"რა პიროვნებაც არ უნდა დაასახელონ, მას გამარჯვების არანაირი შანსი არ ექნება, არც თბილისში და არც სხვა 64 მუნიციპალიტეტში" - ირაკლი ქადაგიშვილი

"მათ ახლა კარგი არჩევანი არ აქვთ და რა პიროვნებაც არ უნდა დაასახელონ, მას გამარჯვების არანაირი შანსი არ ექნება, არც თბილისში და არც სხვა 64 მუნიციპალიტეტში" - ეს განცხადება პარლამენტის რეგიონული პოლიტიკის კომიტეტის თავმჯდომარე, ირაკლი ქადაგიშვილმა გააკეთა.

მისი თქმით, ოპოზიციას არჩევნებში გამარჯვების შანსი არ აქვს.

"ის, რაც ოპოზიციამ თავის თავს დამართა და რა შეურაცხყოფაც მან საკუთარ ამომრჩეველს მიაყენა, მათი ნების ასეთი უგულებელყოფით, განპირობებულია სწორედ აქედან მათი ასეთი მძიმე მდგომარეობა. ამიტომ, მათ ახლა კარგი არჩევანი არ აქვთ და რა პიროვნებაც არ უნდა დაასახელონ, მას გამარჯვების არანაირი შანსი არ ექნება, არც თბილისში და არც სხვა 64 მუნიციპალიტეტში. გამომდინარე აქედან, დღეს მათი ერთადერთი ბარიერგადალახული პარტიების მიზანი არის, რომ პარტიული სხეული შეინარჩუნონ და საკრებულოების დონეზე მაინც, ადგილებზე რაღაც პარტიული წარმომადგენლობა მაინც იქნას მიღწეული. ეს შედეგი არის, რაც შეიძლება მათ მაქსიმუმ ამ არჩევნებში მიიღონ," - აცხადებს ირაკლი ქადაგიშვილი.