108-ე მუხლით მიმდინარეობს.ინფორმაციას შსს ავრცელებს.

რჩევები • 1764360309

4 ნიშანი, რომელსაც სამყარო გვაძლევს, რომ მივხვდეთ, გვერდით მყოფი პარტნიორი ბედისწერა არ არის

სამყაროს ძირითადი მინიშნებები, რომლებიც მიუთითებს, რომ თქვენი პარტნიორი არ არის განწირულიშეშფოთებული იღვიძებთ და სიცარიელის შეგრძნებით იძინებთ. თითქოს იბრძვით სიყვარულისთვის, რომელიც ბუნებრივად უნდა მოვიდეს, ცდილობთ გაამართლოთ ის, რასაც გამართლება არ სჭირდება. და თუ შეამჩნევთ, რომ დაძაბულობა თქვენს ნორმად იქცა, შესაძლოა ეს დამთხვევა არ იყოს. ზოგჯერ სამყარო თავად ქმნის ნიშნებს, რათა შეგვაჩეროს, დაგვიცვას დამანგრეველი ურთიერთობისგან და წაგვიყვანოს ჩვენი ნამდვილი მიზნისკენ.ასტროლოგი გვიზიარებს დახვეწილ, მაგრამ ზუსტ მინიშნებებს, რომლებიც მიუთითებს, რომ თქვენს გვერდით მყოფი ადამიანი თქვენი არ არის.რატომ ვერ ვამჩნევთ ნიშნებს„ხალხი ხშირად კითხულობს: „როგორ გავიგო, რომ ეს ჩემი ადამიანი არ არის?“ - ჩვენ გვეშინია შეცდომის დაშვების, მარტოობის, ცვლილების. ამიტომ ხშირად უგულებელვყოფთ ყველაზე აშკარა მინიშნებებს.მაგრამ სამყარო ყოველთვის ზრუნავს ჩვენზე. თავიდან ის ჩურჩულებს, შემდეგ უფრო ხმამაღლა საუბრობს და შემდეგ - თუ თვალების დახუჭვას გავაგრძელებთ - ის უბრალოდ არღვევს ჩვენს ნაცნობ სამყაროს, გვაიძულებს გავჩერდეთ.აი, ზუსტად ის სიგნალები, რომლებიც მიუთითებს, რომ თქვენი პარტნიორი თქვენი ბედისწერა არ არის.სამყაროს მთავარი მინიშნებები იმის შესახებ, რომ არასწორ გზაზე დგახართ1. მუდმივად დაბალი ენერგიაეს ერთ-ერთი ყველაზე ზუსტი და ნათელი მარკერია.შეხვედრების, საუბრების და თუნდაც მოკლე ინტერაქციების შემდეგ, თავს ცარიელად გრძნობთ, თითქოს გამოგწურეს.ჯანსაღი ურთიერთობები ძალას გაძლევთ.ცუდი ურთიერთობები გცლით და ემოციურ ნარჩენებზე მცხოვრებ ადამიანად გაქცევთ.თუ პარტნიორთან ერთად აყვავების ნაცვლად ქრებით, ეს ბედისწერის სიყვარული არ არის; ეს ჩიხია.2. სიყვარულისთვის უნდა იბრძოლოთმუდმივად რაღაცას ამტკიცებთ: თქვენს ღირებულებას, თქვენს მნიშვნელობას, თქვენს ერთგულებას. ებრძვით მის შიშებს, მის წარსულს, მის სიცივეს, მის გულგრილობას.მაგრამ გულწრფელად ჰკითხეთ საკუთარ თავს:თუ სიყვარული ომია, იქნებ არასწორი ადამიანისთვის იბრძვით?ნამდვილი ურთიერთობები ბუნებრივად მოდის.თუ გრძნობთ, რომ ციხესიმაგრეს ესხმით თავს, ეს თქვენი ციხესიმაგრე არ არის.3. თქვენი ინტუიცია განგაშის ზარებს რეკავს.ეს მშვიდი, მაგრამ დაჟინებული შინაგანი ხმა ჩურჩულებს: „რაღაც არ არის რიგზე“.ლოგიკას შეუძლია გაამართლოს, შიშმა შეიძლება შეგაკავოთ, ჩვევამ კი შეიძლება დაგაბრმაოთ.მაგრამ შფოთვა არ ქრება. ის თქვენი ცხოვრების ფონად იქცევა.ეს თქვენი უმაღლესი მეს საუბარია.და ის გაფრთხილებთ: თქვენ ილუზიაში იკარგებით.4. თქვენს გარშემო არსებული სამყარო იწყებს „დაშლას“.ეს ერთ-ერთი ყველაზე ძლიერი ნიშანია.