ისრაელმა არაბეთის საამიროებს „რკინის გუმბათი“ მიაწოდა

ირანთან ომის დასაწყისში ისრაელმა არაბეთის გაერთიანებულ საამიროებს რაკეტსაწინააღმდეგო კომპლექსის, „რკინის გუმბათის“ ბატარეა გაუგზავნა. ასევე არაბეთის საამიროებში ისრაელის თავდაცვის ძალების რამდენიმე ათეული სამხედროც გაემგზავრა. 

არაბეთის გაერთიანებული საამიროების თავდაცვის სამინისტროს ცნობით, ირანმა ამ ქვეყნის მიმართულებით 550-ზე მეტი ბალისტიკური რაკეტა და 2 200 დრონი გაუშვა. მათი უდიდესი ნაწილი განადგურებული იყო, მაგრამ რამდენიმე ჭურვი სამხედრო და სამოქალაქო ობიექტებს მაინც მოხვდა.

ეს პირველი შემთხვევაა, როდესაც ისრაელმა „რკინის გუმბათი“ მესამე ქვეყანაში გააგზავნა. არაბეთის საამიროები პირველი ქვეყანა გახდა, სადაც „რკინის გუმბათი“ ისრაელის და აშშ-ის შემდეგ ამოქმედდა.

ისრაელის და აშშ-ის მიერ ირანის წინააღმდეგ სამხედრო ოპერაციის დაწყების შემდეგ ისრაელი და არაბეთის გაერთიანებული საამიროები სამხედრო და პოლიტიკურ სფეროებში მჭიდროდ თანამშრომლობენ.