NATO-ში აშშ-ის ელჩი: რუსეთსა და უკრაინას შორის მოლაპარაკებები, შესაძლოა, მალე სამშვიდობო შეთანხმებით დასრულდეს

NATO-ში აშშ-ის ელჩმა, მეთიუ უიტაკერმა განაცხადა, რომ რუსეთსა და უკრაინას შორის მოლაპარაკებები, შესაძლოა, მალე სამშვიდობო შეთანხმებით დასრულდეს.

უიტეკერის თქმით, დაახლოებით 50 მოკავშირე ქვეყნისგან შემდგარი ჯგუფი, რომელთაგან ბევრი ნატოს წევრია, აპირებს შეთანხმდეს უკრაინის უსაფრთხოების გარკვეულ ჩარჩოზე, ამერიკის შეერთებულ შტატებთან ერთად.

„ჩვენ, შესაძლოა, სამშვიდობო შეთანხმების ზღვარზე ვიყოთ. ასე რომ, სანამ კვლავაც ვლოცულობთ მშვიდობისთვის, ჩვენ ასევე დიდ ძალისხმევას ვდებთ იმის უზრუნველსაყოფად, რომ ეს მშვიდობა მდგრადი იყოს, რაც, რა თქმა უნდა, შესანიშნავი სიახლე იქნება“, - აღნიშნა დიპლომატმა.