ჩრდილოეთ კორეამ ქვეყნის აღმოსავლეთ ნაწილიდან ბალისტიკური რაკეტა გაუშვა - სამხრეთ კორეის სამხედრო ძალები

ჩრდილოეთ კორეამ ქვეყნის აღმოსავლეთ ნაწილიდან ბალისტიკური რაკეტა გაუშვა. ინფორმაციას სამხრეთ კორეის სამხედრო ძალები ავრცელებს.

რაკეტის გაშვებას ადასტურებს ოფიციალური ტოკიოც.

იაპონიის მთავრობის განცხადებით, ჩრდილოეთ კორეის მიერ გაშვებული რაკეტა იაპონიის ექსკლუზიური ეკონომიკური ზონის მიღმა ზღვაში ჩავარდა.

ქვეყნის პრემიერ-მინისტრმა, სანაე ტაკაიჩიმ განაცხადა, რომ რაკეტის გაშვების შედეგად მიყენებულ რაიმე სახის ზიანზე ინფორმაცია არ ვრცელდება.

ამასთან, გასულ თვეში ჩრდილოეთ კორეამ რამდენიმე მოკლე რადიუსის რაკეტა გაუშვა.