ისრაელის სახმელეთო შეტევა ღაზაში არსებულ სიტუაციას კიდევ უფრო გააუარესებს, ევროკომისია ხვალ ისრაელზე ზეწოლის მოსახდენად ზომებს წარმოადგენს - კაია კალასი

ისრაელის სახმელეთო შეტევა ღაზაში სიტუაციას კიდევ უფრო გააუარესებს, ევროკომისია ხვალ ისრაელზე ზეწოლის მოსახდენად ზომებს წარმოადგენს, – ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი კაია კალასი წერს.

„ისრაელის სახმელეთო შეტევა ღაზაში არსებულ სიტუაციას კიდევ უფრო გააუარესებს. ეს მეტ სიკვდილს, მეტ ნგრევას და მეტ იძულებით გადაადგილებულ ადამიანებს გამოიწვევს. ხვალ ევროკომისია წარმოადგენს ზომებს ისრაელის მთავრობაზე ზეწოლის მოსახდენად, რათა შეცვალონ კურსი. სავაჭრო დათმობების შეჩერება და ექსტრემისტი მინისტრებისთვის სანქციების დაწესება ნათელი სიგნალი იქნება იმისა,რომ ევროკავშირი მოითხოვს ამ ომის დასრულებას“, – წერს კალასი.