უფრო ამკაცრებენ გამჭვირვალობის კანონს, თურმე დაცვა უნდა მოხდეს უცხოური ჩარევისგან ევროპაში და საქართველოში ეს საჭირო არ არის, ორმაგი სტანდარტი უკვე აშკარაა - გურამ მაჭარაშვილი

 ორმაგი სტანდარტი და უსამართლო დამოკიდებულების მორიგი მაგალითი საქართველოს მიმართ - მმართველ გუნდში კიდევ ერთხელ აფასებენ ევროპარლამენტის გადაწყვეტილებას, რომელიც "გამჭვირვალობის კანონის" გამკაცრებას და გარე ჩარევების გამო, ახალი ზომების მიღებას ეხება.

თბილისში აცხადებენ, რომ ბრიუსელი სხვას ედავება იმას, რასაც თვითონ აკეთებს.

ევროპარლამენტის გადაწყვეტილებით, ევროკავშირის ყველა ქვეყანას მოუწევს შექმნას ლობისტების რეესტრი, მათ ეკისრებათ ვალდებულება ახსნან დაფინანსებისა და გრანტების წარმომავლობა და დანიშნულება.

"ორმაგი სტანდარტი უკვე აშკარაა და ქართულმა საზოგადოებამ დაინახა. ჯერ კიდევ "გამჭვირვალობის კანონი", ჩვენ" "ხალხის ძალამ", რომ დავაინიციირეთ მაშინ დაინახა ორმაგი სტანდარტი, რომ თურმე "ფარას" კანონი ამერიკაში უნდა მოქმედებდეს და კარგია, საქართველოში კი არ უნდა მოქმედებდეს და ცუდია. ევროკავშირში კარგია, ახლა თან უფრო ამკაცრებენ ამ გამჭვირვალობის კანონს, თურმე დაცვა უნდა მოხდეს უცხოური ჩარევისგან ევროპაში და საქართველოში ეს საჭირო არ არის. რატომ? იმიტომ, რომ იქაური ძალები უნდა ჩაერიოს საქართველოში", - განაცხადა საპარლამენტო პოლიტიკური ჯგუფის ”ხალხის ძალის” თავმჯდომარის მოადგილე გურამ მაჭარაშვილმა.