კარაკასში აფეთქებების ხმა ისმის - ქალაქის თავზე დაბალ სიმაღლეზე მფრენი თვითმფრინავი გამოჩნდა

ვენესუელის დედაქალაქ კარაკასში აფეთქებების ხმა ისმის, ქალაქის თავზე დაბალ სიმაღლეზე მფრენი თვითმფრინავი გამოჩნდა. ინფორმაციას ამის შესახებ CNN-ი ავრცელებს.

გავრცელებული ცნობით, ვენესულის დედაქალაქში რამდენიმე ძლიერი აფეთქება მოხდა.

კარაკასის რამდენიმე ზონა ელექტროენერგიის გარეშე დარჩა. მათ შორის არის ქალაქის სამხრეთი ნაწილი, სადაც დიდი სამხედრო ბაზაა განთავსებული.

აშშ-ის პრეზიდენტმა, დონალდ ტრამპმა არაერთხელ განაცხადა, რომ აშშ ვენესუელაში ნარკოტიკებით ვაჭრობის სავარაუდო ქსელების წინააღმდეგ ახალი ზომების მისაღებად ემზადება და რომ ხმელეთზე დარტყმები "მალე" დაიწყებოდა.

2 იანვარს ვენესუელამ განაცხადა, რომ მზადაა შეერთებულ შტატებთან ნარკოტიკებით ვაჭრობის წინააღმდეგ ბრძოლის შესახებ შეთანხმების მოსამზადებლად.