„ტემპერატურა მოიმატებს“ - როგორი ამინდია მოსალოდნელი საქართველოში უახლოეს დღეებში

საქართველოში უახლოეს დღეებში ამინდის გაუმჯობესება და ტემპერატურის მატებაა მოსალოდნელი. გარემოს ეროვნული სააგენტოს პროგნოზის მიხედვით, 9 სექტემბერს ქვეყნის ცალკეულ რაიონებში მცირე წვიმაა შესაძლებელი, თუმცა მომდევნო დღეებში ამინდი უფრო თბილი და სტაბილური გახდება.

10 სექტემბერს დასავლეთ და აღმოსავლეთ საქართველოში ჰაერის ტემპერატურა დღის საათებში დაახლოებით 24-28 გრადუსის ფარგლებში იქნება.

11-12 სექტემბერს დათბობა გაგრძელდება და რიგ რაიონებში ტემპერატურა 28-30 გრადუსს მიაღწევს.

13-15 სექტემბერს ქვეყნის აღმოსავლეთ ნაწილში ტემპერატურა კიდევ მოიმატებს. თბილისში, მაგალითად, 13-14 სექტემბერს დაახლოებით 30 გრადუსია მოსალოდნელი, 15 სექტემბერს კი 31 გრადუსამდე დათბება.