„ყველაზე საშინელი კუნძული“, სადაც 160 000 გვამია დაკრძალული - ტურისტებს ადგილზე ჩასვლა ეკრძალებათ

იტალიის აღმოსავლეთ სანაპიროზე, ვენეციასთან ახლოს მდებარეობს კუნძული, სადაც ტურისტებს არ შეუძლიათ შესვლა. 

მას მსოფლიოში „ყველაზე საშინელ კუნძულად“ მოიხსენიებენ, რადგან მასზე 160 000 გვამია დაკრძალული. ამჟამად ადგილზე შენობები ძირითადად დანგრეულია. ეს არის კუნძული პოველია. 

პოველია 7 ჰექტარის ფართობზე მდებარეობს. პოველია ციხე არ იყო, მაგრამ მე-18 საუკუნის ბოლოს მისი გამოყენება იმ ადამიანების კარანტინში გადასაყვანად დაიწყეს, რომლებსაც, სავარაუდოდ, ჭირი ჰქონდათ. კუნძული 1922 წლამდე საკარანტინო პუნქტის ფუნქციას ასრულებდა, შემდეგ კი ფსიქიატრიულ საავადმყოფოდ გადაკეთდა, სანამ 1968 წელს არ დაიხურა.

ვარაუდობენ, რომ იქ დაახლოებით 160 000 ადამიანი დაიღუპა, რომლებიც შემდგომში დამარხეს და დაწვეს.

მას შემდეგ ნახევარი საუკუნე გავიდა და კუნძულზე არსებული შენობები ახლა ინგრევა, ადგილობრივი ხელისუფლება კი მას ტურისტებისთვის ძალიან საშიშად მიიჩნევს.

თუმცა, ბრიტანელმა მკვლევრებმა მეტ ნადინმა და ენდი ტომპსონმა 2020 წელს მოახერხეს მასზე წვდომის მოპოვება თავიანთი YouTube არხისთვის „Finders Beepers History Seekers“.

ერთ-ერთ ვიდეოში ნადინმა განმარტა: „კუნძული იმდენად ბნელი ისტორიითაა სავსე, იქ უამრავი ადამიანი დაიღუპა და სეირნობისას ნამდვილად იგრძნობ იმ საშინელებებს, რაც იქ მოხდა“.

„მათ ყველა ცხედარი დაწვეს და იქ დატოვეს. კუნძული არასდროს გაწმენდილა სათანადოდ. სანამ იქ ვიყავით, ზარის რეკვა გავიგეთ და ეს საკმაოდ საშინელი იყო, ცოტათი შემაშინა კიდეც. ეს ნიშანს ჰგავდა. მთელი ადგილი უბრალოდ ძალიან უცნაური და შემზარავი იყო, თუმცა ფილებიდან და თაღებიდან შესამჩნევი იყო, რომ თავდაპირველად ეს ლამაზი შენობები უნდა ყოფილიყო.“