პიტერ სიიარტო აცხადებს, რომ გრენლანდიის საკითხი ევროკავშირს არ ეხება

უნგრეთის საგარეო საქმეთა მინისტრის თქმით, გრენლანდიის საკითხი არ ეხება ევროკავშირს. ამის შესახებ პიტერ სიიარტომ ჩეხ კოლეგასთან შეხვედრის შემდეგ გამართულ პრესკონფერენციაზე განაცხადა.

„ჩვენ ამას მივიჩნევთ ორმხრივ საკითხად და მისი გადაჭრა შესაძლებელია ორ მხარეს შორის მოლაპარაკებების გზით. მე ამას არ ვხედავ, როგორც ევროკავშირის საკითხს.

შესაბამისად, გუშინ მუდმივი წარმომადგენლების შეხვედრაზე ჩვენ მივუთითეთ, რომ არ მივიჩნევთ ევროკავშირის საერთო მიდგომას საჭიროდ და, შესაბამისად, არც შესაძლებლად“, – თქვა სიიარტომ.