საქალაქო სასამართლოში ბაია პატარაიას გამოკითხვა მიმდინარეობს

ამ წუთებში საქალაქო სასამართლოში ბაია პატარაიას გამოკითხვა მიმდინარეობს.

არასამთავრობო ორგანიზაცია „საფარის“ ხელმძღვანელი გამოძიების კითხვებს პროკურატურაში მიმდინარე გამოძიების ფარგლებში პასუხობს. საქმე ეხება საბოტაჟს, მტრულ საქმიანობას და კონსტიტუციური წყობილების წინააღმდეგ მოქმედებას.

შეგახსენებთ, რომ შვიდი არასამთავრობო ორგანიზაციის საბანკო ანგარიშებს ყადაღა დაედო. პროკურატურაში გამოძიება საბოტაჟის, დამამძიმებელ გარემოებაში საბოტაჟის მცდელობის, უცხოეთის ორგანიზაციისათვის და უცხოეთის კონტროლს დაქვემდებარებული ორგანიზაციისათვის მტრულ საქმიანობაში დახმარების და კონსტიტუციური წყობილების და ეროვნული უშიშროების საფუძვლების წინააღმდეგ მიმართული საქმიანობისთვის ფინანსების მობილიზების ფაქტზე მიმდინარეობს.