თურქეთში ტერორისტები სტაბილურობის შერყევას ვერ შეძლებენ - ერდოღანი

„ტერორისტები, რომლებიც ცდილობენ თურქეთში მშვიდობის და სტაბილურობის შერყევას, მიზანს ვერასოდეს მიაღწევენ“, - ამის შესახებ თურქეთის პრეზიდენტმა რეჯეფ თაიფ ერდოღანმა ანკარაში მომხდარ ტერორისტულ აქტთან დაკავშირებით განაცხადა.

ერდოღანმა მომხდარს „ტერორისტების ერთ-ერთი ბოლო აგონია“ უწოდა.

გარდა ამისა, ერდოღანმა რუსეთ-უკრაინის ომზეც ისაუბრა.

ერდოღანის თქმით, რუსეთ-უკრაინის ომის შედეგები, რომელმაც დაარღვია მსოფლიო ეკონომიკის ბალანსი, „ყოველდღიურად ვლინდება სხვადასხვა ასპექტში“.

მან აღნიშნა, რომ ინფლაციის მაჩვენებლებმა მთელ მსოფლიოში მიაღწია უმაღლეს დონეს ბოლო 60-70 წლის განმავლობაში.

მისივე თქმით, შექმნილ ვითარებაში „ვერავინ, მათ შორის განვითარებული ქვეყნებიც კი, ვერ ხედავენ ნათელ მომავალს“.

ერდოღანმა თქვა, რომ ნეგატიური ტენდენციები „უნებლიეთ თურქეთსაც შეეხება“.