არჩილ გორდულაძე ჩერგოლეიშვილის განცხადებაზე: ექსტრემიზმს და მოწოდებას თავი დაანებონ, რადგან შესაძლებელია ამ ქმედებებში სამართალდარღვევის ნიშნებიც არსებობდეს

იურიდიულ საკითხთა საპარლამენტო კომიტეტის თავმჯდომარე არჩილ გორდულაძე მედიასთან თამარ ჩერგოლეიშვილის განცხადებას ეხმიანება, სადაც ჩერგოლეიშვილ აღიარებს, რომ ხშირ შემთხვევაში ექსტრემიზმი ცუდი არ არის.

„ამ ადამიანებს მოვუწოდებ, რომ ერთხელ მაინც დაფიქრდნენ და თავიანთი პატრონების დავალების შესრულებაზე ხელი აიღონ და ამავდროულად, ექსტრემიზმს და მოწოდებას თავი დაანებონ, რადგან შესაძლებელია ამ ქმედებებში სამართალდარღვევის ნიშნებიც არსებობდეს“, - აღნიშნა არჩილ გორდულაძემ.

თამარ ჩერგოლეიშვილმა განაცხადა, რომ ექსტრემიზმი ყოველთვის ცუდი არ არის. პარლამენტის თავმჯდომარე, შალვა პაპუაშვილი კი წერს, რომ ახლა ჯერი დონორებზეა და ექსტრემიზმის დაფინანსება უნდა შეწყდეს.