ვიქტორ ორბანი: უნგრეთი სოლიდარობას უცხადებს პოლონეთს. პოლონეთის ტერიტორიული მთლიანობის დარღვევა მიუღებელია

უნგრეთის პრემიერ-მინისტრმა ვიქტორ ორბანმა სოციალურ ქსელ X-ში დაწერა, რომ მისი ქვეყანა პოლონეთს რუსული უპილოტო საფრენი აპარატების შეჭრის ფონზე სოლიდარობას უცხადებს.

„უნგრეთი ახლახან მომხდარი დრონების ინციდენტის კვალობაზე პოლონეთს გვერდში უდგას. პოლონეთის ტერიტორიული მთლიანობის დარღვევა მიუღებელია. ინციდენტი ამტკიცებს იმას, რომ ჩვენი პოლიტიკა რუსეთ-უკრაინის ომის შეჩერების შესახებ საფუძვლიანი და რაციონალურია. ომის ჩრდილში ცხოვრება რისკებითა და საფრთხეებითაა აღსავსე. დროა, ეს დავასრულოთ!“, - დაწერა ორბანმა.

როგორც უნგრეთის მთავრობის თავმჯდომარემ დასძინა, ის მხარს უჭერს აშშ-ის პრეზიდენტის დონალდ ტრამპის მცდელობას, შეაჩეროს ომი და მიაღწიოს მშვიდობას.

Hungary stands in full solidarity with Poland following the recent drone incident. The violation of Poland’s territorial integrity is unacceptable.

The incident proves that our policy of calling for peace in the Russia-Ukraine war is reasonable and rational. Living in the shadow…

— Orbán Viktor (@PM_ViktorOrban) September 10, 2025