WSJ: სტივ უიტკოფმა უკრაინის წარმომადგენლებს ურჩია, რომ დონალდ ტრამპისთვის, „ტომაჰავკის“ რაკეტების ნაცვლად, ნულოვანი ტარიფები ეთხოვათ

 დონალდ ტრამპის სპეციალურმა წარმომადგენელმა სტივ უიტკოფმა უკრაინას ურჩია დონალდ ტრამპს „ტომაჰავკის“ რაკეტების ნაცვლად ამერიკული ტარიფებისგან გათავისუფლება სთხოვოს. ინფორმაციას The Wall Street Journal-ი ავრცელებს.

„უიტკოფმა უკრაინულ მხარეს შესთავაზა, სხვა ტაქტიკა ეცადა. მან უთხრა უკრაინელებს, რომ მათთვის ტომაჰავკების მიწოდებას აზრი არ ჰქონდა და ნაცვლად ამისა, ურჩია, ტრამპისთვის 10 წლით ტარიფებისგან გათავისუფლება ეთხოვათ“, - ნათქვამია სტატიაში.