პარტნიორის მოსვლას თან ახლავს:მუდმივი ჩხუბი საყვარელ ადამიანებთან,ჯანმრთელობის მკვეთრი გაუარესება,ფინანსური სირთულეები,გეგმების ნგრევა,უცნაური, უსიამოვნო მოვლენების სერია.ამგვარად, სამყარო სიტყვასიტყვით ბლოკავს გზას, რომელიც თქვენი არ არის. ის ქმნის დაბრკოლებებს, რათა ხელი შეგიშალოთ დესტრუქციულ კავშირში ძალიან შორს წასვლაში.კარმული ხაფანგი: რა არის „უბედურების ბეჭედი“ სინასტრიაში?ასტროლოგები თავსებადობის შეფასებისას სპეციალურ ფორმულებს იყენებენ.ერთ-ერთ მათგანს „უბედურების ბეჭედი“ ეწოდება — კარმული კვანძი, რომელიც ადამიანებს მტკივნეულ, დამანგრეველ კავშირში აკავებს.ეს მხოლოდ რთული ურთიერთობა არ არის.ეს არის კავშირი, რომელიც ააქტიურებს ყველაზე ღრმა ტრავმებსა და ჭრილობებს, სიყვარულს ემოციურ დამოკიდებულებად აქცევს.ასეთი ურთიერთობის საშიში ნიშნები:ირაციონალური, თითქმის მტკივნეული ვნება.„გატეხილი სულების“ კავშირი, რომელიც ტკივილსა და დამოკიდებულებაზეა აგებული. „მსხვერპლ-ჯალათის“ ურთიერთობა.პარტნიორის კონტროლის, ჩახშობისა და ხელახლა შექმნის სურვილი.აღტაცებისა და ემოციური კეთილდღეობის ნაკლებობა.უსაფუძვლო კამათი, ეჭვიანობა და უხეშობა.ინტიმური შეუთავსებლობა.დაშორება შეუძლებელი ჩანს: ერთად მტკივნეულია და ცალ-ცალკე საშიში.როგორ ვლინდება „უბედურების ბეჭედი“ წყვილის ცხოვრებაშიროგორც ჩანს, თქვენ ერთმანეთის ყველაზე ცუდ თვისებებს ასახავთ.ურთიერთობა ციკლს იმეორებს:ჩხუბი → მტკივნეული შერიგება → ხანმოკლე ჩახუტება → კიდევ ერთი ჩხუბი. ერთად, ობიექტურად უარეს მდგომარეობაში ხართ: ნაკლები წარმატება, მეტი სტრესი, მეტი ავადმყოფობა.თქვენ არა სიყვარულით, არამედ მარტოობის, მოვალეობის ან დანაშაულის შიშით ხართ შეკრული.ეს ერთ-ერთი ყველაზე რთული კარმული გაკვეთილია.მაგრამ მაინც, ეს არ არის სიკვდილის განაჩენი.შესაძლებელია ასეთი ურთიერთობის განკურნება?დიახ, მაგრამ მხოლოდ იმ შემთხვევაში, თუ ორივე პარტნიორმა:გააცნობიერა ურთიერთობის დესტრუქციულობა,მზად არიან ღრმა ფსიქოლოგიური სამუშაოსთვის,აიღეს პასუხისმგებლობა და არა ბრალის გადაბრალება,შეძლეს ურთიერთობის ძლიერი ენერგიის შემოქმედებით საქმიანობაში - შემოქმედებაში, სხვების დახმარებაში, თვითგანვითარებაში - მიმართვა.თუ ერთი პარტნიორიც კი მოუმზადებელია, ურთიერთობა განწირულია დესტრუქციული ციკლის განმეორებისთვის.მოუსმინეთ საკუთარ თავს და სამყაროს.თქვენი სხეული, თქვენი ენერგია და თავად თქვენი ცხოვრება ყოველთვის გაძლევთ ნიშნებს.თუ რამდენიმე პუნქტში ამოიცნობთ საკუთარ თავს, ეს არ არის პანიკის მიზეზი, არამედ საკუთარ თავთან გულწრფელი საუბრის მიზეზი.ასტროლოგები ასეთ სიტუაციებში გვირჩევენ, შემთხვევით არ გამოვიცნოთ, არამედ მივმართოთ თავსებადობის კონსულტაციას (სინასტრიას), რათა გავიგოთ კავშირის ნამდვილი ბუნება.ზოგჯერ სამყარო ძალიან ნაზად გველაპარაკება.ზოგჯერ - ხმამაღალი შოკებით.მაგრამ მისი მიზანი ყოველთვის ერთი და იგივეა: მიგიყვანოთ იმ ადგილას, სადაც შეგიძლიათ იყოთ ბედნიერი.

