ძლიერი თოვლის გამო, მატარებელი რელსებიდან გადავარდა - დაშავდა 5 ადამიანი (შვეიცარია)

შვეიცარიის სამხრეთით, მატარებლის ლიანდაგიდან გადასვლის შედეგად, ხუთი ადამიანი დაშავდა. პოლიციის ცნობით, მატარებლის ლიანგაგებიდან გადასვლის სავარაუდო მიზეზი ზვავია. ინფორმაციას BBC ავრცელებს.

ინციდენტი ადგილობრივი დროით დილის 7:00 საათზე, სოფელ გოპენშტაინის მახლობლად მოხდა, სადაც ზვავის საფრთხის შესახებ გაფრთხილება გამოცხადდა.

პოლიციის ცნობით, 29-ვე მგზავრი გადაარჩინეს, ხოლო დაშავებულთაგან ერთი საავადმყოფოში გადაიყვანეს.

ბოლო დღეებში, შვეიცარიაში ძლიერი წვიმა და თოვლი იყო, ქვეყნის თოვლისა და ზვავის კვლევის ინსტიტუტმა, ალპებში ზვავების ძალიან მაღალი რისკის შესახებ გაფრთხილება გამოსცა.