რუსთაველის გამზირზე დასუფთავების სამუშაოები მიმდინარეობს - ათონელის რეზიდენციასთან კი ექსპერტ-კრიმინალისტები მუშაობენ

რუსთაველის გამზირზე საპროტესტო აქცია დასრულებულია. ადგილზე "თბილსერვისის" თანამშრომლებმა მუშაობა დაიწყეს, მანამდე კი საავტომობილო მოძრაობა გაიხსნა.

გარდა ამისა, ათონელის რეზიდენციის მიმდებარე ტერიტორია სრულად არის შემოსაზღვრული ყვითელი ლენტით, ადგილზე საგამოძიებო მოქმედებები მიმდინარეობს. ექსპერტ-კრიმინალისტები ასურათებენ იმ ტერიტორიას, რომელიც დღეს მოვლენა ეპიცენტრი იყო.

ასევე, აღსანიშნავია, რომ თავისუფლების მოედანზე დამონტაჟებული სცენის კონსტრუქციაც დაშლილია.