სოციალური თემა • 1764352631

2026 წლიდან, ახალშობილ ტყუპისცალზე 2000 ლარი გაიცემა... - აჭარაში ახალშობილი ტყუპების ოჯახების ერთჯერადი მატერიალური დახმარება იზრდება

აჭარის ჯანმრთელობისა და სოციალური დაცვის სამინისტროს ცნობით, აჭარაში ახალშობილი ტყუპების ოჯახების ერთჯერადი მატერიალური დახმარება იზრდება:"აჭარის ჯანმრთელობისა და სოციალური დაცვის სამინისტრო ზრდის ახალშობილი ტყუპების ოჯახების ერთჯერად მატერიალურ დახმარებას. 2026 წლიდან, ტყუპისცალზე გასაცემი თანხა 2 000 ლარამდე, ხოლო პროგრამის ბიუჯეტი 300 000 ლარამდე გაიზრდება. შესაბამისად, ორი ტყუპის შემთხვევაში (ორი ბავშვი) 4000 ლარი გაიცემა, სამი ბავშვის (ტყუპის) შემთხვევაში - 6000 ლარი.ახალშობილი ტყუპების ოჯახების მატერიალური დახმარების პროგრამა სახელმწიფო დემოგრაფიული პოლიტიკის ნაწილია და მიზნად ისახავს, შობადობის ხელშეწყობას, მშობლების ფინანსურ მხარდაჭერას და ბავშვების აღზრდის პირობების გაუმჯობესებას.2025 წელს, პროგრამით ისარგებლა 43-მა ოჯახმა, დაიბადა 87 ბავშვი, მათ შორის ერთ ოჯახში 3 ტყუპი".

მსოფლიო • 1764268207

ცნობილ სათხილამურო კურორტზე ზვავი ჩამოწვა, არის მსხვერპლი, მიმდინარეობს დაკარგული ადამიანების ძებნა

ავსტრიის ერთ-ერთ უდიდეს სათხილამურო კურორტზე დღეს მასშტაბური სამძებრო ოპერაცია დაიწყო მას შემდეგ, რაც რამდენიმე მოთხილამურე უზარმაზარმა ზვავმა დაფარა.ჩინოვნიკების ცნობით, ზვავის ჩამოწოლა დღეს დილით, დაახლოებით 9:30 საათზე, დაუნშარტის უღელტეხილის მახლობლად, სტუბაის მყინვარზე მონიშნული ტრასების მიღმა მდებარე ღია ტერიტორიაზე მოხდა.ვიდეოში ჩანს, როგორ ცდილობენ მოთხილამურეები სასოწარკვეთილად გაექცენ ზვავს, რომელიც მყინვარზე ჩამოვარდება.ტრასის გარეთ მდებარე ამ მონაკვეთში რამდენიმე მოთხილამურე იმყოფებოდა, რამაც, პოლიციის ცნობით, ზვავი გამოიწვია. კურორტის #9 ტრასის ქვედა ნაწილიც გიგანტურ თოვლის კედელში გაიხლართა და დაუყოვნებლივ დაიხურა.ადგილობრივი მედიის ცნობით, თოვლში ნაწილობრივ დამარხული სულ მცირე ცხრა ადამიანი გადაარჩინეს, რომელთაგან სამი ვერტმფრენით საავადმყოფოში გადაიყვანეს. მათი დაზიანებების სიმძიმე ჯერ კიდევ უცნობია. სათხილამურო კურორტის ოპერატორის თქმით, ზოგიერთმა მოთხილამურემ ზვავის საწინააღმდეგო აირბალიშები გამოიყენა.ამჟამად მიმდინარეობს მასშტაბური სამძებრო-სამაშველო ოპერაცია მეწყერის დამატებითი მსხვერპლის მოსაძებნად, რომელიც მაშინ მოხდა, როდესაც მოთხილამურეთა რამდენიმე ჯგუფი უღელტეხილზე იმყოფებოდა.ადგილობრივი მედიის ცნობით, სამძებრო სამუშაოებში დაახლოებით 250 ადამიანი მონაწილეობდა.დაშავებული მოთხილამურეების დასახმარებლად ადგილზე მინიმუმ ორი სამედიცინო ვერტმფრენი გაიგზავნა, ასევე პოლიციის ვერტმფრენიც მობილიზებული იყო, რათა ხელისუფლებამ გამოძიების ჩატარება შეძლოს.დასახმარებლად ასევე გაგზავნეს მთის სამაშველო ჯგუფები ახლომდებარე ქალაქებიდან - ნოიშტიფტიდან და ზელდენიდან, ასევე მაძებარი ძაღლები.მაშველებს ასევე ეხმარებიან გერმანელი და პოლონელი სამხედროები.ბოლო დღეებში ტერიტორიაზე ძლიერი თოვლი და ძლიერი ქარი იყო, რის შედეგადაც, ორ ფუტზე მეტი ახალი თოვლი მოვიდა.შტუბაის მყინვარი ავსტრიის უდიდესი მყინვარული სათხილამურო კურორტია, რომელიც დედაქალაქ ინსბრუკიდან დაახლოებით 50 წუთის სავალზე მდებარეობს. ტრასები ზღვის დონიდან თითქმის 3150 მეტრის სიმაღლეზე იწყება.კურორტი 2025/26 წლების სათხილამურო სეზონისთვის მხოლოდ გასული თვის დასაწყისში გაიხსნა.ამ თვის დასაწყისში, კურორტზე მომხდარი ავარიის შედეგად 20 წლის ბელგიელი მოთხილამურე მძიმედ დაშავდა.კაცი მე-7 ფერდობის, დაუნფერნერის მარჯვენა კიდიდან ჩამოცურდა და თოვლით დაფარულ რამდენიმე კლდეს შეეჯახა.მას თავის სერიოზული დაზიანება და სხეულის მრავლობითი დაზიანებები აღენიშნებოდა.პოლიციის ცნობით, მას იმ დროს ჩაფხუტი არ ეკეთა. გამვლელმა მოთხილამურემ შენიშნა იგი, პირველადი დახმარება გაუწია და სამაშველო სამსახური გამოიძახა.შემდეგ ის კრიტიკულ მდგომარეობაში ვერტმფრენით ინსბრუკის უნივერსიტეტის საავადმყოფოში გადაიყვანეს. - წერს უცხოური მედია

