მარკო რუბიოს განცხადებით, გრენლანდიასთან დაკავშირებით დანიის წარმომადგენლებს შეხვდება

აშშ-ის სახელმწიფო მდივნის, მარკო რუბიოს განცხადებით, გრენლანდიასთან დაკავშირებით დანიის წარმომადგენლებს შეხვდება.

„მათ მომავალ კვირას შევხვდები და ამის შესახებ საუბარი გვექნება“, - განაცხადა აშშ-ის სახელმწიფო მდივანმა.

მისი თქმით, აშშ-ის პრეზიდენტს, დონალდ ტრამპს გრენლანდიის შეძენა სურს, თუმცა სამხედრო ძალის გამოყენების შესაძლებლობა კვლავ ძალაში რჩება.

„თუ პრეზიდენტი დაადგენს, რომ აშშ-ის ეროვნულ უსაფრთხოებას საფრთხე ემუქრება, მაშინ ყველა პრეზიდენტს აქვს ამ საკითხის სამხედრო გზით გადაწყვეტის შესაძლებლობა. მე, როგორც დიპლომატი და ჩვენ ყველანი, მოგვარების სხვა გზებს ვამჯობინებთ, მათ შორის ვენესუელაშიც“, - აღნიშნა რუბიომ.