1758051983
ჩარლი კირკის მკვლელობაში ბრალდებულ ტაილერ რობინსონს ბრალი შვიდი დანაშაულისთვის წაუყენეს, იუტას ოლქის პროკურორი მის სიკვდილით დასჯას ითხოვს. ინფორმაციას „ბიბისი“ ავრცელებს.
წაყენებულ ბრალდებებს შორისაა დამამძიმებელ გარემოებებში ჩადენილი მკვლელობა, ცეცხლსასროლი იარაღის გადატანა და გამოყენება, მართლმსაჯულებისთვის ხელის შეშლა, მოწმეებზე ზემოქმედება და ძალადობრივი დანაშაულის ბავშვების თანდასწრებით ჩადენა.
იუტას ოლქის პროკურორის, ჯეფ გრეის განცხადებით, ჩამოთვლილი დანაშაულები საკმარისია იმისთვის, რომ ტაილერ რობინსონის სიკვდილით დასჯა მოითხოვოს.
ცნობისთვის, 22 წლის ტაილერ რობინსონს ბრალად ედება 10 სექტემბერს კონსერვატორი კომენტატორის, ჩარლი კირკის მკვლელობა. ის მომხდარიდან 33 საათის შემდეგ დააკავეს.
