CNN: ტრამპი აზიაში ვიზიტის დროს, შესაძლოა, ჩრდილოეთ კორეის ლიდერს შეხვდეს

 ამერიკელი ჩინოვნიკები აშშ-ის პრეზიდენტის დონალდ ტრამპისა და ჩრდილოეთ კორეის ლიდერის კიმ ჩენ ინის შესაძლო შეხვედრის ორგანიზებაზე არაფორმალურად მუშაობენ. ინფორმაციას CNN-ი ავრცელებს.

ამერიკული ტელეარხის ცნობით, ტრამპისა და კიმის შეხვედრა, შესაძლოა, მომდევნო თვეში შედგეს, როცა ამერიკის ლიდერი აზიის ქვეყნებში ტურნეს მოაწყობს.

როგორც რამდენიმე წყარო CNN-ს უყვება, აშშ-ის პრეზიდენტის ადმინისტრაციის წევრებს ამგვარი ვიზიტისთვის საჭირო ლოგისტიკური დაგეგმარება ჯერ არ დაუწყიათ, რადგან ვაშინგტონსა და ფხენიანს შორის კონტაქტი ჯერ არ შემდგარა, როგორც ეს ტრამპის პირველი საპრეზიდენტო ვადის დროს მოხდა.

CNN-ს ორმა წყარომ განუცხადა, რომ წლის დასაწყისში ტრამპის მიმართვა კიმ ჩენ ინისადმი უპასუხოდ დარჩა, რადგან ჩრდილოკორეელებმა წერილი არ მიიღეს.