ქალს, რომელიც ორ ძაღლს აშიმშილებდა, 12-კვირიანი პირობითი პატიმრობა და ცხოველების ფლობის განუსაზღვრელი ვადით აკრძალვა მიესაჯა (უცხოეთი)

დიდ ბრიტანეთში, ქალს, რომელიც ორ ახალგაზრდა გერმანულ ნაგაზს აშიმშილებდა 12-კვირიანი პირობითი პატიმრობა და ცხოველების ფლობის განუსაზღვრელი ვადით აკრძალვა მიესაჯა. ინფორმაციას BBC ავრცელებს.

70 წლის სილვია ვუდვორდი აცხადებს, რომ ძაღლები, სემი და მერლინი, მისი სახლიდან, მალტონის მახლობლად გაუჩინარდნენ, შემდეგ კი ადგილობრივმა მამაკაცმა "ცუდ მდგომარეობაში“ დაუბრუნა.

ვუდვორდი, რომელიც ამჟამად ჰოვინგჰემში, "მწვანე სასტუმროში“ ცხოვრობს, 4 სექტემბერს იორკის სამაგისტრო სასამართლომ ცხოველთა კეთილდღეობის შესახებ კანონის დარღვევის აღიარების შემდეგ გაასამართლა.

პირობითი სასჯელის განხილვისას, მაგისტრატებმა განაცხადეს, რომ "ორივე ცხოველს რამდენიმე თვის განმავლობაში საკვებისა და წყლის ნაკლებობის გამო უკიდურესი ტანჯვა მიადგა“.

სასამართლომ ვუდვორდს 154 ფუნტის ოდენობის დამატებითი თანხის გადახდა დაავალა დაზარალებულთა მომსახურების დასაფინანსებლად და 400 ფუნტის ოდენობის დამატებითი თანხის გადახდა სასამართლო ხარჯებისთვის.