წყალი შეწყდება - გადაამოწმეთ თქვენი მისამართი

„ჯორჯიან უოთერ ენდ ფაუერი“ წყალმომარაგების შეზღუდვის შესახებ ინფორმაციას ავრცელებს და მოსახლეობას აფრთხილებს.

„დღეს, 14 დეკემბერს, ჯორჯიან უოთერ ენდ ფაუერი სამგორის რაიონში, საქართველოს ერთიანობისათვის მებრძოლთა ქ. N37-თან  წყალმომარაგების სტაბილურობისთვის აუცილებელ ტექნიკურ სამუშაოებს ჩაატარებს.

კომპანიის ტექნიკური ჯგუფები  სამუშაოებს დღეს, 14 დეკემბერს, ღამის 23:00 საათზე დაიწყებენ და მთელი ღამის განმავლობაში ინტენსიურ რეჟიმში შეასრულებენ.

აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც დღეს, 14 დეკემბერს, ღამის 22:00 საათიდან 15 დეკემბრის დილის 08:00 საათამდე წყალმომარაგება შეეზღუდება:

სამგორის რაიონში: ვარკეთილი ზემო პლატოს II მ/რ-ის N28, 29, 30, ერთიანობისთვის მებრძოლთა ქუჩა N37, 43.

დღეს, 14 დეკემბერს ჯორჯიან უოთერ ენდ ფაუერი, გლდანის რაიონში,  ე.ანდრონიკაშვილის ქ. I შესახვევში აუცილებელ ტექნიკურ სამუშაოებს ჩაატარებს.

კომპანიის ტექნიკური ჯგუფები გადაუდებელ  სამუშაოებს ინტენსიურ რეჟიმში შეასრულებენ. აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც  14 დეკემბერს 11:00 საათიდან 14 დეკემბრის  19:00 საათამდე წყალმომარაგება შეუწყდება:

გლდანის რაიონში: სარაჯიშვილის ქ. N 35-77 (კენტებს) რიონის ქუჩას შესახვევებით, მორის ფოცხიშვილის, მიხაკო წერეთელი და გელა ჭედიას ქუჩებს. 

ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის“, - ნათქვამია ინფორმაციაში.