დავით მათიკაშვილი: რა კარდაკარზეა საუბარი, როცა განსხვავებული აზრის მქონე ადამიანებს შეხვედრებიდან ყრიან, რადიკალური ოპოზიციის ფასადური მცდელობა, საზოგადოებაში იარონ, ფიასკოსთვის არის განწირული

რადიკალურ ოპოზიციას არანაირი ნდობა არ გააჩნია, მათი ფასადური მცდელობა, საზოგადოებაში იარონ და თავიანთი დესტრუქციული შეხედულებები გააცნონ, ფიასკოსთვის არის განწირული, – ამის შესახებ საქართველოს პარლამენტის საპროცედურო საკითხთა კომიტეტის თავმჯდომარემ, დავით მათიკაშვილმა განაცხადა.

მათიკაშვილის შეფასებით, ეს ოპოზიციაში თავადაც იციან.

„რა კარდაკარზეა საუბარი, როცა შეკრებებზე ადამიანებს არ უშვებენ და განსხვავებული აზრის მქონე ადამიანებს შეხვედრებიდან ყრიან. რადიკალებს სურთ, ეს შეხვედრები მხოლოდ პროპაგანდისტურმა მედიებმა გააშუქონ. ეს ადამიანები არიან დესტრუქციული და ანტიეროვნული. კოლექტიური „ნაცმოძრაობა“ როგორც აქამდე მარცხდებოდა, ასეთი ბედი ელოდებათ ისევ“, – აღნიშნა მათიკაშვილმა