როგორ აღადგინოთ რეჟიმი დღესასწაულების შემდეგ, თუ სამსახურში გახვედით

არდადეგების შემდეგ ძნელია ფორმაში ჩადგომა და სამუშაო განწყობის შექმნა. ჩვენ გეტყვით, როგორ დაუბრუნდეთ ჩვეულ რიტმს და აღადგინოთ რეჟიმი.

ზოგადად, სადღესასწაულო ზეიმი არც თუ ისე კარგად ჯდება თქვენი ჯანსაღი ცხოვრების წესში: ძალიან ბევრი საკვები და ძალიან ცოტა ძილი. იდეალურ შემთხვევაში, იმისათვის, რომ რუტინიდან არ გამოსულიყავით, 1 იანვარს უნდა დაგეძინათ ჩვეულ დროს, თუმცა ეს, როგორც წესი, არ გამოდის. ყველაზე ხშირად ვიძინებთ დაახლოებით 2-3 საათზე.

თუ ადამიანი ჩვეულებრივ 11-12 საათზე იძინებს, ხოლო საახალწლო არდადეგებზე დილის 2-3 საათზე, ეს იწვევს ჰორმონალურ ცვლილებებს, რომლებიც გავლენას ახდენენ არტერიულ წნევაზე. გარდა ამისა, ცირკადული რიტმის ცვლილება საფრთხეს უქმნის კონცენტრაციის უნარს, უძილობას, გულისა და კუჭ-ნაწლავის ტრაქტს, ასევე, იწვევს შფოთვას და დეპრესიას. გარდა ამისა, ძილის დროს წარმოიქმნება ციტოკინები, რომლებიც აუცილებელია იმუნური სისტემის ფუნქციონირებისთვის.

„ამიტომ რუტინის დაცვა ჭკვიანური ნაბიჯია თქვენს ჯანმრთელობაზე ზრუნვაში. მოზრდილებისთვის ადეკვატური ძილი უზრუნველყოფს კომფორტს და კეთილდღეობას. ბავშვებისთვის ნერვული სისტემის გამართულ ფუნქციონირებას“, – აღნიშნავს ნევროლოგი.

 
რუტინის აღდგენა უნდა მოხდეს ეტაპობრივად, მაგალითად, 15-30 წუთით ადრე უნდა დაიძინოთ. ასევე, ღირს დღის ძილზე უარის თქმა, რაც საბოლოოდ ხელს უშლის საღამოს ძილს. ასაკიდან გამომდინარე, ადამიანს 7-8 საათი სჭირდება ძილი, ძილი კი ორ ფაზად იყოფა: სწრაფი და ნელი, რომლებიც ცვლიან ერთმანეთს მთელი ღამის განმავლობაში. ნელი ძილის ფაზაში წარმოიქმნება ანტიოქსიდანტები, მელატონინი, ტესტოსტერონი და დეჰიდროეპიანდროსტერონი. ისინი აუცილებელია ქიმიური ბალანსის აღსადგენად, უჯრედებისა და ქსოვილების ფორმირებისთვის, ძვლების, კუნთების და იმუნური სისტემის გასაძლიერებლად. ხოლო სწრაფი ძილის ფაზაში აღდგება გონებრივი ფუნქციები: ტვინი ამუშავებს და ინახავს დღის განმავლობაში მიღებულ ინფორმაციას.

იმისათვის, რომ კარგად დაიძინოთ, უნდა დაიძინოთ გრილ ოთახში, სიბნელესა და სიჩუმეში, უმჯობესია თავი აარიდოთ გაჯეტებს ძილის წინ მინიმუმ ნახევარი საათით ადრე, წინააღმდეგ შემთხვევაში მათი შუქი ხელს შეუშლის ძილის ჰორმონის - მელატონინის გამომუშავებას.