ფაშინიანი: ძალიან შეშფოთებული ვართ აშშ-სა და ირანთან დაკავშირებული სიტუაციით, მჭიდროდ ვთანამშრომლობთ როგორც აშშ-თან, ასევე ირანთან, გვსურს, ეს სიტუაცია მალე მოგვარდეს

სომხეთის მთავრობა ძალიან შეშფოთებულია ამერიკის შეერთებულ შტატებსა და ირანთან დაკავშირებული სიტუაციით, – ამის შესახებ სომხეთის პრემიერ-მინისტრმა, ნიკოლ ფაშინიანმა სომხეთში მთავრობის სხდომის შემდეგ ბრიფინგზე განაცხადა.

სომხეთის პრემიერ-მინისტრს დაუსვეს კითხვა, რა გავლენას მოახდენს აშშ-ის გადაწყვეტილება ეკონომიკური ომის გამოცხადების შესახებ სომხეთსა და ირანს შორის ურთიერთობებზე.

„ბუნებრივია, ჩვენ ძალიან შეშფოთებულები ვართ შეერთებულ შტატებსა და ირანთან არსებული ვითარებით და ამ საკითხთან დაკავშირებით ძალიან მჭიდროდ ვთანამშრომლობთ როგორც შეერთებულ შტატებთან, ასევე ირანთან და გვსურს, ეს სიტუაცია რაც შეიძლება მალე მოგვარდეს“, – განაცხადა ნიკოლ ფაშინიანმა.