საკუთარ თავს ზოგჯერ დაგვიანების უფლება მიეცით - გიორგი ღოღობერიძე ამ ქცევის სასარგებლო სამედიცინო მხარეზე საუბრობს

„როგორადაც არ უნდა გეჩქარებოდეს და როგორი სახითაც არ უნდა გელოდებოდეს უფროსი სამსახურში, სადაც არ უნდა მიდიოდეთ, ლექციაზე, პაემანზე თუ ოფისში, დაგვიანება სჯობს და აგიხსნი რატომ, როგორია  ამ ქცევის სამეცნიერო ახსნა“ - ამბობს ექიმი გიორგი ღოღობერიძე და „ზოგჯერ დაგვიანების“ დადებით მხარეზე საუბრობს.

„როცა გვაგვიანდება ჩვენ ავტომატურად ვართ სტრესში, თავის ტვინში არის უბანი ამიგდალა, რომელიც ააქტიურებს ჰიპოთალამუს და ეგ კიდევ თავის მხრივ ჩვენს ორგანიზმში ეგრევე ფეხზე დააყენებს სიმპატიკურ ნერვიულ სისტემას, რომელიც ორი ჰორმონის დონეს აწევს ჰაერში. ერთი ეპინეფრინი და მეორე კორტიზოლი. ეს ორი ჰორმონი პასუხისმგებელია სტრესზე, რომ ჩვენ მას მარტივად გავუმკლავდეთ. მაგრამ ამავე დროს ბლოკავენ ჩვენს თავში არსებულ ცენტრს, რომელიც გვეხმარება სწორად დავგეგმოთ, გავიაზროთ, სწორი ნაბიჯები გადავდგათ. იმ დროს როცა ჩვენ სტრესში ვართ და ბევრი ბევრი სისხლში ზემოთ ნახსენები ჰორმონები, ეს უბანი გამოირთვება და ამ დროს ხშირად ან ტელეფონი გვავიწყდება, ან გასაღები ან კიდევ ოთო გვრჩება ჩართული. ამიტომ გირჩევთ ზოგჯერ  დააგვიანეთ“  -ამბობს ექიმი ვიდეოში.