მსოფლიო • 1764258360

POLITICO: მომავალ წელს ევროკომისია ფინანსურ დახმარებას გაუწევს ბალტიისპირეთის ქვეყნებს, რომლებმაც რუსეთის წინააღმდეგ ევროკავშირის სანქციების შედეგად თანამდევი ეკონომიკური ზარალი განიცადეს

მომავალ წელს ევროკომისია ფინანსურ დახმარებას გაუწევს ბალტიისპირეთის ქვეყნებს, რომლებმაც რუსეთის წინააღმდეგ ევროკავშირის სანქციების შედეგად თანმდევი ეკონომიკური ზარალი განიცადეს. ინფორმაციას ამის შესახებ გამოცემა POLITICO ავრცელებს.„რეგიონი განსაკუთრებით მძიმე დარტყმას განიცდის ტურიზმისა და ინვესტიციების შემცირების, ასევე საზღვრისპირა ვაჭრობის კოლაფსის გამო“, - წერს გამოცემა POLITICO.რეგიონული პოლიტიკის საკითხებსი ევროკომისარი, რაფაელე ფიტო ხელმძღვანელობს გეგმას, რომლის მიზანია ფინეთისა და მისი ბალტიისპირელი მეზობლების ეკონომიკის გააქტიურება.აღნიშნული ქვეყნები ასევე სურვილების გრძელი სიით მიემართებიან ბრიუსელში, იმ იმედით, რომ ფიტოს გეგმა მათ ეკონომიკას კვლავ გააცოცხლებს.მათი საკითხი ცენტრალურ ადგილს დაიკავებს აღმოსავლეთ ევროპის ქვეყნების ლიდერების სამიტზე, რომელიც ჰელსინკში 16 დეკემბერს გაიმართება.ევროკომისიის უახლესი პროგნოზის თანახმად, მოსალოდნელია, რომ ესტონეთის ეკონომიკა 2025 წელს მხოლოდ 0.6 პროცენტით გაიზრდება - რაც მნიშვნელოვნად ჩამორჩება ევროკავშირის საშუალო მაჩვენებელს - იმის მიუხედავად, რომ ეკონომიკური აქტივობა 2026 და 2027 წლებში სავარაუდოდ გაუმჯობესდება.

