საფრანგეთის შინაგან საქმეთა მინისტრი: 24 ოქტომბერს გამართული საპროტესტო აქციების დროს 250-ზე მეტი დემონსტრანტი დაშავდა

საფრანგეთში 24 ოქტომბერს გამართული საპროტესტო აქციების დროს 250-ზე მეტი დემონსტრანტი დაშავდა.

აღნიშნულის შესახებ ქვეყნის შინაგან საქმეთა მინისტრმა, ლორან ნუნიესმა ტელეკომპანია BFM-ის ეთერში განაცხადა. მისივე მონაცემებით, შეტაკებების შედეგად დაშავდა 267 სამართალდამცველიც.

შსს-ს ხელმძღვანელის თქმით, შაბათის აქციებთან დაკავშირებით პოლიციამ მთელი ქვეყნის მასშტაბით 1 435 პირი დააკავა.

„დღის განმავლობაში სიტუაცია კონტროლს ექვემდებარებოდა, რადგან არანაირი სერიოზული ინციდენტი არ მომხდარა, მიუხედავად ულტრამემცხენე და რადიკალურად მემარცხენე მოძრაობის აქტივისტების მცდელობისა, შეტაკებებში შესულიყვნენ“, - აღნიშნა ნუნიესმა.

მინისტრმა ხაზგასმით აღნიშნა უსაფრთხოების ძალების თანამშრომლების მიმართ „ძალადობის ძალიან მაღალი დონე“, რაც 17 ოქტომბრის პროტესტზე დაფიქსირებულს ჰგავს, თუმცა ამჯერად პოლიციელებმა „სათანადო პასუხის გაცემა შეძლეს“.