2-თვიანი ძებნის შემდეგ, პოლიციამ 9 წლის ბავშვის ცხედარი იპოვა - საქმეზე დედაა დაკავებული (უცხოეთი)

2-თვიანი ძებნის შემდეგ, იუტას შტატში პოლიციამ 9 წლის ბავშვის ცხედარი აღმოაჩინა. საქმე ეხება მელოდის გაუჩინარებას, რომლის საქმეზეც ბრალი ბავშვის დედას, ეშლი ბრაუნს, ედება. ცხედარი 6 დეკემბერს იპოვეს, ხოლო ეშლი ბრაუნი 23 დეკემბერს დააკავეს.

გამომძიებლების ცნობით, ეშლის სახლში ნაპოვნი ვაზნა ემთხვევა დანაშაულის ადგილზე აღმოჩენილ გარსაცმებს. სამართალდამცველებმა მელოდი დედასთან ერთად 9 ოქტომბერს ვიდეოთვალთვალის კამერებზე დააფიქსირეს. ამის შემდეგ გოგონა მალევე მოკლეს. მელოდი ოფიციალურად დაკარგულად 14 ოქტომბერს გამოცხადდა, მას შემდეგ, რაც სკოლის წარმომადგენელმა მისი ხანგრძლივი არყოფნა დააფიქსირა.

იმ პერიოდში ეშლი ბრაუნი გამომძიებლებთან თანამშრომლობაზე უარს აცხადებდა. ნოემბერში პოლიციამ ​გაავრცელა უსაფრთხოების კამერის ჩანაწერები, სადაც მელოდი დედასთან ერთად 7 ოქტომბერს ჩანს - დაახლოებით იმ დროს, როდესაც ბავშვი გაუჩინარდა.

ასევე გამოქვეყნდა კადრები კალიფორნიიდან, მანქანის გაქირავების პუნქტიდან, სადაც მელოდი პარიკით არის დაფიქსირებული. გამომძიებლების ვარაუდით, ეს ბავშვის შენიღბვის მცდელობა იყო. დედა თავადაც ატარებდა პარიკებს მოგზაურობის დროს და გარეგნობას რამდენჯერმე იცვლიდა.  საქმეზე გამოძიება გრძელდება.