საქორწინო ტორტის ნაცვლად ყველის თავი - ორიგინალური ქორწილი კრეტაზე

წყვილმა საკუთარ ქორწილში ტრადიციული საქორწინო ტორტი უჩვეულო ატრიბუტით ჩაანაცვლა და სუფრაზე ყველის დიდი თავი გაჭრა.

როგორც აღმოჩნდა, იდეა სიძის საქმიანობას უკავშირდება - იგი პროფესიით მეყველეა. საქორწინო რიტუალიც შესაბამისად მოერგო სიტუაციას: ნეფემ ყველი საზეიმოდ დაჭრა, ხოლო პატარძალმა მას თაფლი გადაუსვა და საქმროს გაასინჯა, რამაც სტუმრებში დიდი მხიარულება გამოიწვია.

ამ უჩვეულო ჟესტმა საღამოს განსაკუთრებული ელფერი შესძინა და ქორწილის მთავარ სიურპრიზად იქცა. სტუმრებმა ახალდაქორწინებულებს ეს ორიგინალური ნაბიჯი მოუწონეს და ბედნიერი თანაცხოვრება უსურვეს.