„საკმაოდ რთულია მიხვდე, რეალურად მღერის თუ არა მონაწილე“ - თაკო ფხაკაძე

„რუსთავი 2-მა“ 4 სექტემბერს ახალი სეზონი ახალი გადაცემებით დაიწყო. არხმა, ტრადიციულად, ერთგული მაყურებლისთვის ის მეგაპროექტები მოამზადა, რომელიც საერთაშორისო წარმატებული შოუების ანალოგია და მილიონობით მაყურებელი ჰყავს.

ერთ-ერთი ასეთია „გვაჩვენე შენი ხმა“ - ეს არის კორეული სატელევიზიო შოუ. გადაცემის მთავარი პრინციპის მიხედვით, ჟიურიმ უნდა გამოიცნოს, შეუძლია თუ არა სიმღერა მის წინ მდგარ მონაწილეს.

ჟიურის წევრები არიან: პაატა გულიაშვილი, თამარ ფხაკაძე, ავთო გვასალია და გიგი დედალამაზიშვილი.

„შუადღის“ ეთერში გადაცემის შესახებ ისაუბრეს.  ჟიურის წევრი, „რუსთავი 2-ის“ მმართველი დირექტორი, თაკო ფხაკაძე ამბობს, რომ საკმაოდ რთულია მიხვდე რეალურად მღერის თუ არა მონაწილე. 

„ჩემთვის ძალიან რთულია მიხვდე, ნამდვილად მღერის თუ არა მონაწილე. შესაბამისად პროექტში მონაწილეობს ექვსი პერსონაჟი, რომელიც აბსოლუტურად უემოციოდ დგანან და ჩვენ უნდა შევაფასოთ მათი ფონოგრამაზე ნამღერი და მივხვდეთ ის რეალურად მღერის თუ ვერ მღერის“,- ამბობს თაკო ფხაკაძე. 

ნახეთ, დეტალურად ვიდეო:

ასევე ნახეთ:

„გვაჩვენე შენი ხმის“ ჟიურის წევრების ვინაობა ცნობილია

„ვაცხადებ სრულ მობილიზაციას...“ - ალექსანდრა პაიჭაძე

დავით კოდუა მეუღლეს შეურიგდა? - რა ფოტოს ავრცელებს ოჯახი