მსოფლიო • 1764192579

ზელენსკი აცხადებს, რომ ურსულა ფონ დერ ლაიენთან გაყინული რუსული აქტივების უკრაინის თავდაცვის მიზნით გამოყენების საკითხი განიხილა

უკრაინის პრეზიდენტმა, ვოლოდიმირ ზელენსკიმ ევროკომისიის პრეზიდენტ ურსულა ფონ დერ ლაიენთან სატელეფონო საუბარი გამართა. ამის შესახებ ზელენსკი საკუთარ სოციალურ ქსელში წერს.უკრაინის პრეზიდენტმა აღნიშნა, რომ ურსულა ფონ დერ ლაიენს მადლობა გადაუხადა ევროპარლამენტში გამოსვლისას უკრაინის მხარდამჭერი გზავნილებისთვის.„რუსეთი ვიდრე განაგრძობს ყველა სამშვიდობო მცდელობის უარყოფას, მის წინააღმდეგ სანქციები უნდა გაძლიერდეს და უკრაინისთვის თავდაცვითი და ფინანსური დახმარება უნდა გაგრძელდეს“, – წერს ზელენსკი.ვოლოდიმირ ზელენსკის თქმით, სატელეფონო საუბრისას განიხილეს გაყინული აქტივების საკითხიც.„განვიხილეთ არსებული დიპლომატიური სიტუაცია და ევროკავშირის სამუშაოები გადაწყვეტილებაზე, რომელიც გაყინული რუსული აქტივების უკრაინის თავდაცვის მიზნით გამოყენებას ეხება“, – აღნიშნავს უკრაინის პრეზიდენტი.

პოლიტიკა • 1764177989

„ციხის სამედიცინო სამსახური წამების სისტემის ნაწილია და არაფერი ჰუმანიტარული მათ არ შერჩენიათ“ - მიხეილ სააკაშვილი

„ეს სისტემა 100% დაინგრევა და ექიმები, როგორც რეპრესიული სისტემის ნაწილი, პასუხს აგებენ სხვებთან ერთად“ - ამის შესახებ რუსთავის ციხეში გადაყვანილი მიხეილ სააკაშვილი წერს.„წინა ყოფნისას რუსთავის საპყრობილეში ერთადერთი ნათელი წერტილი იყო სამედიცინო პერსონალი, რომელიც ყოველთვის თბილად მხვდებოდა, მიღიმოდა, მამხნევებდა და ზრუნავდა ჩემს ჯანმრთელობაზე. მოწამვლის შემდეგ გვიან ღამით პირველი დახმარება მათ აღმომიჩინეს.გამიხარდა, რომ აქ უკან მოყვანისას პირველ საღამოს სწორედ ისინი დამხვდნენ, თუმცა მეორე დილასვე ჩამომაშორეს ჩემი ძველი ნაცნობები და შემოიყვანეს დაშინებული, კრიჭაშეკრული, სრულიად არაკომპეტენტური ქოც-მედიკოსები, რა სამარცხვინოა!მართალი არიან გიორგი ახობაძე და სხვა პოლიტპატიმრები, ციხის სამედიცინო სამსახური წამების სისტემის ნაწილია და არაფერი ჰუმანიტარული მათ არ შერჩენიათ.ამათი ახლად გამოცხობილი კაციჭამიური ლოზუნგია „ნულოვანი თანაგრძნობა პოლიტპატიმრების“. აი დღეს დილითაც, მას შემდეგ, რაც „სამედიცინო“ მომსახურებაზე უარი ვთქვი, შემოვიდა ერთი კონცლაგერის „ექიმი“ და დამიწყო მორალის კითხვა. თან გამომიცხადა, რომ ჩემი მოწამვლა, რომელიც დაადასტურა ამერიკულმა და გერმანულმა ლაბორატორიებმა, ამერიკელმა და ევროპელმა ექიმებმა, თურმე ტყუილია.ეს „ექიმი“ იქცეოდა არაკომპეტენტურად და პროვოკაციულად, როგორც ჯერ კიდევ ვივამედში, ევროსაბჭოს წამების კომისამ დაწერა დასკვნა, რომ სამედიცინო გადაწყვეტილებებს ექიმები კი არა რეპრესიული აპარატი იღებდა და აქაური ექიმები საერთოდ, როგორც სუსის ოფიცრები ისე იქცევიან. ეს სისტემა 100% დაინგრევა და ექიმები, როგორც რეპრესიული სისტემის ნაწილი, პასუხს აგებენ სხვებთან ერთად“, - წერს მიხეილ სააკაშვილი.