დონალდ ტრამპი აცხადებს, რომ „ტიკტოკთან“ დაკავშირებით ჩინეთთან შეთანხმება მიღწეულია

 აშშ-ის პრეზიდენტი დონალდ ტრამპი ჩინეთთან ვიდეო აპლიკაცია „ტიკტოკთან“ დაკავშირებით შეთანხმების შესახებ იუწყება.

აშშ-ის პრეზიდენტი სოციალურ ქსელში წერს, რომ მიღწეული იქნა შეთანხმება „გარკვეულ“ კომპანიაზე, რომლის გადარჩენაც აშშ-ში ახალგაზრდებს ძალიან სურდათ.

„ევროპაში ამერიკის შეერთებულ შტატებსა და ჩინეთს შორის გამართულმა დიდმა სავაჭრო შეხვედრამ ძალიან კარგად ჩაიარა! მალე დასრულდება. ასევე მიღწეული იქნა შეთანხმება „გარკვეულ“ კომპანიაზე, რომლის გადარჩენაც ჩვენს ქვეყანაში ახალგაზრდებს ძალიან სურდათ. ისინი ძალიან ბედნიერი იქნებიან! პარასკევს პრეზიდენტ სი ძინპინთან ვისაუბრებ. ჩვენი ურთიერთობა ძალიან ძლიერი რჩება“, – წერს დონალდ ტრამპი.