რეკორდული მაჩვენებელი - სხვადასხვა პლატფორმაზე 16-მა მილიარდმა პაროლმა გაჟონა

ისტორიაში სოციალურ პლატფორმებთან დაკავშირებით მონაცემთა არაერთი დარღვევა მომხდარა. ბევრმა დაკარგა პაროლები, ანგარიშები და ზოგჯერ ფინანსური ინფორმაციაც კი.

თუმცა, ეს შესაძლოა ოდესმე დაფიქსირებული „ყველაზე დიდი დარღვევა“ იყოს.

Cybernews-ის მკვლევრების თქმით, ამჟამად გაჟონა Apple-ის , Facebook-ის , Google-ის და სხვა ანგარიშებთან და სამთავრობო სერვისებთან დაკავშირებულმა 16-მა მილიარდმა პაროლმა.

ვრცელდება ინფორმაცია, რომ რამდენიმე შესვლის მონაცემები და პაროლი გატეხილია. ეს მას შემდეგ მოხდა, რაც Google-მა მომხმარებლებს ურჩია, რომ პაროლები დაუყოვნებლივ შეეცვალათ პოტენციური ჰაკერული თავდასხმების თავიდან ასაცილებლად.

Cybernews ჯგუფმა ასევე აღნიშნა, რომ არსებობდა „30 გამოვლენილი მონაცემთა ნაკრები, რომელთაგან თითოეული 10 მილიონიდან 3.5 მილიარდზე მეტ ჩანაწერს შეიცავდა“.

მკვლევრებმა მოსახლეობა გააფრთხილეს: „ეს მხოლოდ გაჟონვა არ არის - ეს მასობრივი ექსპლუატაციის გეგმაა“.

გაჟონილი მონაცემების უმეტესობა URL-ები იყო, რომლებსაც მოჰყვებოდა მომხმარებლის შესვლა და პაროლი, რამაც ჰაკერებს საშუალება მისცა, წვდომა ჰქონოდათ „თითქმის ნებისმიერ ონლაინ სერვისზე, Apple-დან, Facebook-დან და Google-დან დაწყებული, GitHub-ით, Telegram-ით და სხვადასხვა სამთავრობო სერვისებით დამთავრებული“.

საქმეზე კვლევა კვლავ გრძელდება.