1786515716
როცა ბიოლოგები 21-ე საუკუნეში ახალ სახეობას პოულობენ, ძირითადად იმის წყალობით, რომ ატარებენ დნმ-ის ახალ ანალიზებს, მიკროსკოპში უფრო ახლოს იხედებიან ან ნიმუშები შეგროვებულია ადამიანის კომფორტის ზონიდან გაცილებით შორს მდებარე რეგიონებში.
და მაინც, პრიმატოლოგებმა ახლახან დაადასტურეს მაიმუნის სახეობის არსებობა, რომელიც აქამდე არ არსებობდა სამეცნიერო ჩანაწერებში.
გაიცანით Colobus congoensis-ი, მაიმუნი, რომელიც დიდხანს იმალებოდა მდინარე ლომამსა და კონგოს შორის, ტროპიკულ წვიმის ტყეებში, კონგოს დემოკრატიული რესპუბლიკის აღმოსავლეთ-ცენტრალურ რეგიონში.
ამ მაიმუნის გავრცელების ზონაში ბინადარ ხალხსაც კი იშვიათად ჰყავდათ ის ნანახი.
როცა ხედავდნენ, ბანგალას ხალხი მას „ლიკველის“ ეძახდა; მიტუკუს ხალხი კი „კასაბა ნკონის“, რაც „ტოტების მჭრელს ნიშნავს“.
ლუკურუს ველური ბუნების ფონდის კონცერვაციონისტებმა, ბერნარდ იკემბელომ და ეშლი ვოსპერმა ლიკველის პირველი ფოტოგრაფიული მტკიცებულება 2008 წელს გადაიღეს, ზონაში, რომელიც შემდეგ, 2016 წელს ლომამის ეროვნული პარკი გახდა.
