რაზე მიგვანიშნებს მშრალი და ფერმკრთალი კანი

ვიტამინები მნიშვნელოვან გავლენას ახდენენ არა მხოლოდ ადამიანის ჯანმრთელობაზე, არამედ მის კეთილდღეობაზე და გარეგნობაზე.კერძოდ, გარკვეული ვიტამინების ნაკლებობამ შეიძლება გამოიწვიოს სახის და სხეულის კანის გაუარესება. აქედან გამომდინარე, მნიშვნელოვანია ამ ნივთიერებების აუცილებელი ბალანსის უზრუნველყოფა.

უნდა გვახსოვდეს, რომ ყველა ვიტამინი არ შეიძლება დამოუკიდებლად სინთეზირდეს ორგანიზმში. არის ისეთებიც, რომელთა მიღება შესაძლებელია მხოლოდ საკვები ნივთიერებებით მდიდარი საკვებით.

მცენარეული წარმოშობის პროდუქტები B და C ვიტამინების, E ვიტამინის და A პროვიტამინის ყველაზე მნიშვნელოვანი წყაროა. ცხოველური წარმოშობის პროდუქტები ცხიმში ხსნადი A, D, E ვიტამინების ყველაზე მნიშვნელოვანი წყაროა.

ვიტამინებს, როგორც წესი, აქვთ არასპეციფიკური ეფექტი, აუმჯობესებენ სხეულის ზოგად მდგომარეობას. თუმცა, ცალკეული ვიტამინების თანდაყოლილი სპეციფიკური ეფექტიც არსებობს, ამიტომ მათ გამოყენებამდე უნდა მიმართოთ დერმატოლოგს.

• კანის სიმშრალეს ხშირად თან ახლავს პოლიუჯერი ცხიმოვანი მჟავების, A, E, C და B ჯგუფის ვიტამინების, თუთიის, კალციუმის დონის დაქვეითება.
• ეგზემისა და დერმატიტის დროს ხშირია A, D, E და B ჯგუფის ვიტამინების, პოლიუჯერი ცხიმოვანი მჟავების, თუთიის და სელენის დეფიციტი.
• ფერმკრთალი კანი ხშირად დაკავშირებულია რკინის, სპილენძის, C ვიტამინისა და B ჯგუფის ვიტამინების დეფიციტთან.
• ჰიპერპიგმენტაცია (კანის გარკვეული უბნების ფერის გამუქება) შესაძლოა ასოცირებული იყოს B ჯგუფის ვიტამინების დეფიციტთან და ენდოკრინულ დარღვევებთან.

კანზე ჭრილობების ცუდად შეხორცების მიზეზი შესაძლოა იყოს ცილების, ვიტამინების A, D, C, B12, პოლიუჯერი ცხიმოვანი მჟავების, რკინის, თუთიის, სპილენძის, სელენის, კალციუმის, მაგნიუმის არასაკმარისი მიღება.