გერმანიის მთავრობის ფორმირების შემდეგ, ბორის პისტორიუსი თავდაცვის მინისტრის თანამდებობაზე დარჩება

გერმანიის მთავრობის ფორმირების შემდეგ, ბორის პისტორიუსი თავდაცვის მინისტრის თანამდებობაზე დარჩება.

გერმანიის „სოციალ-დემოკრატიულმა“ პარტიამ, რომელიც ახალ მთავრობას „ქრისტიანულ-დემოკრატიულ კავშირთან“ ერთად ჩამოაყალიბებს, მინისტრები დაასახელა.

სიის თანახმად, ბორის პისტორიუსი რჩება თანამდებობაზე.

როგორც მედია წერს, ბორის პისტორიუსი ოლაფ შოლცის მთავრობაში გერმანიის არმიის გაძლიერებისა და უკრაინისთვის სამხედრო დახმარების მიწოდების ერთ-ერთი უდიდესი მხარდამჭერი იყო.

პისტორიუსმა განაცხადა, რომ ღიაა უკრაინაში გერმანული კონტინგენტის განთავსების იდეისადმი.

გარდა ამისა, ბორის პისტორიუსი ოლაფ შოლცის მთავრობაში ყველაზე პოპულარული პოლიტიკოსია.