ტრამპი დაინტერესდა, დავოსში სიტყვით გამოსვლისას მაკრონს სათვალე რატომ ეკეთა - „რა ჯანდაბა მოხდა?“

აშშ-ის პრეზიდენტმა, დონალდ ტრამპმა განაცხადა, რომ დავოსში საფრანგეთის პრეზიდენტის, ემანუელ მაკრონის გამოსვლას უყურა, რომელსაც „ლამაზი მზის სათვალე“  ეკეთა და დასძინა: „რა ჯანდაბა მოხდა?“

„მე ის მომწონს“, – განუცხადა ტრამპმა დავოსში აუდიტორიას მაკრონის შესახებ.

ფრანგი ოფიციალური პირების თქმით, მაკრონს თვალში სისხლძარღვი აქვს გამსკდარი. ბოლო დღეებში ის საჯაროდ სათვალით ჩნდება. მათ შორის, დავოსის ეკონომიკურ ფორუმზე სიტყვით გამოსვლისას, საფრანგეთის ლიდერს სათვალე ეკეთა.