აზერბაიჯანში ტრაგიკულ შემთხვევას საქართველოს მოქალაქე ემსხვერპლა
1788984809
უკრაინის პრეზიდენტი ვოლოდიმირ ზელენსკი კანადაში ოფიციალური ვიზიტით ჩავიდა. მისი თქმით, ის კანადის პრემიერ-მინისტრს, მარკ კარნის შეხვდება და მათი საუბრის მთავარი თემა უკრაინის საჰაერო თავდაცვის გაძლიერება იქნება.
როგორც ზელენსკიმ აღნიშნა, ოტავა კიევის ერთ-ერთი უახლოესი პარტნიორია.
„კანადაში ჩამოვედი. კანადა იყო და რჩება ჩვენს ერთ-ერთ უახლოეს პარტნიორად. ჩვენ ვაფასებთ კანადელების მხარდაჭერას და იმ გადაწყვეტილებებს, რომლებიც უკრაინას ეხმარება, მტკიცედ დადგეს და დაიცვას ჩვენი ხალხი.
დაგეგმილია მნიშვნელოვანი შეხვედრები და შეთანხმებები, რომლებიც ჩამოაყალიბებს ჩვენს თანამშრომლობას და გაამყარებს ჩვენი ურთიერთობების ისედაც სტრატეგიულ დონეს მომავალი წლების განმავლობაში. მე შევხვდები პრემიერ-მინისტრ მარკ კარნის. მთავარი აქცენტი გაკეთდება უკრაინის მხარდაჭერაზე ჩვენი ცის დასაცავად და ზამთრისთვის მოსამზადებლად. ჩვენ განვიხილავთ, თუ როგორ გავაძლიეროთ ჩვენი მდგრადობა, დავუჭიროთ მხარი ჩვენს ხალხს და უზრუნველვყოთ, რომ უკრაინას ჰქონდეს თავის დასაცავად საჭირო შესაძლებლობები“, – წერს ზელენსკი.
ამასთან, ზელენსკის თქმით, მასთან ერთად იმყოფება უკრაინის პირველი ლედი, რომელსაც დაგეგმილი აქვს შეხვედრა კანადელ ქველმოქმედებთან.
„პირველ ლედის დაგეგმილი აქვს შეხვედრა ქველმოქმედებთან, რომლებიც მხარს უჭერენ უკრაინას. ის ასევე ეწვევა უკრაინის „სუპერგმირთა სკოლების“ კანადურ ექვივალენტებს. მადლობა ყველას, ვინც უკრაინას უჭერს მხარს“, – დაწერა უკრაინის პრეზიდენტმა.
