„ცაჰალმა“ ლიბანის სამხრეთის მოსახლეობას ევაკუაციისკენ მოუწოდა

ისრაელის თავდაცვის ძალები ლიბანის სამხრეთით მდებარე სოფლების მოსახლეობის ევაკუაციას ითხოვენ.

„თქვენი უსაფრთხოებისთვის, დაუყოვნებლივ უნდა დატოვოთ თქვენი სახლები და გაერიდოთ სოფლებს მინიმუმ 1000 მეტრის მანძილზე, ღია სივრცეში“, - განაცხადა არმიის სპიკერმა, მაიორმა ელა ვავეიმ.

მას შემდეგ, რაც „ჰეზბოლამ“ ღამით ჩრდილოეთ ისრაელის მიმართულებით რაკეტები და დრონები გაუშვა, „ცაჰალის“ სამხედროებმა განაცხადეს, რომ საპასუხოდ ლიბანის მასშტაბით „ჰეზბოლას“ ათობით სამიზნეს დაარტყეს, მათ შორის დედაქალაქ ბეირუტშიც.