1747757404
17 წლის გოგონა, რომელიც ავიაკატასტროფის შემდეგ სასწაულებრივად გადარჩა - ჯულიან კოეპკეს ისტორია
ჯულიან კოეპკეს წარმოდგენაც არ ჰქონდა, რა ელოდა მას, როდესაც 1971 წელს შობის ღამეს თვითმფრინავში ჩაჯდა.
17 წლის გოგონა დედასთან ერთად ლიმადან (პერუდან) აღმოსავლეთ ქალაქ პუკალპაში მიემგზავრებოდა მამამისის მოსანახულებლად, რომელიც მუშაობდა ამაზონის ტროპიკულ ტყეში.
მაგრამ შემდეგ, ერთსაათიანი ფრენა კოშმარში გადაიზარდა, როდესაც მასიური ჭექა-ქუხილი დაიწყო. იმ საბედისწერო დღეს ფრენა უნდა გაგრძელებულიყო ერთი საათის განმავლობაში. მაგრამ 25 წუთის შემდეგ ტრაგედია დატრიალდა.
როდესაც ბარგი ჩამოვარდა ზედა თაროებიდან, კოეპკეს დედამ ჩაიჩურჩულა: „იმედია ყველაფერი კარგად იქნება“. მაგრამ შემდეგ, ელვამ დაარტყა ძრავას და თვითმფრინავი დაიშალა.
„ის, რაც სინამდვილეში მოხდა, არის ის, რისი აღდგენაც მხოლოდ გონებაში შეგიძლიათ. თვითმფრინავის დაშლის შემდეგ ჰაერში აღმოვჩნდი,“ - იხსენებს კოეპკე.
ჯერ კიდევ სავარძელზე მიჯაჭვული ჯულიან კოეპკე მიხვდა, რომ თვითმფრინავიდან გადმოვარდა. შემდეგ მან გონება დაკარგა. როცა გაიღვიძა, ის პერუს ტროპიკული ტყეების შუაგულში იყო. იგი ტყეში 11 დღის განმავლობაში იმყოფებოდა.
ნახევარი დღე დასჭირდა კოეპკეს იმისთვის, რომ სრულად წამომდგარიყო. თავიდან დედის პოვნას აპირებდა, მაგრამ უშედეგოდ. გზად კოეპკეს პატარა ჭა შეხვდა. მიუხედავად იმისა, რომ ამ დროს თავს უიმედოდ გრძნობდა, გაიხსენა მამის რჩევა, გაჰყოლოდა წყალს ქვემოთ, რადგან სწორედ იქ იქნებოდა ცივილიზაცია.
ასე რომ, კოეპკემ დაიწყო თავისი რთული მოგზაურობა ნაკადის ქვემოთ.
კოეპკემ გაიგო და დაინახა მაშველი თვითმფრინავები და ვერტმფრენები, მაგრამ მათ ხმა ვერ მიაწვდინა.
ტყეში ლაშქრობის მეცხრე დღეს კოეპკე ქოხს წააწყდა და გადაწყვიტა მასში დასვენება. სწორედ ამ დროს ფიქრობდა, რომ ჯუნგლებში მარტო მოკვდებოდა. მაგრამ შემდეგ მან გაიგო ხმები. ისინი ეკუთვნოდნენ სამ პერუელ ტყის მჭრელებს, რომლებიც ქოხში ცხოვრობდნენ.
„პირველი ადამიანი, რომელიც ვნახე, ანგელოზს ჰგავდა“, - თქვა კოეპკემ.
ჯუნგლებში გატარებული 11 საშინელი დღის შემდეგ კოეპკე გადაარჩინეს. მკურნალობის შემდეგ, ის კვლავ მამასთან გაემგზავრა და გაიგო, რომ ავიაკატასტროფას დედაც გადაურჩა. სამწუხაროდ, დედა მალევე მიღებული დაზიანებების გამო გარდაიცვალა.
ბორტზე მყოფი 92 ადამიანიდან ერთადერთი გადარჩენილი ჯულიან კოეპკე იყო.
ტრავმული ავარიის შემდეგ ცხოვრება რთული იყო კოეპკესთვის. საბოლოოდ მან 1980 წელს გააგრძელა ბიოლოგიის სწავლა გერმანიაში, კიელის უნივერსიტეტში, შემდეგ კი მიიღო დოქტორის ხარისხი. მოგვიანებით კი სამეცნიერო კვლევებისთვის პერუში დაბრუნდა. იგი დაქორწინდა და გახდა ჯულიან დილერი.
ასევე ნახეთ:
ვიდეოთამაშის გამო დაწყებული კონფლიქტი, რომელიც სასტიკი მკვლელობით დასრულდა
"მან, ერთ ღამეში, რვა მედდა მოკლა..." - რიჩარდ სპეკის დანაშაული და სასჯელი
