„არ არის შორს ის დღე, როდესაც დღის წესრიგში დავაყენებთ მისი უწმინდესობის კანონიზაციის საკითხს... ჩვენ უკვე გვაქვს განკურნებისა და სასწაულების მოხდენის შემთხვევები. მიდით, სთხოვეთ და ნახავთ“ – მეუფე ნიკოლოზ ფაჩუაშვილი

არ არის შორს ის დღე, როდესაც დღის წესრიგში დავაყენებთ მისი უწმინდესობის კანონიზაციის საკითხს, – ამის შესახებ ახალქალაქის, კუმურდოსა და კარის მიტროპოლიტმა, მეუფე ნიკოლოზმა ჟურნალისტებთან განაცხადა. აღნიშნული განცხადება მეუფე ნიკოლოზმა მედიასთან პატრიარქის სამოქალაქო პანაშვიდზე, სამებაში გააკეთა.

„მნიშვნელოვანია მასთან ახლოს მისვლა და შეხება მის სხეულთან, საფლავთან. ბევრჯერ ვთქვი და კიდევ ერთხელ მინდა გავიმეორო: არ არის შორს ის დღე, როდესაც ჩვენ მისი უწმინდესობის კანონიზაციის საკითხს დავაყენებთ. არგუმენტი, გარდა საყოველთაო თაყვანისცემისა, რაც წმინდანობის ერთ-ერთი მთავარი ნიშანია, ჩვენ უკვე გვაქვს განკურნებისა და სასწაულების მოხდენის შემთხვევები. მიდით, სთხოვეთ და ნახავთ…“, – აღნიშნა მან.

საქართველოს კათოლიკოს-პატრიარქი ილია მეორე 93 წლის ასაკში, 17 მარტს, 22:10 საათზე კავკასიის მედიცინის ცენტრში გარდაიცვალა. 17 მარტს დილით საპატრიარქომ გაავრცელა ინფორმაცია, რომ პატრიარქი კლინიკაში შინაგანი სისხლდენით გადაიყვანეს. მისი გადარჩენა ვერ მოხერხდა.

ილია მეორეს, კვირას, 22 მარტს, სიონის საკათედრო ტაძარში დაკრძალავენ