სტამბოლის მერს, ექრემ იმამოღლუს 1.8 წლით თავისუფლების აღკვეთა მიესაჯა - სასამართლომ ის დამნაშავედ ცნო სტამბოლის მთავარი პროკურორის მიმართ მუქარაში

სტამბოლის მერს, ექრემ იმამოღლუს 1.8 წლით თავისუფლების აღკვეთა მიესაჯა. სასამართლომ ის დამნაშავედ ცნო სტამბოლის მთავარი პროკურორის მიმართ მუქარაში.

ექრემ იმამოღლუსთვის თავისუფლების აღკვეთა არ ითვალისწინებს მისთვის პოლიტიკური საქმიანობის აკრძალვას.

მოსალოდნელია, რომ სტამბოლის მერი ამ გადაწყვეტილებას გაასაჩივრებს. განაჩენი ძალაში არ შევა, ვიდრე გასაჩივრების ყველა კანონიერი საშუალება არ იქნება ამოწურული.

თურქეთში, როგორც წესი, ორ წლამდე ვადით თავისუფლების აღკვეთის განაჩენები ჯარიმებით იცვლება.

თუმცა, ექრემ იმამოღლუს არაერთი სხვა სასამართლო პროცესი ელოდება, და რჩება რისკი, რომ სხვა საქმეებში მას პოლიტიკური საქმიანობა შესაძლოა აეკრძალოს.