ქრთამის აღების ბრალდებით დაკავებულ ანდრეი ერმაკის ყოფილ მოადგილეს, ანდრეი სმირნოვს სასამართლომ გირაოს სახით 18 მილიონი გრივნა შეუფარდა

სასამართლომ ქრთამის აღების ბრალდებით დაკავებულ უკრაინის პრეზიდენტის ადმინისტრაციის ხელმძღვანელის, ანდრეი ერმაკის ყოფილ მოადგილეს, ანდრეი სმირნოვს გირაოს სახით 18 მილიონი გრივნა შეუფარდა.

16 აპრილს ანტიკორუფციულმა ორგანოებმა განაცხადეს ანდრეი სმირნოვის წინააღმდეგ ახალი ეჭვების შესახებ უკანონოდ მოპოვებული თანხების ლეგალიზაციასა და განსაკუთრებით დიდი ოდენობის ქრთამის აღებასთან დაკავშირებით. გამოძიების ინფორმაციით, ეჭვმიტანილმა 2019-2021 წლებში უკანონოდ მიიღო თანხა, რომლის ლეგალიზაციაც გადაწყვიტა ოდესის ოლქის სარეკრეაციო ზონაში, 300 კვ.მ.-ზე მეტ საერთო ფართობზე კერძო სახლების მშენებლობის გზით.

მანამდე სმირნოვი ანტიკორუფციული სამსახურების მიერ 15.7 მილიონი გრივნის ქრთამის აღების საქმეზე იყო ბრალდებული.