თეთრ სახლში პრეზიდენტის ეროვნული უსაფრთხოების გუნდი იკრიბება - CNN

თეთრ სახლში პრეზიდენტის ეროვნული უსაფრთხოების გუნდი იკრიბება. CNN-ის ცნობით, იქ იმყოფებიან ვიცე-პრეზიდენტი ჯეი დი ვენსი, თავდაცვის მდივანი პიტ ჰეგსეტი, დაზვერვის ცენტრალური სააგენტოს დირექტორი ჯონ რეტკლიფი და სპეციალური წარმომადგენელი სტივ უიტკოფი.

დონალდ ტრამპის კალენდარში დღევანდელი შეხვედრა „დაზვერვის ბრიფინგად“ არის ჩანიშნული, თუმცა შეხვედრის სიტუაციების ოთახში გამართვა მიანიშნებს იმაზე, რომ მოლაპარაკებები უფრო სენსიტიური თემებით იქნება დატვირთული, ვიდრე ინფორმაციის ყოველდღიური სტანდარტული გაზიარებაა პრეზიდენტისთვის.