ბრიტნი სპირსისა და დუა ლიპას ჰიტების ავტორი მოკლეს

ოცდათხუთმეტი წლის მუსიკოსი და პროდიუსერი ტალაი რაილი (ნამდვილი სახელი მარკ ორაბი), რომელიც ბრიტნი სპირსთან, დუა ლიპასთან და ზენდაიასთან თანამშრომლობდა, ლონდონში დანით მოკლეს, იტყობინება The Standard.

დანაშაული 5 ივნისს, სილვერთაუნის აღმოსავლეთ რაიონში მოხდა. სასწრაფო დახმარების ბრიგადამ მსხვერპლის გადარჩენა სცადა, თუმცა ის მიყენებული ჭრილობებისგან საკუთარი სახლის ბაღში გარდაიცვალა. იმავე ინციდენტში 20 წლის მამაკაციც დაშავდა; ის საავადმყოფოშია გადაყვანილი და მის სიცოცხლეს საფრთხე არ ემუქრება.

სკოტლანდ იარდმა დაადასტურა, რომ მკვლელობის ეჭვმიტანილი სამი პირი დააკავეს. 27 წლის მამაკაცი გირაოთი გაათავისუფლეს და მის საქმეზე გამოძიება გრძელდება. კიდევ ერთი 25 წლის მამაკაცი და 25 წლის ქალი ბრალდების გარეშე გაათავისუფლეს. ტალეი რაილი (ნამდვილი სახელი მარკ ოლანიჯი ა. ოლაინკა ა. ორაბიი) დაიბადა ლონდონში 1990 წელს. პროფესიულად, ის ცნობილია, როგორც ბრიტანელი მომღერალი და კომპოზიტორი, რომელიც ყველაზე მეტად ცნობილია სიმღერით „Make You Mine“. 18 წლის ასაკში მუსიკოსმა პირველი მნიშვნელოვანი კონტრაქტი გააფორმა გამომცემლობა Global Publishing-თან. მან პირველად ყურადღება 2009 წელს მიიპყრო რეპერ Chipmunk-ის სინგლში გამოსვლის შემდეგ, რომელმაც დიდი ბრიტანეთის ჩარტში მეშვიდე ადგილი დაიკავა. შემდგომში რაილიმ კონტრაქტი გააფორმა წამყვან ლეიბლ Jive/Sony Records-თან და გასტროლებზე იმყოფებოდა დიდი ბრიტანეთისა და აშშ-ს მრავალ არტისტთან ერთად.